VOV4.Sêdang -  Sap hơnăm 2013, a tơring Krông Bông, kong pơlê Daklak hlo ai mâu tơdroăng ki khu mơdró kâ phá pro pơxúa ăm to dêi khu tơná ing tơdroăng hbru ăm hlá mơ-éa phêp tí tăng chiâ xo tơmeăm tung kong kế, pro pơtôu min vâ xo hmốu. Tơdroăng kố ôh ti xê to tơdjâk troh tơdroăng rêh ối dêi lối hr^ng rơpo\ng kuăn pơlê tung kơpong, mê ối pro hía he#ng hên kế tơmeăm tung kong kế, ngo ngối. Tuấn Long, ngế chêh hlá tơbeăng ai chêh tối mâu tơdroăng ki tô tuăn dêi kuăn pơlê a tơring Krông Bông, kong pơlê Daklak.

Plâ hâi tâng to tơnâng chuât dêi mâu kơmăi ki pong, chiâ, tông xo hmốu; to mâu hmốu ki kah kan nếo châ chiâ xo; mâu hmốu ki hbo, kân, rơdâ klêi kơ’nâi hneăng, uâ kô ai tơdrêng mâu ngế ki troh rôe amê [ă yă châ chât rơtuh liăn. Kố cho um méa ki hiăng hmâ hlo a kơpong chiâ xo hmốu dêi Ko\ng ti ối tung thôn 6, cheăm Hòa Sơn, tơring Krông Bông. Ngoh Bùi Trí Vương, môi ngế ối a thôn 6 tối ăm ‘nâi, sap ing to lâi hơnăm kố, tíu ki kố hiăng chiâng tíu ki cheăng dêi Ko\ng ti tơlo liăn cheăng Trung Văn (ai tíu pêi cheăng a thôn 3, cheăm Hòa Sơn, tơring Krông Bong) [ă Kong ti pêi cheăng tiô rơnó Ánh Kim (ôh tá ‘nâi ối a tíu lâi). Mâu khu mơdró kố hiăng pro pơtôu min đi đo vâ xo hmốu plâ hâi plâ măng, pro tơdroăng rêh ối dêi lối 125 rơpo\ng kuăn pơlê a thôn 6 to trâm pá puât xua to ngôi hmốu, tơnêi kơlung kơlăng, idrâp chuât pơ’lok pơ’lâ, klêk tuăn pá kâi tối. Ngoh Vương hêng hôu tối: Sap ing kơxo má troh a kơxê măng, vâi hiăng xúa kơmăi pong, chiâ, tung pơla chiâ xo hmối vâi ối dâi min pơtôu chuât têi, pơ’lok ó ‘nâng, mâu kuăn pơlê pêi chiâk achê mê, dế pôe dêi rơmôe kơphế hmốu kơ’le#ng pá iâ vâ tro a ko, xâo xía ‘nâng. Drêng vâi pơtôu min vâi ôh tá la lâi tối ăm kuăn pơlê ‘nâi. A kơmăng, vâi chơ hmốu [ă rơxế kân kơtâu plâ măng, pro pơ’lok ‘nâng, troăng prôk xua rơxế chơ hmốu ki hơngăm, hiăng tơ’nhê tâi tâng.

Pôa Hòang Trung Thấn ối a thôn 6, cheăm Hòa Sơn tối, hngêi pôa ối a mơ’nu thôn, kơpong ki achê [ă tíu ki ai hmốu, xua mê, tơdroăng pêi chiâk pêi deăng tung mâu hơnăm hiăng luâ khoh chiâng pá ai rơhéa ki klâi, xua vâi dế pong chiâ xo hmốu, tâng vâ riân ngăn nhên rêm hơnăm tro lu\p châ hr^ng rơtuh liăn. Tơdroăng păn mơnăn mơnôa, pêt mơjiâng tơmeăm khoăng chiâng xơpá, mê xuân cho tơdroăng tô tuăn má môi dêi pôa, xua vâi pong, chiâ xo hmốu, ‘măn kơroh kơrâm drô [ăng chiâk deăng, khoh chiâng ai tơdroăng ki tơhnah tơhnâp tơnêi tung rơnó mê hngê. Pôa Thấn tối ăm ‘nâi: Sap ing khu pơkuâ ngăn ‘na chiâ xo hmốu troh lăm pong, chiâ hmốu akố, kuăn pơlê hiăng tơtrâ ó păng ‘nâng, xua vâi pro pá ăm kuăn pơlê tung pêi chiâk pêi deăng. Chiâ xo hmốu tiah mê, tơnêi chiâk deăng kuăn pơlê kô tơhnah, pơla kố pin tá hâi teăm hlo, thâo la ngiâ ah, tơnêi a kơpong kố kô tơhnah tơhnâp tâi tâng, kuăn pơlê ngin pá ai tơnêi ulâi xếo vâ pêi chiâk pêi deăng akố.

Pôa Văn Phú Hồng, Kăn [ơrô ngăn ‘na tơmeăm khoăng tung têa, kơdâm tơnêi dêi tơring Krông Bông tối, dế nôkố a tơring kố ai 4 troh 5 Ko\ng ti chiâ xo hmốu granit, la tâi tâng mâu ko\ng ti mê pơrá tá hâi teăm ai hlá mơ-éa phêp pêi cheăng. Bu ai 2 to Ko\ng ti ki châ hbru hlá mơ-éa phêp tí tăng chiâ xo tơmeăm tung kơdâm tơnêi, cho Ko\ng ti tơlo liăn cheăng Trung Văn [ă Ko\ng ti tơlo liăn cheăng Quốc Duy, ki u ối ma luâ vâi hiăng chêh pro đơn la tá hâi teăm ai tơdroăng ăm phêp dêi kơvâ ngăn ‘na hnoăng cheăng kố. {ă tơdroăng ki Ko\ng ti kố hmếo pơ chiâ xo hmối a thôn 5, thôn 6 cheăm Hòa Sơn [ă [uôn Ngô B, cheăm Hòa Phong, mê khu pơkuâ ngăn ‘na kế tơmeăm tung têa, kơdâm tơnêi dêi tơring hiăng lăm ngăn, [ă hiăng rup pơxâu môi hdrôh, [ă kơxo# liăn pơxâu ai 320 rơtuh liăn. Ma luâ ti mê, mâu Ko\ng ti ki kố klêi kơ’nâi tro pơxâu phâk vâi xuân tá hâi teăm hméa, vâi xuân ối kơnhêng lăm chiâ xo hmốu nếo, vâi chiâ xo châ hên hmốu granit lo ing tơring kố vâ lăm tê. Pôa Văn Phú Hồng tối ăm ‘nâi, tíu pêi cheăng pôa dế tối tơbleăng ăm Vi [an hnê ngăn tơring vâ tơleăng tơdroăng mê: Ngin dế tối tơbleăng ăm tơring kô mơjiâng khu séa ngăn tơru\m hên kơvâ cheăng, thăm pêi pro kơtăng khât tung tơdroăng lăm ngăn, malối khu pơkuâ ngăn cheăm athế lăm ngăn đi đo, tâng ôh tá ai mơngế athế tối pơtâng ăm tơring vâ ăm mơngế chu ngăn. Tơdrêng akố, ngin ai pâ thế kong pơlê đi đo ăm Kan sat ngăn ‘na tơmeăm khoăng ki chiâng xêh tung kong kế lăm ngăn ‘na tơdroăng kố, drêng vâi châ pơto hmốu drô troăng, ngin ôh tá chiâng vâ mơdât vâi [ă pơxâu phak vâi.

Môi mêt kho#i hmốu granit hmâ tê a mâu tíu mơdró kơnâ sap ing 1 rơtuh 600 rơpâu troh a 1 rơtuh 800 rơpâu liăn. Mâu hmốu granit ki le\m, ki kân kô pro rơnuâ hngêi trăng, kơ-[ăng tăng ối kơnâ troh a chât rơtal liăn. Tung pơla mê, tơdroăng ki mơhá liăn ăm tơdroăng tăng chiâ xo bu kơnâ ai 1 kơpêng 3 tê. Xua châ tơkâ hên tiah mê, khu mơdró khoh ôh tá xâu luât dêi tơnêi têa, vâi brôk dêi pó lăm tí tăng chiâ xo hmốu hmâng lo vâ, maluâ tá hâi ai hlá mơéa phêp. Ti xê bu tối to ‘nâng séa ngăn, pơxâu phak xua ai tơdroăng chiâ xo hmốu kố, mê kuăn pơlê hiăng pâ thế khu kăn pơkuâ [ă mâu râ, kơvâ cheăng dêi tơring Krông Bông, kong pơlê Daklak kal athế pêi pro i kơtăng tâ nếo vâ khoh kâi châ mơdât tơdroăng chiâ xo hmốu hmâng to lo vâ, kal athế châ rak vế tơnêi tơníu vâ pêi chiâk pêi deăng, rak vế tơmeăm khoăng ki kơnía tung kong kế tơniăn ăm la ngiâ.

Nhat Lisa tơplôu [ă tơbleăng