VOV4.Sêdang - Kong prâi a kong pơlê Daklak ai tơ’nôm môi hơnăm nếo hlo ôh tá tơniăn. Tung pơla kơdró têa kong mêi gá iâ a mâu kong pơlê tung kơpong Tây Nguyên, môi tiah Gialai, Kontum, Lâm Đồng, la a kong pơlê Daklak kong mêi xuân iâ. Ki hên mâu tơring, pơlê kong kơdrâm tung kong pơlê, kơdró têa kong mêi bu châ 55 – 57% tung khế kố dêi hên hơnăm. Vâ chê mơ’nui rơnó mêi la ai mâu kong pơlê dế ối tro kong tô mơdrăng, lối hr^ng ha hdrê loăng pêt tro ‘mêi, xua ôh tá bê têa tôh. Pơlê kong kơdrâm {uôn Ma Thuột xuân ối ai tơdroăng ki ôh tá ai têa ôu kâ hum roh xua têa mo\ng xiâ. Mâu tơdroăng ki ôh tá tơniăn kố dế pro tô tuăn ăm tơdroăng pêi chiâk pêi deăng. Ngế chêh hlá tơbeăng cheăng tung Rơ’jiu Việt Nam a Tây Nguyên ai kơ-êng pôa Trần Thế Hoàn, kăn pơkuâ ko\ng ti pêi cheăng tiô rơnó môi tung khu rak ngăn rơchoâ, long têa Daklak ‘na tơdroăng ki mâu rơchoâ, long a kong pơlê [ă túa pơkâ mơ’no têa, hbrâ ăm tơdroăng ki kô trâm [ă môi rơnó kong tô mơdrăng ó nếo tung la ngiâ.

          Êng: Pâ phêp koh hmât kơ pôa Trần Thế Hòan, Kăn pơkuâ Ko\ng ti pêi cheăng tiô rơnó, môi tung Khu pơkuâ ngăn rơchôa, hno, long têa kong pơlê Dak Lak, pâ phêp pôa tối ăm ‘nâi, kơlo têa a mâu long, rơchôa a kong pơlê Dak Lak dế nôkố ga tiah lâi?

          Pôa Trần Thế Hòan: Tung tâi tâng 235 to rơchôa, long ki rak têa ki ngin pơkuâ ngăn troh chôu phut kố bu ai 57 to long, rơchôa ki tơtro [ă tơdroăng ki mơjiâng. 103 to rơchôa, long bu xiâm châ pá xuâp tơdế tiô tơdroăng ki mơjiâng pro. Môi tiah rơchôa Vụ Bổn, thăm nếo, ngin ối athế hrik têa ing têa ki hiăng xiâ pá kơdâm vâ tôh tơmeăm pêt, ăm báu hluăn ing răng hlâ.

          Êng: Tiah mê, Ko\ng ti ai pơkâ mơnhên môi tiah lâi ‘na tơdroăng ki vâ bê têa tôh a mơ’nui rơnó mêi hngêi hơnăm kố?

          Pôa Trần Thế Hòan: Tâng kong prâi xuân ối môi tiah rêm hơnăm, mê tơdroăng ki rak têa ăm mâu rơpo\ng cho tơdroăng ki pá păng ‘nâng, ki rơhêng vâ tối, mâu long ki rak têa ki kân, môi tiah rơchôa {uôn Yông, rơchôa Ea Kao kơdroh troh 14 rơtuh met kho#i, rơchôa Vụ Bổn kơdroh troh 5 rơtuh met kho#i, rơchôa Krông {uk Hạ kơdroh troh 60 rơtuh met kho#i.

Êng: Rơnó mê a Tây Nguyên mơni ối dâng pá 2 khế nếo. Pâ phêp êh pôa, mâu túa ki vâ rak têa [ă tơdroăng ki ‘mâi rơnêu mâu rơchôa, hno, long têa a kong pơlê pin ga ti lâi, vâ rế bê têa ki kơd^ng a mơ’nui rơnó, rế tơniăn ăm rơchôa têa tâng lơ ai kong mêi kân, khía mơhot têi, xua ai La Ni`a kô troh tung mâu khế mơ’nui hơnăm?

         Pôa Trần Thế Hòan: Ngin hiăng ai troăng hơlâ i nhên tung tơrêm rơchôa, hno, long têa. Tung rơnó xeăng têa pơla kố nah, pak^ng tơdroăng mơ’no têa, ngin xuân athế ai troăng hơlâ ki kơd^ng têa [ă tâng ôh tá tôh têa ngin athế kl^ng rơchôa. Ki má lối, [ă mâu rơchôa têa ki tôh kơphế mê ngin hiăng kl^ng kơdât têa apoăng rơnó mêi hngê vâ kơd^ng. Maluâ tá hâi châ tơnêi têa kum liăn ngân la tung hơnăm 2014-2015, ngin hiăng xo liăn ing kơxo# liăn ki kum pro ‘na rơchôa, hno, long têa vâ chê 30 rơtal liăn vâ ‘mâi rơnêu mâu tơmeăm khoăng ki kal, ki rơhêng vâ tối, cho mâu tơmeăm khoăng ki ai tơdjâk troh rơchôa, hno têa ki xiâm. Chiâng vâ tối, mâu tơmeăm khoăng ki ngin pơkuâ troh a chôu phut kố pơrá hiăng tơniăn. Ma luâ ti mê, tung la ngiâ ah, vâ ga tơniăn mê ối hên mâu rơchôa, hno, long têa ki kal ‘mâi rơnêu, ki rơhêng vâ tối, mâu rơchôa ki têa châ plế, plo\ng lo pá kong a kối rơchôa, a cheâng tro rơheăng, prêa lo têa.

          Êng: Tơdjâk troh kơxo# liăn ki vâ ‘mâi rơnêu ăm rochôa, hno têa mê klêi kơ’nâi roh tô mơdrăng pơla hdrối kố nah, mê Daklak cho môi tung mâu kong pơlê ki châ Chin phuh to\ng kum hên má môi ‘na kơxo# liăn ki vâ kum ‘mâi mơnhông tơdroăng pêi chiâk deăng, xua trâm tô mơdrăng. Ô pôa, kơxo# liăn ki kố châ xing xoăng [ă ai tơdjâk ki klâi troh tơdroăng pơkuâ ngăn tung rak vế mâu rơchôa, hno têa tung dế nôkố [ă tung la ngiâ ah?

          Pôa Trần Thế Hòan: Tung hơnăm 2016 mê kong pơlê Daklak châ Tơnêi têa to\ng kum ai 2 hdroh, tâi tâng 79 rơtal liăn. Kơxo# liăn ki kố kong pơlê hiăng pơcháu ăm Ko\ng ti pơkuâ ngăn ‘na rơchôa, hno, long têa [ă mâu kong pơlê, pơlê kong kân hiăng kui trâp, văng nhâ, to\ng kum rôe têa châu vâ hrik têa tôh báu klâng tung pơla trâm kong tô mơdrăng. Ki păng ‘nâng, tơdroăng kố hiăng châ tơ-[rê khât. Ma luâ ti mê, vâ kơxo# liăn ki kố châ mơ’no, pêi pro ai pơxúa khât mê kal athế ai tơdroăng ki hriăn ngăn, séa mơnhên, xing xoăng ăm ga tơtro tơdroăng tâ.

          Êng: Vâ tơniăn rak vế mâu rơchôa, hno, long têa châ pơxúa păng ‘nâng, mê hnoăng cheăng dêi mâu khu pơkuâ ngăn kong pơlê, pơlê kong kân ga ti lâi? Ki rơhêng vâ tối [ă mâu kong pơlê, pơlê kong kân ki nếo mơdrếo xo 200 to rơchôa, hno, long têa ing peăng Ko\ng ti vâ pơkuâ ngăn xêh, mê tơdroăng tơru\m cheăng pơla Ko\ng ti [ă mâu kong pơlê, pơlê kong kân ga tiah lâi, hôm ai tơ’lêi há ‘na tơdroăng mê?

          Pôa Trần Thế Hòan: Ki păng ‘nâng, 200 to rơchôa, long têa ki mê klêi kơ’nâi pơcháu ăm mâu kong pơlê, pơlê kong kân mê hnoăng cheăng dêi Ko\ng ti pơkuâ ngăn rơchôa, hno têa hiăng tâi tơdroăng ăm phêp. Hnoăng cheăng ki mê cho pơcháu ăm peăng Vi [an hnê ngăn mâu tơring athế mơjiâng mâu khu ki pơkuâ ngăn ‘na xúa têa [ă ăm kăn [o# ki rơkê ple\ng ‘na tơchôa, long têa vâ pơkuâ rak ngăn mâu tơmeăm mê. La păng ‘nâng, khu kăn [o# dêi mâu tơring tá hâi pêi pro tro tiô tơdroăng pơkâ tung hlá mơ-éa kơxo# 40 dêi Khu kăn xiâm pơkuâ ngăn ‘na chiâk deăng [ă mơnhông mơdêk cheăng kâ rêh ối pơlê pơla ‘na hnoăng cheăng pơkuâ ngăn.

          Hôm, mơnê kơ êh pôa!

Nhat Lisa tơplôu [ă tơbleăng