VOV4.Sêdang – Drêng châ hlo 2 ngế tro tâ pơrea\ng virus Zika, tung mê ai ngế dế rêh ối a kong pơlê Khánh Hoà – cho kong pơlê achê, ai tơdroăng tê mơdró, tơdroăng prôk lăm ke\n dêi kong pơlê dêi pó đi đo, kơvâ ngăn pơkeăng [a\ khăm pơlât kong pơlê Dak Lak hiăng thăm tơbleăng, thâ po rơdâ mâu tơdroăng hbrâ mơdât pơrea\ng Zika xông tâ tú. Minh Châu, ngế chêh hlá tơbeăng cheăng tung Rơ’jíu Việt Nam kơpong Tây Nguyên ai kơ-êng [ok thái pơkeăng Phạm Văn Lào, Kăn pơkuâ Tíu xiâm ngăn pơkeăng [a\ hbrâ mơdât pơrea\ng kong pơlê Dak Lak tối ‘na tơdroăng kố.

            * Ô [ok thái pơkeăng, kơxo lơ 5 khế 4, Khu xiâm ngăn pơkeăng [ă khăm pơlât tơku\m hôp, tơbleăng Việt Nam hiăng ai 2 ngế tâ tú virus Zika, tung mê a kong pơlê Khánh Hoà, cho kong pơlê achê, ai tơdroăng tê mơdró, prôk vêh rêm hâi, tiah mê kong pơlê Daklak hiăng pêi pro mâu tơdroăng klâi vâ hbrâ mơdât pơreăng tâ tú?

Bok thái pơkeăng Phạm Văn Lào: Nôkố ngin hiăng ‘nâi nhên ai 2 ngế, môi tung péa ngế ki kố xuân tơdjâk achê Daklak. Hdrối mê, ngin hiăng ai pơkâ mâu tơdroăng cheăng mê, mơnhên tối ai 2 ngế tâ pơreăng mê a cho kong pơlê ki ê. ‘Na mâu tơdroăng ki vâ ‘nâi nhên môi tiah ai ngế hiăng tâ tú. Klêi mê tâng ai hla mơ-éa pơtroh ing khu ngăn pơkeăng hiăng krếo hôp tơdrêng hnê pêi mâu tơdroăng cheăng. Tơdroăng ki pêi ahdrối cho mơdêk séa ngăn [ă xo mơheăm mâu ngế kuăn pơlê vâ séa ngăn cho tơdroăng pêi pro apoăng kal khât vâ tối [ă châ ‘nâi ngế ki tâ tú pơreăng apoăng xua ing tri trôu pâk, kơdê troăng ki djâ tâ tú. Má 2 nếo, hnê tối vâ kuăn pơlê hlê ple\ng ‘nâi hbrâ mơdât ăm tơná [ă ăm tâi tâng. Kơvâ ngăn pơkeăng xuân hiăng hnê mơhno ăm khu rak ngăn ivá mâu vâi nôu [ă vâi ‘ne\ng mơdêk tơdroăng séa ngăn [ă rak ngăn kuăn ngá tung klêa vâ ai troăng hơlâ teăm pơlât tơdrêng. {ă hbrâ tu\m tơmeăm, pơkeăng xôh kơdế [ă pơlât ăm prêi le\m hlối, klâ ối phá xêh mâu ki tâ tú mê tâng ai.

* Nôkố hên ngế, malối mâu vâi kơdrâi dế mơ-êa tô tuăn păng ‘nâng tung pơla nôkố. Tiah mê [ok thái pơkeăng hôm ai hnê tối klâi kơ kuăn pơlê tung hbrâ mơdât xuân môi tiah châ ‘nâi pơreăng tâ tú?

Bok thái pơkeăng Phạm Văn Lào: Tung pơla ai pơreăng Zika, pro hlâ  mơngế ôh tá hên la gá pro chiâng ai tơdroăng ki rơ-iô a kuăn ngá, malối, tung 3 khế apoăng, ki pro châi tung ngôa a mâu hiăng kân, hơnăm hên. Tơdroăng ki tơmâng vâ ‘nâi ple\ng má môi cho vâi kơdrâi dế mơ-êa.  Mê cho tơdroăng ki tô tuăn má môi, la tơdroăng pơkâ thế vâi nâ o pôi tá préa, tá tô tuăn, tâng préa, tô tuăn luâ râ xuân tơdjâk troh kuăn ngá. Xua mê thế pôi tá tơche#ng klâi lối préa ó tung kơvâ ngăn pơkeăng. La mơngế ki dế mơ-eâ tung pơla kố, thế lăm troh a hngêi pơkeăng vâ châ hnê pêi mâu tơdroăng hbrâ mơdât virus Zika. {ă vâi nâ o ki dế mơ-êa vâ châ hnê tối pơkâ tơdroăng ki kal ví tri trôu pâk ôh tá ai kuăn tơngo ku\n. ‘Na mâu túa hbrâ mơdât tri trôu pâk mê pin hiăng pơkâ mâu tơdroăng ki nhên, tâng ôh tá ai tri trôu pâk, ôh tá ai kiâ ngu nge\ng mê ôh tá ai pơreăng zika. Pin loi khât kô ôh tá ai tơdroăng klâi. Pá môi hdroh nếo púi vâi nâ o mơ-eăm tơru\m [ă hngêi pơkeăng  vâ rak vế ivá ăm tơná, rak ngăn kuăn ‘ne\ng, rak vế rơxông la ngiâ.

*Mơnê kô [ok thái pơkeăng Phạm Văn Lào.

Gương tơplôu [ă tơbleăng