VOV4.Sêdang -  Hơnăm 2014, lối hr^ng ngế kuăn pơlê a cheăm Na N’Jang, tơring Dak Song, kong pơlê Daknông hiăng kum lối 450 rơtuh liăn vâ mơjiâng troăng prôk tung thôn pơlê. Laga, troh nôkố, troăng ki kố xuân tá hâi mơjiâng pro. Kuăn pơlê nhôm tơdroăng kố ôh tá tơniăn tung tơdroăng ki xúa liăn xua kuăn pơlê veăng tơlo vâ pro troăng. Chêh tối dêi ngế chêh hlá tơbeăng cheăng tung Rơ’jiu Việt Nam a Tây Nguyên ai mơnhên tơdroăng mê.

          Hơnăm 2014, pêi pro tiô hnoăng cheăng xiâm dêi tơnêi têa ‘na mơjiâng thôn pơlê rêh ối, cheăng kâ tiô túa nếo, Vi [an hnê ngăn cheăm Nâm Njang, tơring Dak Song, kong pơlê Daknông hiăng hnê tối, pơtâng khe\n, djâ troăng mâu thôn pơlê tối  mơhnhôk vâi krâ-nho\ng o veăng rơlo liăn ngân, hnoăng cheăng pêi vâ pro troăng prôk pơla mâu thôn pơlê tiô túa ‘’tơnêi têa [ă kuăn pơlê rơtế pêi’’.

          Klêi kơ’nâi hôp, tơno i nhên, mâu rơpo\ng hiăng pôk Khu séa ngăn ‘na pro troăng ai 3 ngế, klêi mê, hiăng vâ môi tuăn rơlo apoăng ai 3 rơtuh liăn 1 rơpo\ng. Drêng troăng hiăng châ mơjiâng pro, ngăn tiô kơ kơxo# tơnêi chiâk deăng ki kân kuăn dêi rêm rơpo\ng, tâng ai hên chiâk deăng kô rơlo hên, ai iâ chiâk deăng kô rơlo iâ. Bu tung pơla to lâi hơnăm, mâu rơpo\ng kuăn pơlê a thôn 10 dêi cheăm hiăng rơlo vâ chê 450 rơtuh liăn vâ rơtế [ă tơnêi têa mơjiâng pro troăng prôk pơla mâu thôn pơlê. La troh nôkố, péa to troăng ki tối vâ mơjiâng xuân tá hâi teăm pro, prôk lăm pá puât. Pôa Hoàng Quốc Hùng, ối a chêam Nâm Njang, tơring Dak Song tô tuăn tối: Veăng rơlo tung to lâi hơnăm tiah mê la troh nôkố liăn dêi kuăn pơlê ‘nâi ‘măn ulâi, ngế ki lâi xúa. Troăng lăm pá puât to trâp hliâk ó tiah kố. Á bu pói thế ti lâi mâu khu râ, kơvâ cheăng, khu kăn pơkuâ re\ng mơjiâng pro troăng prôk ăm kuăn pơlê, tâng tơnêi têa ‘no liăn ngân mê ngin xuân veăng rơlo vâ veăng mơjiâng troăng prôk kố. Tâng ôh ta ai liăn, mê athế mơdrếo kơxo# liăn mê ăm tơná kuăn pơlê vâ vâi krâ-nho\ng o pro xêh troăng prôk.

          Tiô tơdroăng pơcháu ki Vi [an hnê ngăn cheăm Nâm Njang hiăng k^ klâk tăm po\ng sap hơnăm 2012 nah, troăng prôk dêi thôn 10 [ă thôn 11 xo\n ai 2 km 2; tâi tâng kơxo# liăn ‘no vâ mơjiâng 3 rơtal 400 rơtuh liăn, tung mê, tơnêi têa kum 65% kơxo# liăn, ki u ối cho xua kuăn pơlê veăng rơlo. Xua liăn dêi tơnêi têa tá hâi pơtroh, mê khoh chiâng tá hâi mơjiâng pro troăng prôk kố.

          Tiô tơdroăng tối dêi kuăn pơlê akố, kơxo# liăn ki xua vâi krâ-nho\ng o rơlo ai khu ki xo xúa kơxo# liăn mê pro tơdroăng ki ê, ôh tá tro tơdroăng. Tiô tơdroăng ki mơnhên tối dêi Khu kăn séa ngăn tơdroăng cheăng dêi tơring Dak Song ăm ‘nâi: Tung pơla dế hơnăm 2014 nah, kơxo# liăn ki kuăn pơlê veăng rơlo ai vâ chê 450 rơtuh liăn hiăng châ pơtroh ăm Vi [an hnê ngăn cheăm Nâm Njang, la troh mơ’nui hơnăm 2015, Vi [an hnê ngăn cheăm nếo nâp vâ chê 270 rơtuh liăn mot tung theh liăn pơtroh ăm {ơrô tơdah xo liăn dêi Hngêi rak liăn kum ‘na pêi chiâk deăng [ă mơnhông mơdêk thôn pơlê dêi tơring Dak Song. 200 rơtuh liăn ki u ối, Vi [an hnê ngăn cheăm Nâm Njang hiăng pơcháu ăm khu vâ mơjiâng pro troăng prôk cho Ko\ng ti pêi cheăng tiô tơnó Vạn Tín Phát dêi pơlê kong kơdrâm {uôn Ma Thuột, kong pơlê Daklak mung xo hdrối sap ing khế 5 hơnăm 2014 nah, la tung pơla mê, tá hâi teăm k^, klâk tăm po\ng ‘na tơdroăng tơhrâ vâ mơjiâng pro troăng. La pôa Nguyễn Văn Phò, Kăn pho\ hnê ngăn Vi [an tơring Dak Song, kong pơlê Daknông tối tiah kố: Klêi kơ’nâi séa mơnhên ngăn mê tơdroăng ki pơkuâ rak liăn dêi vâi krâ-nho\ng o rơlo hiăng châ cheăm nâp a hnôu ‘măn liăn dêi tơnêi têa. To lâi khế kơ’nâi kố ah, Vi [an hnê ngăn kong pơlê kô xing xoăng kơxo# liăn mê, mê ah nếo, tơring kô râng kơxo# liăn kố kơjo kum ăm thôn 10, thôn 11, cheăm Nâm Njang vâ kuăn pơlê veăng mơjiâng pro troăng prôk pơla mâu thôn pơlê akố.

          Tiah mê, kơxo# liăn vâ chê 450 rơtuh liăn xua kuăn pơlê cheăm Nâm Njang, tơring Dak Song, kong pơlê Daknông veăng rơlo hiăng luâ 2 hơnăm hiăng hluâ châ xúa tiah lâi? Tơdroăng ki Vi [an hnê ngăn cheăm Nâm Njang ăm khu ki vâ mơjiâng pro troăng mung hdrối 200 rơtuh liăn ôh tá hâi k^ tơkêa pro hôm tro lơ xôi? Mâu tơdroăng ki ôh tá tơleăng mơnhên kố kal athế châ khu râ, kơvâ cheăng dêi kong pơlê Daknông pro mơnhên.

Nhat Lisa tơplôu [ă tơbleăng