VOV4.Sêdang - Pơlê mơhno mơjiâng túa le#m tro Đê Ktu, pơlê kân Kon Tơng, tơring ‘Mang Yang, kong pơlê Gia Lai châ Khu ngăn ‘na mơhno mơjiâng túa le#m tro tơ’noăng ivá [ă ngăn ‘na ôm hyôu ‘no liăn mơjiâng a hơnăm 2009 nah tiô kơxo# liăn dêi tơdroăng Pơkâ dêi tơnêi têa ‘na mơhno mơjiâng túa le#m tro. Ki xiâm cho vâ pro chiâng môi pơlê ai khôi túa le#m tro ki tơviah dêi hdroâng kuăn ngo Bơhnéa, pro ivá mơnhông mơdêk ôm hyô dêi tơring. Laga, xua ai hên tơdroăng ki ôh tá tro tung tơdroăng kơchuâ, chêh, mơjiâng pro mê mâu kế tơmeăm khoăng kố ôh tá tơtro [ă khôi túa dêi tơring, cheăm, pro chiâng tơdroăng ki khéa kho ăm tơmối ki lăm hyô ngăn . {ai dêi Nguyễn Thảo, ngế chêh hlá tơbeăng cheăng tung Rơ’jiu Việt Nam a Tây Nguyên ai chêh tối tơdroăng kố.

Pơlê Đê Ktu cho môi tung 4 pơlê droâng kuăn ngo dêi pơlê kân Kon Tơng, tơring ‘Mang Yang, la cho môi pơlê ki ai tâi tâng kơxo# pơ’leăng mâ mơngế to mơngế Bơhnéa rêh ối. Pơlê Đê Ktu hdrối nah ối pơtối rak vế hên tơmeăm khoăng, vêa vong dêi mơngế Bơhnéa ối tiah kuât, hngêi trá xo\n, têa kơneăng, mâu hngêi pro a tơnâp kiâ um pong rơgi [ă loăng [ă hía hé. Xua mê, tung hên hơnăm hlối. Đê Ktu cho tíu ki hên tơmối tung tơnêi têa [ă kong têa ê troh ôm hyô. Hơnăm 2009, tiô séa ngăn dêi khu râ pơkuâ cheăng kong pơlê Gia Lai, Đê Ktu chiâng 1 tung 20 to pơlê tung lâp tơnêi têa châ Khu xiâm ngăn ‘na mơhno túa le\m tro tơ’noăng ivá [ă ơm hyô rah ‘no liăn mơjiâng pro mâu tơmeăm khoăng vâ mơjiâng Pơlê Đê Ktu chiâng pơlê ối rak vế khôi túa, vêa vong ki le\m tro ton nah .

La, tâng kuât xuân ối rak môi tiah ton tí nah, pro to [ă loăng pơlái phêa, hlá xá, mê nôkố, tơdroăng tơkêa bro, kuât mơjiâng me#n pro [ă xi-măng mâu trăng, trêi, hngêi, kông [ă pro kân rơdâ tâ kuât ton nah. Mê luâ ti mê, sap hâi ai kuât nếo, mâu droh rơtăm tung pơlê ôh tá hâk git to lâi, kơxo# tơmối troh ôm hyô rế kơdroh. Pôa Djưk, kuăn pơlê a pơlê Đê Ktu tối: Hlo nôkố vâi pro a ‘ngêi luâ râ, mâu droh rơtăm iâ vâ lăm to ối a kuât. Hdrối nah kuât ku\n, mâu rơtăm hmâ troh tơku\m hên. Sap hơnăm 1989 tơmối ôm hyô hmâ troh hyô ngăn hên. Pro kuât sap hơnăm 2009 troh nôkố iâ hlo tơmối mot ngăn. Khôi túa, vêa vong ton nah mâu rơtăm hiăng lôi tâi, ing rơxông á ối rơtăm xuân ối châ to\n chêng, tơgôu koăng, nôkố rêh ối tiô troăng hơlâ ki nếo nôkố.

Mâu têa kơneăng hdrối nah xuân cho tíu ki lâp pơlê tơku\m troh hnêng têa ki lo xêh vâ ôu hum roh jiố, nôkố hiăng ai têa krúa têa kơneăng ôh tá hlo mơngế lăm hnêng. Sap ing têa kơneăng kleăng ‘mot a tíu kơdoăng têa mơjiâng pro hngêi hum, hên kuăn pơlê, malối mâu hơnăm hiăng krâ ôh tá vâ troh akố lăm hnêng têa xếo. Môi hơnăm kơ’nâi klêi mơjiâng pro tíu kơdoăng têa, têa mo\ng hiu troh pơlê Đê Ktu xuân pá ai xếo há. Tíu kơdoăng têa chiâng êa rơtoh, ôh tá chiâng vâ xúa. Pôa Hoàng Bá Tuấn, Kăn hnê ngăn Vi[an pơlê kân Kon Tơng, tơring ‘Mang Yang ăm ‘nâi: Klêi ‘no liăn mơjiâng pro têa kơneăng hiăng kêi le\m klêi mê ôh tá ai. Gá hâi pro pơxúa ăm kuăn pơlê. Ôm hyô vâi vâ lăm ngăn khôi túa, vêa vong dêi hdroâng kuăn ngo, la kố pin ai mâu hngêi meăn pro, teăng kuât, cho môi tung mâu tơdroăng ki ôh tá kâi vâ châ tơ’mot tơmối, Ing mê, kơxo# tơmối troh rế kơdroh.

Hdrối vâ ‘no liăn mơjiâng pro mâu tơmeăm khoăng, pơlê Đê Ktu cho tíu ki le\m ro [ă hên tơmối hmâ troh hyôu ngăn akố. La nôkố, mâu tơmối ki troh hyôu ngăn akố oh tá hâk git rêm hdroh vâi djâ tơmối troh a pơlê kố.

Hlo tiah mê, kơvâ ngăn ‘na mơhno túa le\m tro tơring cheăm dế tăng troăng vâ ‘mâi mơnhông tơdroăng pêi pro tiô khôi túa, vêa vong, môi tiah vâ tơ’mot tơmối troh ôm hyô. Pôa Võ Văn Sơn, kăn [ơrô ngăn ‘na mơhno túa le\m tro dêi tơring ‘Mang Yang ăm ‘nâi: Tơdroăng pơtối ‘no liăn, mơjiâng pro, ‘mâi rơnêu mâu tơmeăm khoăng hiăng [ă dế rế tơ’nhiê mê vâ pơtối rak vế pêi pro tơdroăng mơhno khôi túa, vêa vong dêi pơlê, tơku\m po mâu tơdroăng xah hêi tiô khôi túa, vêa vong dêi mơngế Bơhnéa tung cheăm cho kal păng ‘nâng. Rêm hơnăm, tơring ‘Mang Yang xuân tơku\m po mâu rôh tơ’noăng to\n chêng koăng [ă hơdruê tiô tơdrá ton nah, mơđah hơdruê xuâng [ă hên tơdroăng ki ê, ing mê vâ pơtối ôu eăng ki kơnía git ton nah, tơbbleăng mâu khôi túa, vêa vong ki le\m dêi pơlê ăm mâu vâi pú tung tơnêi têa [ă lâp plâi tơnêi ‘nâi.

Hdrối vâ rah xo mơjiâng pro mâu tơmeăm khoăng pơlê Đê Ktu, Khu ngăn ‘na mơhno túa le\m tro-tơ’noăng ivá [ă ôm hyô kong pơlê Gia Lai hiăng ai ton 9 hơnăm vâ tí tăng séa ngăn [ă hbrâ vế hdró tíu vâ mơjiâng pro tơmeăm khoăng. La troh mơ’nui xuân cho tơmeăm khoăng hâi tơtro [ă khôi túa mơjiâng pro ton nah tiô khôi túa vêa vong dêi kuăn pơlê. Vâ kum ‘mâi mơnhông pơtối rak vế pơlê ôm hyô kố, ôh tá xê tơ’lêi hlâu mơjiâng pro, vế hdró, ‘no liăn pro, mê ki hdrối tâ pro ti lâi pơlê rêh ối le\m tro thế tro tiô khôi túa vêa vong xiâm dêi mơngế Bơhnéa.

Gương tơplôu [ă tơbleăng