VOV4.Sêdang - Klêi kơ’nâi tí tăng ngăn ăm ‘nâi ing Tíu xiâm ngăn ‘na pro mơgrúa kơdê pơreăng Tây Nguyên hâi lơ 5/7 ăm ‘nâi, ai tơ’nôm pá 9 ngế a kong pơlê Gia Lai dương tính [ă pơreăng êi rơtốu krôk. Tâi tâng kơxo# mơngế ki mê xuân a tơring Đăk Đoa [ă xuân cho ngế xiâm tung on veăng rơpo\ng hngêi dêi o kơdrâi ki 4 hơnăm, nếo klêi hlâ xúa pơreăng êi rơtốu krôk.

Kuăn pơlê pâk xo mơheăm vâ séa ngăn

Tung 24 túa mơheăm, têa hế, têa kơhêa ki nếo xo ing rơpo\ng hngêi [ă nôu pâ  dêi o kơdrâi ki tro pơreăng êi rơtốu krôk ki apoăng dêi kong pơlê Gia Lai mê djâ séa ngăn, ai 9 túa ăm hlo dương tính [ă pơreăng êi rơtốu krôk. Nôkố, mâu ngế ki mê dế klâ ối krê [ă pơlât a hngêi pơkeăng kân kong pơlê Gia Lai [ă Hngêi pơkeăng pơlât vâi hdrêng kong pơlê Gia Lai.

Hên ngế tung châ tơngê iâ. Tiah mê, riân troh kơxêi lơ 5/7, a Gia Lai hiăng ai 10 ngế tâ tú pơreăng êi rơtốu krôk, tung mê ai 1 ngế hlâ cho muăn Vung, kot mâ hơnăm 2016, ối a pơlê Bông Hiot, cheăm Hải Yang, tơring Đăk Đoa hlâ xua tâ pơreăng êi rơtốu krôk ki râ, pro rong a krôk.

Nôkố hâi teăm ‘nâi xiâm ki tâ tú ing lâi. Tơdroăng vâ tối, Vung hiăng pâk tu\m 3 ko\ng pơkeăng Quinvaxem (tung mê ai vaccine hbrâ mơdât êi rơtốu krôk) tung 1 hơnăm apoăng klêi mơhum, [ă hiăng pâk pơtối roh ki má 4 drêng muăn hiăng châ 18 khế.

Gương tơplôu [a\ tơbleăng