Tung pơla kố, rêm hâi, Tíu tê mơdró ngi kong têa ê Lệ Thanh (tơring Đức Cơ, kong pơlê Gia Lai) tơdah chât ngế kuăn pơlê Việt Nam pêi cheăng, rêh ối a kong têa Kul. Tâi tâng mâu kuăn pơlê ki prếo mot tung tơnêi têa pơrá thế ăm ối klâ krê tơku\m 14 hâi vâ hbrâ mơdât pơrea\ng Covid – 19 tâ tú rơdâ. A tíu tê mơdró ngi kong têa ê, mâu khu [ok thái pơkeăng, khu pơkuâ xo hnoăng kế tơmeăm khoăng tê rôe ngi kong têa ê, mô đo#i gak kring tíu tơkăng kong tơru\m krá tơniăn tung tơdah, khăm ngăn ivá, xôh pơkeăng kơdê pơrea\ng, hnê mơhno vâi krâ hbrâ mơdât xêh pơreăng.

Khu mô đo#i kong pơlê Gia Lai ki pơto kuăn pơlê ăm ối krê a Tíu xiâm hnê mơhno cheăng lêng – Trung đoân Bộ binh 991. Troh a kơpong ăm ối krê, nâ Phan Thị Ngọc Anh tâ hmiân tuăn:

‘’Á lăm pêi kâ a kong têa Kul vêh a tơnêi têa. Vêh tơkâ tíu tê mơdró [a\ ngi kong têa ê mê vâi ăm ngin klâ ối krê, séa ngăn mơheăm hôm ai virus lơ ôh. Tung 14 hâi ăm ối krê, tâng vâi pơlât, tâng ôh tá ai tro pơrea\ng mê pin châ vêh dêi a hngêi. Tơnêi têa tơmâng, to\ng kum kuăn pơlê tiah mê cho tơtro ‘nâng. Rak ngăn ăm pin, ăm tơnêi têa’’.

Kuăn pơlê mot a troăng tíu tê mơdró lâp plâi tơnêi Lệ Thanh châ ăm klâ ối krê

{a\ a tơraih tơ-[ai Plei Ku, hbrâ mơdât pơrea\ng, rêm ngế tơmối, mơngế cheăng xuân môi tiah khu gak kring, ngế ki kơpuih văng pơrá thế pêi kơtăng tơdroăng lăm ulâi, ối ulâi xuân athế truâ krên pâng môh. Mâu têa xếo ko\ng ki x^ng, ôh tá kơchoh têa hên xuân hiăng châ ‘măn tơ’lêi a mâu tíu pêi cheăng, drô troăng prôk, pa ngiâ hngêi lăm dế…Pôa Nguyễn Quang Huân, Kăn pho\ pơkuâ Tơraih tơ-[ai Plei Ku, tối ăm ‘nâi, tơdroăng xôh pơkeăng kơdê pơrea\ng tung kơpong hngêi tơkôm rôe ve\ troăng tơ-[ai, hngêi tơkôm, hâng lông châ xôh mơgrúa đi đo:

‘’Rêm hâi, ngin xôh pơkeăng kơdê pơrea\ng [a\ Cloramin B xua Tíu xiâm mơdât pơrea\ng kong pơlê Gia Lai bruô ăm. Klêi kơ’nâi môi hdroh tơ-[ai kơneăng, ngin xôh pơkeăng kơdê pơrea\ng troăng prôk. Ngin mơ’no tung loa tối pơchân tơmối mâu tơdroăng hnê mơhno pơrea\ng Covid – 19 môi tiah truâ kên pâng môh, xếo ko\ng, kơdroh ối achê [a\ mâu ki ê tiô hnê mơhno dêi Khu xiâm ngăn pơkeăng [a\ khăm pơlât’’.

A tíu ăm ối klâ krê, kuăn pơlê châ khăm ngăn ivá [a\ ai tu\m kế tơmeăm kâ

Rơtế [a\ kong pơlê, mâu đông lêng ki pro đông a kong pơlê Gia Lai môi tiah Kuân Đoân 3, {inh đoân 15 xuân pêi krâu khât tung hbrâ tơdah, ăm mơngế klâ ối krê tơku\m ăm rơpâu ngế kuăn pơlê drêng kal má môi.

Nếo achê pơla kố, Vi [an kong pơlê Gia Lai hiăng k^ mơ’no vâ chê 35 rơtal liăn, cho ing liăn ngân kong pơlê vâ rôe kế tơmeăm khoăng khăm pơlât [a\ trếo pơkeăng kơdê pơrea\ng. {a\ troăng pêi 4 tơdrêng, mê cho: Tơmeăm ai tơdrêng amê, mơngế pêi cheăng ai amê, pơlât [a\ ăm ối klâ krê amê; kong pơlê Gia Lai mơnhên drêng pơrea\ng xông tâ tú ulâi mê mơdât ôh tá ăm mot amê, mơdât pơrea\ng tơdrêng amê hlối.

Tơmối a tơraih tơ-[ai Plei Ku truâ kên pâng môh vâ hbrâ mơdât pơrea\ng Covid – 19 tâ tú

Pôa Nguyễn Đình Tuấn, Kăn pho\ pơkuâ ngăn pơkeăng [a\ khăm pơlât kong pơlê Gia Lai, tối ăm ‘nâi, 17 toăng hngêi pơkeăng râ tơring  rơtế [ă 6 hngêi pơkeăng râ kong pơlê [a\ mâu đông lêng tung kong pơlê hiăng hbrâ kế tơmeăm khoăng khăm pơlât ki kal vâ hbrâ mơdât pơrea\ng xông tâ tú:

‘’Kơvâ ngăn pơkeăng [a\ khăm pơlât tơru\m [a\ mâu kơvâ séa ngăn mâu tíu môi tiah hngêi ăm tơmối kâ koi ối pơtê, mâu hngêi trung hnê, ki má lối cho mâu đông lêng pro đông tung kong pơlê pro tíu ki tơdah, ăm ối krê ăm mâu ngế ki lo ing kơpong ai pơrea\ng, vâ hbrâ rơnáu, ví tơdroăng ki kơdrâ ôh tá ‘nâi hdrối; tơniăn tơtro tơdroăng hbrâ mơdât pơrea\ng tung kong pơlê’’.

Kong pơlê Gia Lai tá hâi châ hlo ngế ki lâi tro tâ SARS – CoV-2. {a\ tơdroăng ki hbrâ rơnáu thâ tu\m tơdroăng, kơvâ ngăn pơkeăng [a\ khăm pơlât [a\ kuăn pơlê Gia Lai dế hbrâ mơdât pơrea\ng Covid – 19 [a\ tơdroăng pêi thế hbrâ rơnáu hdrối.

Nguyễn Thảo chêh

A Sa Ly tơplôu [a\ tơbleăng