Hngêi trung râ má môi Nguyễn Thị Minh Khai, cheăm Ia Tô, tơring Ia Grai cho môi tung mâu hngêi trung tro pơkâ thế tah lôi mâu thái cô ki dế hnê maluâ ôh tá ai tu\m mâu thái cô hnê.

Tiô pôa Trần Văn Thanh, Kăn ngăn hngêi trung tối, hdrối kong pơlê, tơring hnê tối vâ tah lôi tơdroăng cheăng hnê hriâm, hngêi trung kal vâ tăng pá 1 ngế nếo, mê nôkố athế tah lôi 6 ngế thái cô, tơdroăng ki ôh tá bê thái cô vâ hnê thăm pro ăm hngêi trung chiâng trâm pá. Hên thái cô athế hnê 2 to lâm [ă tâng thái cô tro tamo châi, mê athế hok tro pơtê hriâm.

Pôa Trần Văn Thanh tối ăm ‘nâi, tơdroăng tah lôi k^ tơkêa mê dế nôkố ôh tá tơtro kal athế châ vêh mơnhên ngăn:

‘’Tah lôi mâu thái cô cho vâ kơdroh kơxo# mơngế kâ liăn khế dêi tơnêi têa xua lối hên mơngế, tơdroăng ki mê á tơmiât tro ‘nâng. La tơdroăng ki rah xo kuăn mơngế pin kal athế hriăn ple\ng, ai mơngế tamo châi mê athế ai [ok thái pơkeăng.

Chôu phut kố pin athế ‘mâi xing xoăng ti lâi vâ ga tơniăn ăm rêm to lâm ai 1 ngế thái hnê, tơdroăng ki ôh tá bê thái hnê tiah dế nôkố cho tơdroăng ki pá kân ‘nâng’’.

Cô hnê râ mầm non 22/12 athế pơkuâ hnê 2 to lâm klêi kơ’nâi hên mâu thái cô tro mơ’no tah lôi

Tơdroăng ki tah lôi mâu thái cô xuân u ối hlo hên a kong pơlê Gia Lai sap ing apoăng khế 1 hơnăm 2018. Ki pá má môi xuân cho râ hriâm ki ai thái cô tro mơ’no hên má môi dêi kong pơlê Gia Lai mê cho râ mầm non.

A hên hngêi trung, klêi kơ’nâi tah lôi thái cô, khu kăn pơkuâ hngêi trung athế lo veăng hnê, kơxo# thái cô ki u ối athế pơkuâ ngăn 2 to lâm.

Môi tiah a hngêi trung Mauh yă 22/12, cheăm Ia Tô, tơring Ia Grai, klêi kơ’nâi thái cô tro mơ’no tah lôi, 11 ngế thái cô ki ê (tung mê ai tá thái pơkuâ ngăn hngêi trung) athế hnê tung 21 to lâm.

Tơdroăng kố, pro mâu thái cô thăm rế pá puât ó khât, pá ó ‘nâng vâ hnê tối ton troh la ngiâ. Cô Nguyễn Thị Tuyết Nhung, ngế ki hnê râ Mauh yă 22/12, cheăm Ia Tô, tơring Ia Grai, kong pơlê Gia Lai tối ăm ‘nâi:

‘’Hriâm a rơnó má 2 pơla hdrối kố nah hiăng tah hên mâu thái cô. Ki má môi, cho khéa hơ’nêng ăm mâu thái cô ki k^ tơkêa. Ki má péa, rêm ngế thái cô ki u ối athế hnê péa to lâm, á hlo tơdroăng kố pá puât ó ‘nâng.

Hnê hiăng tâi plâ hâi klêi mê, kơmăng athế chêh bro [ai hdrối vâ hnê kơxo ah, tơbrêi ó ‘nâng. Vâi ‘ne\ng ối tơx^n, tơdroăng ki mê cho athế ki ‘ló ga kal rế hriâm rế châ xah hêi, kal ai hên mâu kế tơmeăm ki vâ pêi pro dêi xêh, vâ xúa ăm tơdroăng cheăng hnê hriâm rêm hâi, hnê 2 to lâm, hnê tối hên lâm a hlo pá puât ó ‘nâng’’.

Tơdroăng tah lôi thái cô lo pơtê a mâu hngêi trung a kong pơlê Gia Lai pro trâm hên pá puât

Pôa Phạm Văn Đại, Kăn [ơrô Hnê hriâm [ă hnê mơjiâng tơdroăng rơkê dêi tơring Ia Grai, kong pơlê Gia Lai tối ăm ‘nâi, klêi kơ’nâi tah lôi mâu thái cô, mâu hngêi trung tung tơring dế nôkố ôh tá bê thái cô troh a 150 ngế.

Tơdroăng ki tah lôi hên h^n mâu thái cô, pro pá puât khât ‘na tơdroăng hnê hriâm a mâu hngêi trung ki ối trâm hên tơdroăng pá puât kố:

‘’Tơdroăng ki ôh tá bê thái cô, ôh tá ai thái cô hnê a mâu lâm, xua mê, 1 ngế thái cô athế hnê 2 to lâm. Ki hên mâu hngêi trung râ má môi [ă mầm non, mê mâu kăn pho\ pơkuâ ngăn hngêi trung xuân athế hnê a mâu lâm, xua mê, xuân ai tơdjâk troh tơdroăng pơkuâ ngăn tơdjuôm dêi kơvâ hnê hriâm.

Tơdroăng ki kơdroh tiah mê, tung pơla mâu khế hơnăm iâ, sap ing nôkố troh mơ’nui hơnăm ối pá 3 khế nếo xuân cho tơdroăng ki pá dêi kơvâ hnê hriâm [ă mâu thái cô.

Hiâm mơno pói vâ, mê ngin tơngah khu kăn pơkuâ râ kơpêng ăm phep k^ tơkêa rah xo mơngế cheăng vâ kơdroh iâ tơdroăng ki pá, xuân môi tiah tơdroăng vâ rak vế tơniăn ivá ăm mâu thái cô’’.

Tâng thái cô tro tamo châi a Hngêi trung râ má 1 Nguyễn Thị Minh Khai mê athế ăm hok tro pơtê hriâm

Tiô pôa Huỳnh Minh Thuận, Ngế pơkuâ ngăn hnê hriâm [ă hnê mơjiâng tơdroăng rơkê dêi kong pơlê Gia Lai tối, troh a tơdế khế 3, hiăng ai 8 tơring, pơlê kong krâm hiăng mơ’no tah lôi mâu thái cô, la tá hâi teăm ‘nâi nhên ai to lâi ngế thái cô ki tro mơ’no tah.

Tiô tơdroăng tí tăng ‘nâi mơnhên dêi khu chêh hlá tơbeăng, bú a 2 tơring Ia Grai [ă Chư Pưh, mâu thái cô ki tro mơ’no tah hiăng tâk troh lối 350 ngế. Tâng vâ riân ngăn tâi tâng kong pơlê, mơni troh a dâng rơpâu ngế thái cô ôh tá ai cheăng pêi.

Tối leăng ‘na tơdroăng mơ’no tah mâu thái cô a hdrối khế hơnăm pơkâ [ă mâu thái cô tung lâp kong pơlê, pôa Thuận tối ăm ‘nâi, mê cho tơdroăng ki pêi pro tiô tơdroăng pơkâ kơxo# 17 dêi Khu xiâm ngăn ‘na Đảng [ă tơdroăng pơkâ kơxo# 19 dêi Hneăng hôp tíu xiâm má 6 ‘na tơdroăng ‘mâi rơnêu, tah lôi mơngế pêi cheăng. Mơnhên túa pêi pro dêi mâu tơring tung kong pơlê ki hâi teăm tơtro:

‘’Ki xiâm dêi tơdroăng pêi pro tiô Pơkâ kơxo# 17 xuân môi tiah Tơdroăng pơkâ kơxo# 19 mê cho ‘mâi xing xoăng, pơcháu hnoăng cheăng ăm thái cô hnê a mâu lâm pro ti lâi ăm ga i tơtro tiô túa ki xúa châ tơ-[rê, pơtối mơnhông mơdêk hnoăng pơkuâ ngăn, hnê hriâm.

Tiah mê, tơdroăng mơ’no pêi pro athế tro tiô hâi khế. Hnoăng cheăng dêi Khu ngăn ‘na hnê hriâm [ă hnê mơjiâng tơdroăng rơkê xuân athế tối ăm kong pơlê ai troăng prôk ki tơtro. {ă mâu tơring cheăm ki pêi pro tá hâi teăm tro mê athế xo [ối túa pêi pro ki tơtro mê, vâ ga i tơtro [ă tơdroăng Pơkâ kơxo# 17 [ă Tơdroăng Pơkâ 19 dêi tơnêi têa’’

Tơdroăng pêi pro tiô hnê tối dêi tíu xiâm tơnêi têa tung ‘mâi xing xoăng, pơcháu hnoăng cheăng, lơ tah lôi mâu thái cô cho kal. Laga, [ă túa pêi pro ki lối tơdrăng ‘na hnê hriâm mê a Gia lai, pro hên h^n mâu thái cô ôh tá ai tơdroăng cheăng, xua ai troh hr^ng to hngêi trung ôh tá ai thái cô hnê. Tâi tâng hngêi trung [ă mâu thái cô pơrá pói rơhêng vâ, kơvâ ngăn ‘na Hnê hriâm [ă khu kăn rêm râ a Gia Lai kal athế séa ngăn, ‘mâi rơnêu ăm ga i tơtro’’.

Công Bắc chêh

Nhat Lisa tơplôu [ă tơbleăng