VOV4.Sêdang - Pro tiô tơdroăng ki trâm mâ kuăn pơlê hdrối vâ po Rôh hôp má 10, Kuo#k ho#i hneăng má 13, Khu kăn Kuo#k ho#i kong pơlê Gia Lai nếo po rôh trâm mâ kuăn pơlê a mâu cheăm Kun Thụp, Lơ Pang [ă Đak Jrăng, tơring ‘Mang Yang. Hên h^n rơkong tơpui tối ‘na yă kế tơmeăm pêi lo ing chiâk deăng, troăng hơlâ ‘no liăn cheăng ăm kơvâ pêi chiâk deăng, kuăn pơlê pêi chiâk deăng, thôn pơlê, kơlo ki nâp liăn hriâm [ă mâu hok tro kơpong hdroâng kuăn ngo châ kuăn pơlê tơpui tối hên. Công Bắc, ngế chêh hla tơbeăng cheăng tung Rơ’jiu Việt Nam a Tây Nguyên a chêh tối ‘na tơdroăng mê.

Tơring ‘Mang Yang cho môi tung mâu kơpong ki kal xiâm ‘na pêt mơjiâng loăng kơxu dêi kong pơlê Gia Lai. Maluâ tiah mê, tung mâu hâi hiăng hluâ, yă chhá kơxu pơtối chu kơdroh, pro tơdroăng rêh ối kuăn pơlê tung tơring trâm hên xahpá. A chôu phut trâm mâ mê, ai hên mâu kuăn pơlê tối, kố xuân cho tơdroăng cheăng ki hmâ hlo a kong pơlê kố. Ing mê, mâu kuăn pơlê pâ thế mâu khu râ, kơvâ cheăng kal ai troăng hơlâ tah lôi ki xahpá, malối, tăng tíu ki vâ tê chhá kơxu. Tơdrêng amê, kal athế châ hngêi rak liăn ăm kuăn pơlê mung liăn mơdrếo hrá tung pơla kuăn pơlê dế trâm hên pá puât tiah dế nôkố. Pôa Y Byơ\i, Kăn hnê ngăn Vi [an cheăm Kon Thụp, tơring ‘Mang Yang, kong pơlê Gia Lai tối: Tơdroăng pơkâ pêt loăng kơxu a tơrêm chiâk deăng dêi kuăn pơlê sap ing hơnăm 2004-2006, troh a chôu phut kố, yă chhá kơxu hiăng chu rơpâ ó ‘nâng, xua mê, kuăn pơlê kúa xo dêi chhá ôh tá bê liăn vâ mơhá ăm khu ki veăng pêi cheăng. Á teăng mê kuăn pơlê Kon Thụp pâ thế rêm khu râ, kơvâ cheăng ai troăng hơlâ to\ng kum kuăn pơlê, malối [ă mâu rơpo\ng ki veăng pêi tơdroăng tơkêa bro châ mung liăn la mơdrếo hrá vâ kuăn pơlê ai liăn rak ngăn dêi kơdrum deăng kơxu.

Xuân a chôu phut trâm mâ kuăn pơlê, mâu vâi krâ-nho\ng o dêi mâu cheăm Kon Thụp, Lơ Pang [ă Đak Jrăng hiăng pâ thế hên tơdroăng ki ai tơdjâk troh troăng hơlâ dêi tơnêi têa to\ng kum ăm kơvâ pêi chiâk deăng, kuăn pơlê pêi chiâk deăng, tơdroăng rêh ối thôn pơlê; ‘na ‘mâi xe#n pơlê nếo; [ă tăng cheăng pêi ăm kuăn pơlê ki rêh ối a thôn pơlê; to\ng kum ngăn khât ‘na troăng hơlâ ki to\ng kum, ăm kâ liăn khế dêi tơnêi têa [ă khu kăn [o# cheăm, thôn pơlê.

Tơdroăng hnê hriâm hiăng châ hên kuăn pơlê a tơring ‘Mang Yang vâ ‘nâi ple\ng. Ai hên kuăn pơlê tối ăm ‘nâi, tơdroăng ki mâu hngêi trung thế nâp liăn [ă hok tro a pơlê cheăm ối kơpong hơngế hơngo, kơpong kơtiê xahpá, kơpong hdroâng kuăn ngo tá hâi teăm tro. Ki păng ‘nâng, hên mâu hngêi trung ki ối a kơpong hơngế hơngo ôh tá châ xo kơxo# liăn ki kố. Tơdrêng amê, ai mâu troăng hơlâ dêi tơnêi têa ki ai tơdjâk ‘na ôh tá eâ thế nâp liăn, kơdroh liăn nâp, ai troăng hơlâ to\ng kum [ă hnê hriâm a kơpong hdroâng kuăn ngo, hơngế hơngo hiăng pá ai tơdroăng pơkâ, la ga troh nôkố xuân tá hâi teăm ai troăng hơlâ ki vâ to\ng kum ăm tơdroăng kố. Kố cho tơdroăng ki pá puât má môi ăm cheăng ki rak vế tu\m kơxo# mơngế hok tro pơtối hriâm. Pôa Trương Duy Vương, Kăn pơkuâ ngăn Hngêi trung Phôh thong hdroâng kuăn ngo râ má 2 Lơ Pang, tơring ‘Mang Yang, kong pơlê Gia Lai tối:

‘’Tơdroăng pơkâ kơxo# 49 [ă tơdroăng pơkâ 74 (‘mâi hơ’lêh, mơjiâng pro tơ’nôm mâu tơdroăng luât dêi pơkâ kơxo# 49) dei Chin phuh ‘na tơdroăng ôh tá xo liăn hriâm lơ kơdroh xo liăn hriâm, [ă hnối to\ng kum liăn hriâm ăm hok tro troh a hơnăm 2015 kố, mê 2 tơdroăng pơkâ kố hiăng tâi ki pơkâ bro a kuăn pơlê ối kơpong hơngế hơngo. Tơkéa vâ tối, [ă mâu vâi o hok tro dêi rơpo\ng kơtiê athế nâp liăn, pak^ng mê nếo, ối hía kơxo# liăn ki to\ng kum. Kố cho tơdroăng ki pá [ă mâu pơlê cheăm ki tâi tâng amê cho to hdroâng kuăn ngo rêh ối, pá vâ khoh châ rak vế kơxo# hok tro pơtối hriâm, lơ mơhnhôk mâu vâi o troh a lâm hriâm cho tơdroăng pá puât’’.

A chôu phut trâm mâ, tơpui tơno [ă kuăn pơlê, teăng mâ khu kăn Kuo#k ho#i kong pơlê Gia Lai, pôa Hà Sơn Nhin, Kăn cheăng tung Tíu xiâm Đảng, Kăn pơkuâ hnê ngăn Đảng, Kăn pơkuâ Kuo#k ho#i kong pơlê Gia Lai hiăng tơmâng xo rơkong púi vâ dêi mâu kuăn pơlê. {ă mâu tơdroăng ki ối tơvâ tơvân, pá puât, tá hâi tơtro a mâu pơlê cheăm, pôa Hà Sơn Nhin hiăng pơkâ tối ăm rêm khu râ, kơvâ cheăng ing kong pơlê troh a tơring, cheăm to\ng kum ‘na hnoăng cheăng ki ai tơdjâk. {ă mâu tơdroăng ki kong pơlê to\ng kum, mê pôa Hà Sơn Nhin ối tơkêa kô ai rơkong tơpui [ă Kuo#k ho#i, Chin phuh [ă mâu khu râ, kơvâ cheăng a Hneăng hôp má 10 dêi Kuo#k ho#i hneăng 13, kô po sap ing hâi lơ 20 khế 10 la ngiâ kố ah. Pôa Hà Sơn Nhin tối: Pro troăng prôk a thôn pơlê tiô pơkâ ai 100 rơtuh, 115 ta#n ximong cho tơdroăng  pá păng ‘nâng, ôh tá bê, xua mê, kuăn pơlê athế tơlo dêi liăn hên. Á pâ athế tơdroăng kố, vâi krâ-nho\ng o ôh tá veăng tơlo, tiô tơdroăng ki kuăn pơlê púi vâ ôh tá tơlo liăn ngân, mê vâi veăng pêi, ‘no dêi ivá cheăng. Dế nôkố hên pơlê cheăm ôh tá kâi chiâng pêi pro, xua 1 km troăng bu ai to mê liăn, to mê kế tơmeăm, ôh tá ai kơbố kâi pêi. Mâu tơdroăng kố, tiô rơkong púi thế dêi mâu kuăn pơlê kô tối tơbleăng ăm khu kăn xiâm pơkuâ tơnêi têa vâ mâu khu râ kăn séa ngăn, pơkâ pêi pro.

Nhat Lisa tơplôu [a\ tơbleăng