VOV4.Sêdang - Kơxo lơ 8/5, Ho#i đong rak vế tơniăn tung pêi cheăng kong pơolê Gia Lai hiăng tơku\m po Leh mơhnhôk pêi pro mâu hnoăng cheăng tung Khế rak vế tơniăn tơdroăng cheăng hơnăm 2019. {ă hnoăng cheăng, dó inâi ‘’Thăm mơdêk tung pơkuâ, séa mơnhên ngăn mâu tơdroăng ki ôh tá tơniăn ‘na pêi cheăng a tíu pêi cheăng’’, khế pêi cheăng ‘na rak vế tơniăn pêi cheăng hơnăm 2019 tung kong pơlê kố hiăng krếo thế mâu râ, kơvâ cheăng, mâu tơring, cheăm, mơngế ki xúa kuăn mơngế cheăng [ă mâu ngế pêi cheăng kơdo mơ-eăm, kơhnâ ó luâ tâ mê nếo tơdroăng pâ thế, [ă mơ’no pêi pro tơdrêng mâu troăng hơlâ ‘na pơkuâ ngăn, pơkâ djâ tơdroăng cheăng pêi xuân môi tiah mâu troăng hơlâ ‘na pêi cheăng kâ kih thuât, tơku\m mơngế pêi cheăng vâ kơdroh tah lôi kơlo ki iâ má môi tung tơdroăng ki xúa  vâ tung pêi cheăng.

Mâu tơdroăng ki xiâm châ mơ’no mê: Pơkâ pêi pro trâu rơdâ tâ hnoăng cheăng hnê tối, tơbleăng khe\n ‘na luât rak vế tơniăn pêi cheăng; tơku\m mơ’no mâu troăng hơlâ, túa cheăng ki tơtro vâ kring vế tơniăn, hbrâ mơdât tơdroăng ki xía vâ tung pêi cheăng, tơdroăng ki châi tamo ing pêi cheăng [ă hên mâu tơdroăng ki ê.

Nhat Lisa tơplôu [ă tơbleăng