Klôh ok xok ki ok hmâng to lo vâ a kơpong kông Phan Đình Phùng-Troăng mot tung pơle Brel, cheăm Ia Der, tơring Ia Grai

Khu xok ki tơku\m a pơlê kong kơdrâm Plei Ku rêm hâi pơtối ai dâng 150 ta#n xok. Mê, xok akố hiăng châ pro mơgrúa tiô túa ki kơđu tung tơnêi, [ă mâu klôh ki kơđu ai dâng 5 sào. Tiô tơdroăng pơkâ, têa ki lo ing xok mê kal athế châ hngêi kơmăi pro mơgrúa mê nếo chiâng mơ’no lo a tơnêi tíu, hyôh kòng prâi, lơ kong kế. Maluâ ti mê, dế nôkố, tơdroăng ki xiâm kố xuân tá hâi teăm châ pêi pro.

Têa ki lo ing xok, ki ‘mêi tung mê cho ó ‘nâng, bú pro to a 2 to têa long ki vâ pro trếo vi sinh, tá hâi châ mơnhên tối ki ‘mêi mê ga ai to lâi, klêi mê, kô pro mơgrúa, mơ’no lo pá gong. Pôa Nguyễn Thanh Huấn, Kăn pơkuâ ngăn ‘na hyôh kong prâi, tơnêi tíu, kong kế, Ko\ng ti tơlo liăn cheăng ‘na Hyôh kong prâi dêi kơpho# Gia Lai, tíu ki châ rak ngăn mâu xok ki mơ’no hmâng to lo vâ ối ai pêi mâu tơdroăng xôi kố, xua tối ăm ‘nâi, ki xiâm dêi tơdroăng kố cho xua ôh tá ai liăn vâ pêi pro:

Têa ki lo ing tíu ok xok a pơlê kong kơdrâm Plei Ku ai 2 tơdroăng ôh tá krúa luâ tâ tơdroăng ăm phep

‘’Tung hnoăng cheăng ki vâ pro mơgrúa mê nôkố dế trâm hên tơdroăng pá má môi cho vâ pro mơgrúa têa ki lo ing xok. Kơlo ki ‘mêi mê maluâ ai kơdroh la tá hâi teăm tro tiô tơdroăng pơkâ. Vâ rak tơniăn ăm tơdroăng ki pro mơgrúa têa ing xok, tiô á, athế ‘no liăn kum ăm kơpong ki vâ pro mơgrúa ăm tro tơdroăng’’.

Tiô tơdroăng ki mơnhên tối dêi mâu tơdroăng ai tơdjâk ‘mêi troh hyôh kong prâi malối ing têa ‘mêi ki lo ing khu xok mê a pơlê kong kơdrâm Plei Ku hiăng châ mơ’no ăm tung kong kế, tơnêi tơníu, ai 2/5 kơxo# liăn ki châ tơkâ luâ tơdroăng ăm phep.

Tung mê, kơlo ki bu ăm phep COC hiăng tơkâ luâ 49 hdroh, pro ki xiâm dêi trếo nitơ tơkâ luâ tâ ai 20 hdroh. Maluâ ối hên tơdroăng tro pro xôi, la mâu khu xok ki hvât hmâng to lo vâ a pơlê kong kơdrâm Plei Ku xuân ối châ ngăn ối krúa má môi dêi kong pơlê. A mâu tơring ki u ối, xok cho tá hâi teăm châ kơđu, bu tơku\m môi tíu, ‘măn a kơpêng [ă ôh tá ai troăng hơlâ ki lâi ki kal vâ pro mơgrúa.

Tung pơla mê, a kơpho#, tơdroăng ki pro mơgrúa xok ối trâm hên tơdroăng ki pá a hên pơlê cheăm dêi kong pơlê Gia Lai, xuân dế tô tuăn ó ‘na xok ki mê. Troăng Phan Đình Phùng, cho tíu ki tơkâ luâ kông vế Phan Đình Phùng mot tung pơlê Brel, cheăm Ia Dêr, tơring Ia Grai, kong pơlê Gia Lai to lâi hơnăm achê kố hiăng chiâng môi tíu ok xok ki hmâng to lo vâ.

Rêm hơnăm a kơpong ki ok xok kố rế hía rế hên ó. Ngoh Puih Hải, môi ngế kuăn pơlê tung pơlê Brel tối ăm ‘nâi, kơxo# xok ki mơ’no kố ki hên cho xua kuăn pơlê a pơlê kong kơdrâm Plei Ku lăm ok akố chiâng xok ki hên, ki kân má môi. Kuăn pơlê tung pơlê kố hêng hôu pá kâi tối:

‘’Sap ing kông Phan Đình Phùng hiăng châ pro klêi nah, kuăn pơlê ing kơpho# ki lăm ok xok. Kuăn pơlê ngin ôh tá ai tơdroăng ki châi ing chiâk deăng lăm ok xok a kơpong kố, ga cho pá ‘nâng, [ă xú ‘mêi ‘măk, xok ki lâi xuân ai. Ngin pâ thế khu kăn pơkuâ kal athế ai troăng hơlâ ki vâ hnê tối, ôh tá lôi vâi ok xok hmâng to lo vâ’’.

Tối ‘na tơdroăng ki ê, tơdroăng ki mâu kơpong thôn pơlê dêi Gia Lai mơjiâng chiâng mâu tíu ok xok mê ối ai hên tơdroăng ki tá hâi teăm ai túa vâ ok xok ki tơniăn.

Tô tuăn ‘na tơdroăng ki rế hía thăm rế ai hên tơdroăng ok xok hmâng to lo vâ, mê khu kăn pơkuâ, mâu tíu pêi cheăng hiăng tâp mâu kơ-[ăng ki mơdât ôh tá ăm ok xok vâ kơdroh iâ tơdroăng ki lăm ok xok hmâng to lo vâ, la a mâu tíu ki mơdât thăm rế ai hên mâu xok ki vâi ok hvât hmâng to lo vâ.

Tơdroăng pơkuâ ngăn, séa mơnhên ‘na tơdroăng ok xok tơpá ‘nâng vâ khoh kâi châ mơdât, xua khu ki pơkuâ ngăn ‘na tơdroăng mê bú iâ kuăn mơngế cheăng. Pôa Puih Bl^, Kăn hnê ngăn Vi [an cheăm Ia Der, tơring Ia Grai, kong pơlê Gia Lai tối ăm ‘nâi:

‘’Tơnêi tíu dêi cheăm ga kân rơdâ ‘nâng, achê [ă pơlê kong kân, ai mâu kuăn pơlê ki ‘nâ tá hâi teăm vâ ‘nâi nhên tơdroăng ki ok xok hmâng to lo vâ, malối a kông Phan Đình Phùng ki lăm troh a cheăm. Cheăm dế nôkố ối trâm hên tơdroăng ki pá puât, tíu ok xok xuân tá hâi teăm ai. Ngin kô kơdo mơ-eăm hnê tối, mơhnhôk thế vâi krâ-nho\ng o kơdo mơ-eăm hlê ple\ng. Ki má pái nếo, la ngiâ kố ah, ngin kô k^ tơkêa tơru\m cheăng [ă kơpong thôn pơlê dêi tơring, kô go#m xok, rêm pơla măng t^ng ai 2 hdroh a cheăm ki kố’’.

Tơdrêng [ă tơdroăng ki tá hâi teăm to\ng kum ngăn khât tung ‘no liăn cheăng dêi mâu khu mơdró kâ, kuăn pơlê a kong pơlê Gia Lai ‘na tơdroăng ki ok, go#m, pro mơgrúa xok la mâu hnoăng cheăng ki mê xuân ối pêi pro xôi.

Ki mê cho ki xiâm khoh chiâng ai tơdroăng ki pro ‘mêi troh a mâu tíu ki ê tung lâp kong pơlê Gia Lai. Tơdroăng ki thăm pro ‘mêi dêi xok tung lâp kong pơlê cho tơdroăng cheăng ki xiâm tâng ôh tá ai troăng hơlâ ki vâ tah lôi túa cheăng ki tá hâi teăm tro, teăm kâi klêi ‘na tơdroăng pro mơgrúa xok.

          Công Bắc chêh

Nhat Lisa tơplôu [ă tơbleăng