Hngêi trá dêi rơpo\ng o Đinh Thị Hiền, kot mâ hơnăm 1999, hdroâng kuăn ngo Bơhnéa, a pơlê Broch, cheăm Đông, tơring K[ang to lâi hâi hiăng hluâ tơdah hên ngế troh pôu, mơhnhôk [ă rơkâu. Ngế droh 17 hơnăm kố nếo vêh ing ê vêh [ă dêi rơpo\ng hngêi klêi 1 khế tro péa ngế kơdrâi hêak pơloi djâ ngi kong têa Sinuâ. Hiền ăm ‘nâi, a tơdế khế 9, ho\ng môi ngế ki ga ‘nâi ối rơtế môi to cheăm inâi cho Đinh Thị Lại, ga  vâ môi tuăn lăm troh a Hà Nội pêi cheăng mung liăn vâi kơnâ 1 rơtuh 500 liăn tung môi khế. Laga o hiăng tro mâu ngế ki hêak pơloi mê djâ ngi Sinuâ. Akố, mâu ngế ki djâ ga lăm trâm mâu ngế kơnốu cho kong têa Sinuâ, leăm pro kơnốu la o ôh tá vâ [ă pói vâ vêh ngi hngêi la ôh tá chiâng. ‘Nâi tro vâi hêak pơloi, Hiền tơmiât mung phôn dêi môi ngế ki ê nhăn tin tối ăm dêi rơpo\ng hngêi: Apoăng péa ngế kơdrâi djâ á ngi Hà Nội, tối lăm pêi cheăng, tíu pêi cheăng cho a Hà Nội. Laga péa ngế ki kơdrâi mê djâ á troh a Sinuâ hlối. Á mung phôn dêi môi ngế cho kong têa Sinuâ nhăn tin ăm dêi rơpo\ng. Tung tin nhăn mê á tối ‘’ngin kuăn hiăng tro vâi djâ ke#n kong têa Sinuâ, to\ng xo ngin kuăn pe#.

            Pâ o Đinh Thị Hiền, cho pôa Đinh Hiếc chôu pâ, drêng châ ‘nâi kuăn kơdrâi tơná tro vâi hêak pơloi tê ngi kong têa Sinuâ, tá rơpo\ng hngêi pôa tôu tuăn khât. Tung kơmăng ki châ hlo tin nhăn, ôh tá vâ hmâng [ă tơdroăng ki kong mêi, khía mơhot kân, pôa kơto rơxế hon đa hơngế lối 50 km vâ tối tơbleăng ăm ko\ng an tơring K[ang. Mơhúa bu klêi lối 10 hâi, [ă tơdroăng mơ-eăm tung rôh pêi cheăng dêi kơ koan ko\ng an, kuăn kơdrâi pôa hiăng châ djâ vêh [ă rơpo\ng hngêi: Hlo tin nhăn dêi kuăn kơdrâi tro khu ki hêak pơloi djâ ngi kong têa Sinuâ, hbrâ vâ tê kuăn á mê á tôu tuăn khât. Á lăm chu troh a Ko\ng an tơring, trâm mâu vâi miê, vâi tăm Ko\ng an tơring amê á trâm péa ngế ki ê. Klêi mê, kuăn á hiăng vêh a hngêi, á sôk ro khât.

            A tơring K[ang, rơtế [ă tơdroăng ki tro heâk pơloi, djâ ngi kong têa Sinuâ ối ai 6 ngế ngế kơdrâi pho#m vâ xông kân ki ê cho Đinh Thị Én, kot mâ hơnăm 1063, nâ Đinh Thị Bi, kot mâ hơnăm 1980, [ă mâu vâi o Đinh Thị Huyền, kot mâ hơnăm 1993, Đinh Thị Hậu, kot mâ hơnăm 1996, Đinh Thị Hanh, kot mâ hơnăm 2000, Đinh Thị Diên, kot mâ hơnăm 2001. Klêi kơ’nâi séa ngăn ki apoăng dêi Ko\ng an kong pơlê Gialai, tá 7 ngế kơdrâi kố pơrá tro vâi pơlông, hêak pơloi xua rơtế môi khu. Tung mê, ai Nguyễn Thị Hạnh prếi Đinh Thị Lại rơtế kot mâ hơnăm 1972 [ă rơtế ối a môi pơlê Muôn, cheăm Kông Bờ La, tơring K[ang, Lương Thị Hồng, kot mâ hơnăm 1971, hiăng xo kơnốu cho ngế kong têa Sinuâ [ă rêh ối a kong têa Sinuâ. Hồng cho ngế pơkâ mâu tơdroăng, pro túa pơkâ [ă tơku\m po vâ djâ 7 ngế kơdrâi hdroâng kuăn ngo a tơring K[ang tơkâ hluâ kong têa Sinuâ ôh tá tro luât. Hạnh prếi Lại cho ngế ki tro pơlông djâ, djâ mâu ngế ki ôh tá ‘nâi klâi kố tro Bo cheăng kong têa ê Móng Cái mê ah pơcháu ăm Hồng. Tơdroăng ki pơlông djâ, hêak pơloi dêi mâu ngế ki kố gá tơ’lêi khât xua Đinh Thị Lại cho ngế hdroâng kuăn ngo rêh ối a tơring kố, ai tơru\m, hmâ [ă mâu ngế ki tro hêak pơloi.

            Troh nôkố, [ă tơdroăng ki to\ng kum dêi ko\ng an kong pơlê Gialai [ă Ko\ng an tơring K[ang, tâi tâng 7 ngế kơdrâi hdroâng kuăn ngo a cheăm Đông tro pơlông djâ, hêak pơloi djâ ngi kong têa Sinuâ hiăng vêh tơku\m [ă dêi rơpo\ng hngêi. Peăng khu kăn pơkuâ tơring, cheăm dế tơku\m po mơhnhôk, tối tơbleăng vâ tơniăn tơdroăng kring gâk [ă mơdêk ki rơkê ple\ng, hbrâ kơchăng ăm kuăn pơlê. Jâ Nguyễn Thị Liên, kăn pho\ hnê ngăn Vi [an cheăm Đông, tơring K[ang, kong pơlê Gialai, ăm ‘nâi: Troh nôkố, vâi krâ nho\ng o tung mâu pơlê, cheăm hiăng tơniăn ‘na tuăn hiâm [ă mâu vâi o hiăng vêh tơku\m dêi [ă rơpo\ng hngêi, nôkố tuăn hiâm mâu vâi o hiăng tơniăn. Ing tơdroăng kố, Khu kăn pơkuâ tơring, cheăm xuân pơkâ thế vâi krâ nho\ng o, malối cho vâi krâ nho\ng o hdroâng kuăn ngo pôi tá loi tung mâu ngế ki pin ôh tá ‘nâi, mơhé pin ‘nâi, vâi pơlông djâ lăm pêi cheăng [ă kâ liăn hên ki pin tá hâi ‘nâi, mê pin pôi tá hlôp. Tâng hlo mâu ngế ki tơviah mê mot tung pơlê vâ mơhnhôk, pơlông djâ, mâu vâi o lăm pê cheăng hơngế mê athế tối tơbleăng ăm khu xiâm pơkuâ ngăn tơring, cheăm ‘nâi.

            Ô vâi krâ nho\ng o [ă pú hmâ, mơhé a Gialai bu nếo cho rôh ki apoăng châ hlo [ă tăng rup tơdroăng ki pơlông, djâ, hêak pơloi vâi kơdrâi lăm pêi cheăng a kong têa ê, la kố xuân cho tơdroăng ki kal athế hbrâ kơchăng, malối cho [ă mâu vâi krâ nho\ng o hdroâng kuăn ngo kơpong hơngế hơngo.

Katarina Nga tơplôu [ă tơbleăng