Kơmăng lơ 6/2/2017, kơchô xiâm dêi tơring Kông Chro, kong pơlê Gialai kơdrâ ai on chếo, tâi tâng chât tíu tê mơdró tơmeăm, pro hên mâu ki mơdró tro lu\p tâi dêi tơmeăm. Tro on chếo tâi tâng mâu tơmeăm [ă tơmeăm khoăng lối 1 rơtal 400 rơtuh liăn, pôa Nguyễn Ngọc Chối tô tuăn hêng hôu xua tơdroăng cheăng hbrâ mơdât, tơpâ on chếo a tơring pêi cheăng ôh tá rơhéa.

 ‘’Kơchơ xuân tối tơbleăng hbrâ tơpâ mơdât on chếo, klêi mê mâu hngêi, mâu rơpo\ng ki mơdró xuân ai kơ[in ki vâ xôh on. La kơ-[in ki mê ku\n bú xôh on chếo kâ ku\n tê, kố cho on chếo kân [ă chếo a’ngêi ôh tá kâi troh vâ xôh tơpâ on. Klêi mê, ôh tá hâi hlo rơxế, drêng on chếo kân ôh tá hlo hí môi toăng rơxế tơpâ on. On chếo hiăng châ môi chôu tơdế mê nếo hlo rơxế ki tơpâ ing An Khê, peăng ing Phú Bổn. Drêng mê, on chếo hiăng vâ tâi. Nôkố, a xuân cho ngế ki trâm pá, tro lu\p xua on chếo tơmeăm, a púi vâ tơnêi têa tơmâng ngăn khât tâ, xo ah hmôi tâng pro kơchơ thế tơmâng troh tơdroăng hbrâ tơmeăm tơpâ mơdât on, thế pro krâu khât, malối ‘na on tơhrik’’

Tiô pôa Phan Văn Trung, Kăn hnê ngăn Vi [an tơring Kông Chro, tíu ki lot tung tơdroăng cheăng hbrâ tơpâ mơdât on chếo dêi tơring cho ôh tá ai rơxế ki tơpâ on ki kơtâu tơpâ on. Rêm hdroh ai tơdroăng on chếo kân tơring thế tăng krếo rơxế tơpâ on dêi Ko\ng an kong pơlê Gialai. Tơring Kông Chro kơtăn hơngế kong pơlê ai 120 km. Xua mê, tơdroăng cheăng tơpâ mơdât on chếo trâm hên xơpá, ‘nâ hía hrá troh [ă ôh tá teăm vâ tơpâ on. Pak^ng mê, kuăn pơlê ôh tá hlê ple\ng ti ‘nâi vâ hbrâ mơdât on, tơdroăng kố kal thế mơdêk tâ nếo. Pôa Phan Văn Trung, tối:

‘’Tung la ngiâ, vâ thăm pêi cheăng tơ-[rê tâ, thế pro kơchơ a tơdế mê ngin kô thăm pêi hnoăng cheăng tơná tung hbrâ tơpâ mơdât on chếo. Malối [ă mâu rơpo\ng tê mơdró, thế mơdêk ki hlê ple\ng, hnoăng cheăng dêi tơrêm rơpo\ng tung tơdroăng kố’’.

Hâi hlê ple\ng tung hbrâ mơdât on chếo xuân cho tơdroăng hlo a hên tíu tung kong pơlê Gialai. Ki vâ tối cho tơdroăng hbrâ tơpâ mơdât on chếo, trếo pơtôu a tâi tâng mâu tíu ki tơ’lêi tro on chếo môi tiah a tíu tê mơdró on gas, têa châu, têa kơxăng, hnôu ‘măn kế pơtôu [ă hía hé. Tung rôh séa ngăn ‘na tơdroăng hbrâ mơdât on chếo  a mâu tíu tê mơdró, mâu tíu tê mơdró ‘ngré têa châu, khu râ pơkuâ cheăng Gialai hiăng châ hlo hên tíu pro xôi. A môi tíu tê têa kơxăng troăng Lê Duẩn, pơlê kong kơdrâm Pleiku, tâi tâng mâu kơ-[in ki xôh tơpâ mơdât on chếo ôh tá hbrâ tơnáu ‘măn lôi a tíu tê têa kơxăng, mê vâi ‘măn kí tung hngêi pơkuâ. Drêng ai khu lăm séa ngăn, ngế ki trêng têa kơxăng nếo krếo thế ngế ki ê djâ mơhno tíu ki ‘măn. Kơ-[ăng tơbleăng on tơhrik ki xiâm ai hên ki oh tá tro kih thua#t, ôh tá tơniăn drêng ối achê on tơhrik, tơ’lêi tro on chếo. Séa ngăn nhên tâ mê nếo hlo ai 2 tung 4 ngế pêi cheăng a tíu trêng kơxăng hiăng hriâm ‘na tơdroăng cheăng tơpâ mơdât on chếo. La, drêng  êng ‘na tơdroăng hbrâ mơdât on chếo, mâu ki hiăng hriâm ‘na kih thua#t mê ôh tá ‘nâi nhên. Ngế pơkuâ tíu tê mơdró têa kơxăng mê tối pro kơtôa dêi mâu tơdroăng ki xôi:

‘’Kơ-[in kố ôh tá xê drêng ai khu lăm séa ngăn ngin nếo djâ mơhno. Xua tơdroăng pơkâ dêi kơ-[in tơpâ on chếo thế ‘măn a tíu ki khăng le\m, bâ phuâng, mê hdrối xếo ăm gá krúa, ngin hiăng ‘măn a kí, hâi teăm djâ lo pá kong’’.

Ki ôh tá tơ-[rê tung hbrâ tơpâ mơdât on chếo hiăng pro chiâng ai kơxo# on chếo [ă lu\p xua on chếo ó tâ a kong pơlê Gialai. Hơnăm 2016, on chếo hiăng pro 3 ngế hlâ, lu\p lối 100 rơtal liăn. 3 khế apoăng hơnăm, Gialai xuân hiăng ai mâu roh on chếo kân lu\p hên rơtal liăn.

Vâ pêi tro tơdroăng cheăng kố, kơdroh kong prâi pro ôh tá tơniăn tung la ngiâ, Đăi tă Dương Thanh Bình, Kăn [ơrô kăn sât hbrâ tơpâ mơdât on chếo [ă to\ng kum mâu ki xía vâ, kong pơlê Gialai, ăm ‘nâi:      

‘’Ngin xuân pơkâ ki hdrối thế tơku\m hnê mơhno tí tăng ‘nâi ple\ng ăm mâu kăn Đảng, khu râ kăn thăm pêi kơhnâ hnoăng cheăng tối tơbleăng, pêi kơtăng ‘na hbrâ mơdât on chếo, malối tung rơnó mơdrăng. Tơdroăng ki má péa, thăm mơdêk tơdroăng hnê tối, mơjiâng tơdroăng mơhnhôk tâi tâng kuăn pơlê hbrâ mơdât on chếo, pro ti lâi vâ tơdroăng hbrâ mơdât xía vâ châ pro trâu rơdâ tâ, troh lâp lu, mơdêk hnoăng cheăng pêi dêi mâu ngế pơkuâ mâu tíu pêi cheăng, khu râ pơkuâ cheăng [ă kuăn pơlê [ă tơdroăng hbrâ mơdât on chếo. Tơdroăng ki má 3, ngin mơdêk hnoăng cheăng séa ngăn, hnê tối ‘na tơdroăng cheăng hbrâ mơdât on chếo, pơxâu phak kơtăng mâu ngế ki pro xôi ‘na hbrâ mơdât on chếo. Ngin xuân hbrâ tro ‘na mâu ngế, rơxế, tơmeăm vâ teăm tơpâ mơdât drêng ai on chếo. Ngin dế tơku\m pê klêi mâu tơdroăng pơkâ hbrâ mơdât on chếo [ă mâu tíu pêi cheăng, tê mơdró ki rơ-iô tơ’lêi tro on chếo, ai kế pơtôu, malối a mâu kơchơ tê mơdró, tíu tơku\m tê hên tơmeăm, hên mâu tơmeăm, kô tơ’lêi on trếo. Ngin kô séa ngăn, hnê mơhno [ă tơku\m hnê mơhno tơdroăng cheăng pêi hbrâ tơnáu hdrối dêi mâu tíu pêi cheăng amê vâ teăm hbrâ ví, tơpâ mơdât drêng ai on chếo.

Gương tơplôu [ă tơbleăng