VOV4.Sêdang - Tiô pơkâ dêi luât tơ’noăng râ má pái phôh thong tơnêi têa hơnăm 2017 dêi khu xiâm ngăn ‘na hnê hriâm [ă hnê mơjiâng tơdroăng rơkê, pơxiâm sap hâi lơ 1 khế 4, mâu hok tro tung lâp tơnêi têa pơxiâm nâp hồ sơ chêh inâi tơ’noăng râ má pái phôh thong hơnăm 2017. Hâi khế chêh hlá mơ-éa tơ’noăng hơnăm kố po sap lơ 1 troh lơ 20/4. Kơ’nâi lơ 20/4, hok troh ôh tá chiâng hơ’lêh mâu tơdroăng chêh môn tơ’noăng ki tơná hiăng chêh vâ tơ’noăng. Hok tro kô chiâng rôe hồ sơ chêh inâi tơ’noăng râ má pái phôh thong tơnêi têa a mâu hngêi trung râ má pái phôh thong, hngêi trung yăo yuk thương xuên, mâu [ơrô ngăn ‘na hnê hriâm dêi mâu pơlê krâm, tơring a kong pơlê. Klêi nâp hồ sơ hok tro châ hngêi trung ăm môi tai khoan [ă mât khâuh vâ chêh ‘mot inâi tung phân mêm râ ngăn ing Internet a tíu kố: http://thisinh.thithptquocgia.edu.vn. Tai khoan mê châ xúa vâ po ngăn phân mrrm râ ngăn tơ’noăng sap ing chêh inâi tơ’noăng ta troh hiăng klêi ngăn tâi điêm tơ’noăng ah, séa mơnhên ngăn hôm hâi plah tơ’noăng mơgêi râ má pái phôh thong [ă séa ngăn rah mot hriâm đăi hok, kao đăng. Sap hâi lơ 1 khế 4, hok tro xuân chiâng séa ngăn mâu tơdroăng ki tơdjâk troh rah xo hok tro hriâm a tâi tâng mâu hngêi trung đăi hok, kao đăng sư phăm [ă mâu tơdroăng ki tơdjâk troh tơ’noăng [ă rah mot hriâm hơnăm 2017 ing Kong thong tin rah xo hriâm dêi Khu xiâm ngăn ‘na hnê hriâm [ă hnê mơjiâng tơdroăng rơkê a tíu http://thituyensinh.vn.

Tiô khu ngăn ‘na hnê hriâm [ă hnê mơjiâng tơdroăng rơkê, hơnăm 2017 kô ai dâng 955 rơpâu ngế hok tro tơ’noăng râ má pái phôh thong tơnêi têa, tá mâu hok tro ki oh tá plah tơ’noăng hơnăm nah mot tơ’noăng nếo.

Gương tơplôu [ă tơbleăng