VOV4.Sêdang - Kơtêi kơtâu têi ki râ xua kong tô mơdrăng ó cho tơdroăng châi ki rơ-iô, kô pro hlâ mơngế. Ma luâ kố cho tơdroăng châi kô kâi hbrâ mơdât tâng re\ng châ ‘nâi. Tiô khu ngăn ‘na pơkeăng ăm ‘nâi, drêng pơxiâm mot tung rơnó tô mơdrăng, kơxo# mơngế ki ai mơheăm ôh tá kơtâu troh a ngôa rế hên, kơxo# mâu ki râ xuân hên tâ. Mê cho xua kong tô mơdrăng ó pro mơheăm chiâng ôh tá kâi kơtâu tâk troh a ngôa.

Mâu tơdroăng kơtêi kơtâu têi ki râ xua kong tô mơdrăng

Ki hngiú tô tung châ kô tâk troh 40 đo# C, ngế ki kơtêi kơtâu têi chiâng hlâ mốu, pak^ng mê ối ăm ‘nâi môi tiah:

-Châi ko

-Vung vế mâ, pôu pr^ng ko

-Oh tá lo têa kơxôu, ma luâ tung châ tô pơ-oh

-Kéa tum khêi tô [ă x^ng

-Xơtot hveăn, kơbre#n tung châ

-Hêng hêa [ă lo hêa

-Plâi nuih kơtâu têi

-Hiâm pá kâi

-‘Mêi tung tuăn ngôa, ôh tá tơleăng tung tuăn ngôa

-Chiên tâk

-Hlâ rơngó

Pơlât tơdrêng kơtêi kơtâu têi xua kong tô pơ-oh

Tâng pó nhôm ngế ki lâi ‘lo hiăng tro môi hdroh kơtêi kơtâu têi xua kong tô thế krếo pơlât tơdrêng lơ djâ ngế ki mê troh a hngêi pơkeăng kân.

Tung pơla tơkôm pơlât tơdrêng pó kô chiâng djâ ngế ki kơtêi  kơtâu têi a môi tíu ki hơngiâp le\m, lêi tah hmân ếo. Tâng hlo ngế ki mê lối tô ó tung châ thế pro ăm châ gá rơngiâp môi tiah kơ’nâi kố:

-Xo ki pê vâ pê ăm ga hơngiâp, kơ’nhâm kên kơchoh xut a ngế ki mê.

-Xuân chiâng pêa kên ki kơxuô prí ‘măn a dik bli, a kơveăng [ă kố cho mâu tíu ki ai hên troăng mơheăm a chê [ă kéa, drêng pro ăm hơngiâp kô kơdroh ki tô tung châ.

-Ăm ngế ki mê ối tung kơthao hum têa.

Mâu ngế ki tơ’lêi tro kơtêi kơtâu têi ki râ xua kong tô

Mê cho vâi ‘ne\ng nếo klêi mơhum pá xuâp 4 hơnăm, mâu hiăng krâ sap 65 hơnăm tơngi klêng, mâu ki ai tơdroăng châi tiu rơnó môi tiah châi plâi nuih, châi xôu, kơkốu, mơheăm tá kâi kơtâu troh a ngôa, nu\m lo têa nheăn, kôk, mâu ki ôu lối hên drôu [ă mâu ki ôh tá ôu tu\m têa [ă hên tơdroăng ki ê, cho mâu ngế ki tơ’lêi tro kơtêi kơtâu têi ki râ xua tô pơ-oh. Kơtêi kơtâu têi ki râ xua kong tô hmâ hlo drêng kong tô pá gong sap ing 32 đo# tơngi klêng, tâng trâm kong tô tiah mê a hên mâu kong têa peăng mâi lu hnê tối pôi tá lo pêi cheăng pá gong.

Hbrâ mơdât tơdroăng châi

Rơnó tô mơdrăng, pá gong tô ó, mâu hơnăm hiăng krâ pôi tá lo pá gong a mâu rôh kong tô ó. {ă mâu ngế châi plâi nuih, tâng po kơmăi ki pê hyôh hngiú thế pâ, bố po kơxo# ki dâng 27 đo# C tê [ă ki hngiú hên iâ dêi tung veăng [ă pá gong veăng ki tro gá pôi tá kơtăn dêi pó hluâ 7 đo# C.

Thế tơtro\ng ôu tơ’nôm têa rêm hâi, vâ hbrâ mơheăm lơ to ki tơkâ ah mơheăm chiâng kơtóu, hriâm vâ hmâ drêng ôh tá khăng krôk xuân thế ôu têa hên. Xuân chiâng ôu têa plâi, kâ kơchâi, plâi rêm hâi. Kơxo má klêi riu ing koi thế ôu môi kơ’lo têa, rêm hâi, thế ôu tơ’nôm têa sap ing 1 lit 5 troh 2 lit têa tung châ. Tâng hriâm ivá thế ôu 1 kơ‘lo têa hdrối vâ hriâm [ă hmếo pơ pro môi tiah mê kơ’nâi 20 phut pơtâp ivá.

Rơnó mơdrăng thế xâp hmân ếo hiâ, ếo kân, hôi, xo muâk ki kân truâ nhe\ng. Drêng lo pá gong thế pik kem ki mơdât eăng trâ dêi mâ hâi ai kơxo# sap 30 SPF tơngi klêng.

Pôi tá pêi cheăng pá gong drêng kong dế tô ó, bú lo pá gong a kơxo má [ă kong xêi hiăng vâ rơngiâp.

Rơnó tô mơdrăng, rêm ngế hmâ ôu drô, [iêr ăm rơngiâp, la tơdroăng kố ôh tá tro. Drêng kong tô thế pôi tá ôu drô [iêr lơ kơphế xua mâu trếo al-kôl [ă caffein kô pro pó lo tâi hên tâ têa kơxôu, pro pó tơ’lêi tro kơtêi kơtâu têi ki râ, tơ’lêi hlâ xua kong tô ó.

Séa ngăn dêi têa nu\m drêng kong tô pơ-oh. Tâng têa nu\m kơdrâ ai mơngiơk phá tâ hmâ, mê cho pó dế ôh tá ai têa. Thế ôu tơ’nôm têa tơdrêng hlối vâ ‘mot têa tung châ.

Tiô mâu ki rơkê tối, mâu ngế ki tơ’lêi ai tơdroăng mơheăm ôh tá kơtâu tâk troh a ngôa môi tiah mâu ngế hơnăm hiăng krâ, mơheăm ôh tá kơtâu troh a ngoâ, lo nu\m nheăn, ‘mêi tung lipid mơheăm (ai rơmâ hên tung mơheăm), troăng mơheăm ki tơku\m, ngế ki ô hât, thế re\ng pêi pro mâu tơdroăng hbrâ mơdât, pak^ng hơ’lêh tơdroăng rêh ối môi tiah pôi tá ô xếo hât, kơdroh ô drô [iêr, kơhnâ pơtâp ivá, thế séa ngăn dêi kơtêi kơtâu, rơmâ tung mơheăm, troăng mơheăm, malối cho mơdât mơheăm lơ chiâng kơtó.

Tung rơnó mơdrăng tâng mâu ngế hơnăm hiăng hên kơdrâ tâ châi ko, pôu pr^ng, khăng kơbre#n môi pâ châ, ối to kơhếo puk pâk [ă hía hế mê cho ki pơxiâm ăm ‘nâi hdrối pơxiâm ai tơdroăng mơheăm ôh tá kơtâu troh a ngôa thế hbrâ tơnáu xêh hdrối, lăm khăm a [ok thái pơkeăng tơdrêng. 

Tơdroăng ‘’Ivá ăm rêm ngế’’ troh akố hiăng tâi. Pó kô tơmâng ngin tối rôh kơ’nâi ah nếo.

Gương tơplôu [ă tơbleăng