VOV4.Sêdang - Rơpâ, tơ’lêi roê, tơ’lêi kơtôa, xua mê droh rơtăm, thăm nếo hok tro râ má 2, má 3 a pơlê kong kân Hồ Chí Minh tơ’lêi pơlông djâ xúa ma tu\i nếo dế châ tối cho ‘’te\m mơ-éa’’ lơ ‘’pơkeăng te#ng’’. Tâng xúa ma tu\i kố droh rơtăm, hok tro kô tơ’lêi ôh tá chiâng pơkuâ dêi châ. Tiah mê, hngêi trung, rơpo\ng kal pro ti lâi vâ tơchuâm ivá pơkuâ [a\ hbrâ mơdât tơdroăng ki rơ-iô kố? Ngọc Luân, ngế chêh hlá tơbeăng cheăng a tung Rơ’jíu Việt Nam a pơlê kong kân Hồ Chí Minh ai chêh tối ‘na tơdroăng mê.

         Klêi kơ’nâi hlá tơbeăng chêh tối hên mâu tơdroăng ‘na túa ma tu\i ‘’tem mơ-éa’’, hên ngế a pơlê kong kân Hồ Chí Minh hiăng tơku\m po rôh hôp vâ pơchân troh nôu pâ hok tro ki rơhêng vâ ‘nâi ple\ng tá troh kuăn muăn tơná. Hngêi trung râ má pái Trần Cao Vân, pơlê krâm Gò Vấp, Pơlê kong kân Hồ Chí Minh mơhé tá hâi ai ngế ki lâi ‘măn rak [ă xúa túa ma tu\i tem hlá mơ-éa kố, la Khu pơkuâ ngăn hngêi trung xuân tá hâi po hneăng hôp tơdrêng tối tơbleăng troh mâu thái cô pơkuâ vâ tối tơbleăng troh mâu nôu, pâ dêi mâu hok tro hbrâ kơchăng tâ, tơmâng ngăn tâ troh dêi kuăn ‘ne#ng tơná. Ing mê, rak ngăn mâu kuăn ‘ne#ng krá tơniăn tâ. Thái Lê Quốc Dũng, kăn xiâm pơkuâ khu lâm 11, hngêi trung râ má pái phôh tho\ng Trần Cao Vân tối: Hngêi trung dế ối séa ngăn la tá hâi châ hlo hok tro ki lâi xúa túa tem hlá mơ-éa ma tu\i ki kố. Xua tâng ai ngế ki lâi xúa gá kô ‘nâi tơdrêng hlối. Hngêi trung hiăng pơkâ mơ’no troăng séa ngăn tung kơtong, tung kế tơmeăm vâ hbrâ mơdât hdrối. {ă mâu vâi o hok tro 5 chôu hriâm klêi, lo ing hngêi trung mê hngêi trung tá ‘nâi ôh yoh, tơdroăng ki pơkuâ rak ngăn drêng mê cho dêi rơpo\ng hngêi.

          Vâ hbrâ mơdât [ă tơdroăng ki rơ-iô dêi ma tu\i ‘’tem hlá mơ-éa’’ nôkố, hên nôu pâ hok tro tối tiah kố, hngêi trung athế pơkâ mơ’no mâu tơdroăng ki rơ-iô dêi ma tu\i chiâng [ai hriâm ăm hok tro. Tiah mê, nếo ai pơxúa troh tơdroăng ki hnê hriâm ăm tơdroăng rêh ối, hlá hnê tối vâi o hbrâ mơdât [ă ‘nâi túa ki rak vế dêi châ chăn tơná. Tô tuăn hlo tơdroăng ki ma tu\i ‘’tem hlá mơ-éa’’ kố kô mot tung hngêi trung, ngoh Nguyễn Anh Tuấn, pâ hok tro a pơlê krâm Bình Thạnh, Pơlê kong kân Hồ Chí Minh tối: Á tơmiât tiah kố, hngêi trung athế hnê tối mâu rôh hnê hriâm ‘na tơdroăng dêi ma tu\i [ă mâu trếo ki pro pôu pr^ng tung ngoâ. Xua, a hơnăm ki kố hok tro cho hơnăm ki vâi hmâ tí tăng ‘nâi ple\ng, rơhêng vâ, mê tơ’lêi tro pơhlut.

          ‘’Tem hlá mơ-éa’’ pro tăng loi ‘nhiu ‘nháo dế châ ngăn cho túa ma tu\i ki nếo, ai trếo LSD pro tuăn ngôa chiâng hyông ó [ă xuân cho 1 tung 2 trếo ma tu\i ki rơ-iô má môi dế nôkố. Pak^ng tơdroăng pro lo ‘nhiu ‘nhao drêng tế, tâng tế hên, ton, túa ma tu\i kố mơni kô pro ngế ki xúa mê chiâng tro pôu pr^ng ko. Tung pơla mê, hmâ trâm hên má môi xuân cho pro tuăn ngôa hơ’lêh tơdroăng, môi tơdroăng tơche\ng tơmiât tơ-ê, ôh tá kâi mơgât, pro chiâng châi plâi nuih, châi kơxái hveăn, xâu kơ vâi ki ê, ôh tá ‘nâi klâi, chiâng hlâ. {ok thái pơkeăng Phạm Văn Trụ, kăn pho\ pơkuâ Hngêi pơkeăng Kôk, rơxok, pơlê kong kân Hồ Chí Minh ăm ‘nâi: LSD tơdjâk troh mâu mơheăm tung ngoâ. Ki hdrối tâ gá pro mơdêk cheăng dêi kuăn mơngế tối tơdjuôm, pro mơheăm kơtâu têi [ă pro châi ko ăm mâu ngế ki tế rôh ki apoăng. Mơni kô hlâ.

          {ă [ok thái pơkeăng Huỳnh Thanh Hiển, kăn pơkuâ khoa T3, hngêi pơkeăng Kôk, rơxok Pơlê kong kân Hồ Chí Minh tối tiah kố, hdrối hngêi trung tá hâi ai chôu hnê ki lâi ăm hok tro ‘na tơdroăng kố, mê nôu, pâ vâi kal hnê ăm dêi kuăn ‘nâi vâ ví mâu rôh ki xah hêi ki pro ôh tá tro kố. {ok thái pơkeăng Huỳnh Thanh Hiển tối: Tiah lâi ai mâu ngế ki tro tâi tơdroăng, 6 khế lơ 1 hơnăm klêi kơ’nâi mê mơhé hiăng pơlât ton. Ngế ki apoăng á trâm cho môi ngế o ku\n 13 hơnăm, hok tro lâm 8. Apoăng drêng khăm á ôh tá tăng hlo klâi, la klêi mê êng nếo gá tiâ ai păm, tế môi to tem hlá mơ-éa. Á ‘nâi hlối mê gá xúa tem hlá mơ-éa, ối khe#n cho ‘’pơkeăng te#ng.

          Tem hlá mơ-éa pro tăng loi ‘nhiu ‘nhao ôh ti xê nếo hlo, ki kố hiăng hlo tê sap ing nah [ă hiăng hlo tê hên. La séa ngăn, rak ngăn tơdroăng ki tê mơdró kế tơmeăm kố ôh ti xê tơ’lêi, xua kế tơmeăm kố gá ku\n tơ’lêi kơtoâ. Kơ koan ki ai tơdjâk troh a Pơlê kong kân Hồ Chí Minh hiăng tối tơbleăng ‘na trếo ki mơdât kố dế kơtoâ pơtroh troh a Việt Nam, mâu ngế ki xúa ma tu\i ‘’tem hlá mơ-éa’’ tung mâu hngêi mơdró ôu kâ, hngêi ăm tơmối kâ koi ối pơtê, hngêi pơtê. Tiô tối rơdêi dêi {ơrô kăn sât Séa ngăn tơdroăng xôi ‘na ma tu\i PC47 Ko\ng an Pơlê kong kân Hồ Chí Minh mê tá hâi châ hlo môi roh ki lâi tơdjâk troh ki mơđah ‘na ma tu\i ‘’tem hlá mơ-éa’’ ăm ngế ki ê hlo a po cheăng hngêi trung lơ a tíu ki kuăn pơlê ối tơdjuôm tung pơla achê kố tung pơlê kong kân.

          Kơ koan ki ai tơdjâk troh dế pơtối tí tăng ‘nâi tơdroăng, tơplâ mơdât vâ pêi pro nhên ‘na tơdroăng ki pơto, chơ, xúa túa ma tu\i ki nếo. laga, [ă rơpo\ng hngêi [ă hngêi trung, kal athế hbrâ kơchăng drêng hlo tơdroăng kố dêi ma tu\i tem hlá mơ-éa [ă ai mâu troăng hơlâ vâ rak ngăn kuăn ‘ne#ng tơná.

Katarina Nga tơplôu [ă tơbleăng