Pơlê kong kơdrâm Biên Hòa cho môi tung mâu tíu ‘’hên ‘nâng’’ mơngế tro tâ pơrea\ng tơngê lo mơheăm dêi Đồng Nai. Sap apoăng hơnăm troh nôkố a Biên Hòa hiăng ai lối 2 rơpâu ngế tro tâ pơrea\ng tơngê lo mơheăm. Kong tô ó pơtối ton hâi hlối ai mâu roh kong mêi, pơlê pơla pơhlêh re\ng, hên tơmeăm mơjiâng pro, mâu kơpong tơnêi lôi chúa, mâu hngêi ăm tơmối rêh ối hiăng xi kơchoh, rơkôp, tíu ok sok [a\ hía hé cho tíu tơ’lêi hlâu ăm tri trôu [a\ kiâ ngu nge\ng pơtâ ăm pin pơrea\ng, [a\ chiâng kuăn hên. {a\ a Biên Hòa, tơdroăng ki kố cho tu\m, xua mê mot a rơnó mêi, pơlê kong kơdrâm lối 1 rơtuh pơ’leăng mâ mơngế kố đi đi ai hên ngế tro tâ pơrea\ng tơngê lo mơheăm.

A kơpong kơpho# 4, bêng Trảng Dài, pơlê kong kơdrâm Biên Hòa, mâu kơpong tơnêi lôi chúa to nhâ hu\n achê [a\ mâu kơpong hngêi râ má 4 dêi kuăn pơlê. Nhâ hu\n hên h^n, hno pêng to têa, mâu tơmeăm ki xúa tung [a\ng kơdrum pêng to têa mêi [a\ hía hé, tâi tâng tíu kố cho tơ’lêi ăm tri trôu kơtâ. Drêng châ kơ-êng ‘na pơrea\ng tơngê lo mơheăm, hên kuăn pơlê akố mơnhên vâi ‘nâi pơrea\ng tơngê lo mơheăm cho rơ-iô, laga rơ-iô tơkéa lâi [a\ hbrâ ví pơrea\ng môi tiah lâi ôh tá ‘nâi nhên khât. Môi ngế kuăn pơlê a kơpong kơpho# 4, bêng Trảng Dài, pơlê kong kơdrâm Biên Hòa tối ăm ‘nâi:

‘’ ‘Nâi ‘nâng ‘na tri trôu, kế ki kơdoăng têa ai kiâ ngu nge\ng. Pin hbrâ mơdât pơrea\ng mê hngêi trăng thế krúa le\m, kế kơdoăng têa ôh tá ai kiâ ngu nge\ng. Gá tâ tú ing tri trôu, ing mâu ngế pơrea\ng gá tâ a mâu vâi hdrêng kố, chiâng ví mê thế ví gá kô tro tâ’’.

{ok thái pơkeăng Lê Đức Hạnh, Kăn pơkuâ hngêi pơkeăng bêng Trảng Dài tối ăm ‘nâi, ing tơdroăng pơtâng tối, kuăn pơlê hiăng hlê ple\ng tơtro tâ ‘na ki rơ-iô dêi pơrea\ng tơngê lo mơheăm [a\ túa hbrâ ví. Laga ki nhên khât xuân ai kuăn pơlê ôh tá vâ bê tơmâng, ôh tá tơru\m [a\ mâu kơvâ cheăng tung hbrâ mơdât pơrea\ng:

‘’Tơdroăng ki pơtâng tối dêi á mê kuăn pơlê tơdah tơtro ‘nâng. Laga ki nhên khât ai mâu rơpo\ng, mơhé ối iâ, xuân pêi pro tá hâi tơtro. Vâi ôh tá vâ tơmâng, vâi xuân tá hâi ‘nâi ki rơ-iô dêi pơrea\ng tơngê lo mơheăm. Ai mâu rơpo\ng thế pơchân troh roh má 3 nếo pêi pro’’.

{a\ rêm roh kơvâ ngăn pơkeăng [a\ khăm pơlât pơlê kong kơdrâm tơku\m po xôh pơkeăng kơdê tri trôu tung kơpong kuăn pơlê rêh ối, mê ai drêng kuăn pơlê ôh tá hâk. Hên ngế ôh tá vâ ăm vâi xôh pơkeăng kơdê pơrea\ng, thăm nếo ‘’kơmái’’ ăm kăn [o# khăm pơlât mot tung hngêi xôh pơkeăng, xua mê, hlê ple\ng dêi pơlê pơla ‘na hbrâ mơdât pơrea\ng xuân ối hên tơdroăng ki vâ tơno nhên.

Khu chêh hlá tơbeăng thế kum pơhlêh tơdroăng pêi pro

Tiô xêo, sap apoăng hơnăm troh nôkố, lâp tơnêi têa châ hlo lối 80 rơpâu roh ngế tro tâ pơrea\ng tơngê lo mơheăm, châ pái xôh tâng pơchông [a\ roh kố hơnăm 2018, tung mê ai 6 ngế hlâ. A peăng hdroh, bu krê a pơlê kong kân Hồ Chí Minh châ hlo 27 rơpâu ngế tro tâ sap ing apoăng hơnăm, [a\ a Đồng Nai cho vâ chê 6 rơpâu ngế tro tâ.

Túa hbrâ mơdât pơrea\ng tơngê lo mơheăm châ tơ-[rê kố cho mơgrúa, kơdê kiâ ngu nge\ng, hbrâ mơdât tro trô pâk. Kơdê tri trô, kiâ ngu nge\ng mê thế mơgrúa hngêi trăng, kơduôp mâu kế ki toăng têa vâ tri trô ôh tá ai kơtâ; ví tri trô pâk mê kal sâp ếo xo\n ko\ng, kối thế pâng kơmung [a\ hía hé. Mâu túa pêi kố cho ôh tá pá, kơbố xuân ‘nâi, laga ôh tá xê kơbố xuân vâ pêi.

Tiô pôa Huỳnh Cao Hải, Kăn pho\ pơkuâ ngăn pơkeăng [a\ khăm pơlât Đồng Nai, hơnăm kố Đồng Nai hiăng mơ’no kơxo# liăn lối 10 rơtal liăn ăm tơdroăng hbrâ mơdât tơngê lo mơheăm. Túa ‘na pơtâng tối châ kong pơlê pêi pro [a\ veăng amê ai mâu kơ koan chêh hlá tơbeăng, rơ’jíu; [a\ hlối pêi mâu túa ton nah môi tiah troh lăm pơtâng, tơbleăng [a\ mơ-éa [a\ hía hé.

‘’{a\ kong pơlê mê mâu kơ koan chêh hlá tơbeăng đi đo ai mâu tin [ai, um ‘na hbrâ mơdât pơrea\ng. Sap apoăng troh nôkố ngin hiăng tơbleăng [a\ mơ-éa dâng 700 rơpâu mơ-éa vâ xing xoăng troh mâu rơpo\ng ing khu ngăn pơkeăng xuân môi tiah mâu ngế pêi cheăng dêi mâu khu râ vâ pơtân tối ăm kuăn pơlê’’.

Laga, tiô [ok thái pơkeăng, tiên sih Nguyễn Vũ Thượng, Pho\ pơkuâ Viên Pasteur, pơlê kong kân Hồ Chí Minh kal séa ngăn mâu túa pơtâng tối hiăng pêi pro. {a\ pơrea\ng tơngê lo mơheăm, tơdroăng pơtâng tối, pêi pro mâu túa hbrâ mơdât pơrea\ng kal pêi pro đi đo, pơtối rêm hâi, rêm măng t^ng ôh tá xê pêi pro tung môi pơla mê lôi. Xua tâng bu pêi pro môi pơla mê ôh tá pêi xếo mê tri trô, kiâ ngu nge\ng pơtối chiâng tri trôu xua tơnêi têa pin cho tơnêi têa hyôh rơnuôt. Xua mê, [ok thái pơkeăng Nguyễn Vũ Thượng tối, tơdroăng pơtâng tối kal pro ti lâi vâ ôh tá xê mơdêk hlê ple\ng mê ối thế pơhlêh hlê ple\ng, thế pơhlêh tơdroăng rêh ối dêi rêm ngế kuăn pơlê:

‘’Pin ngăn tơdroăng pơtâng tối dêi pin hiăng tro há, hiăng troh lâp lu ăm kuăn pơlê, tâi tâng kuăn pơlê hiăng tâng há, tơmâng hôm đi đo há? Á loi tơngah drêng kuăn pơlê hlo tơdroăng ki rơ-iô dêi pơrea\ng tơngê lo mơheăm cho râ, kô pro hlâ mơngế, mê á tơmiât vâi kô pơhlêh [a\ tơru\m. Pơkâ xiâm dêi tơdroăng pơtâng tối thế pơhlêh tơdroăng rêh ối, ôh tá xê pơtâng tối ăm vâi ‘nâi tê. {a\ pơhlêh tơdroăng pêi pro rêm hâi thế krá tơniăn, mê cho thế tơniăn đi đo ôh tá ai kiâ ngu nge\ng, ôh tá xê to ôh tá ăm ai kiâ ngu nge\ng môi pơla tê’’.

Túa hbrâ mơdât pơrea\ng tơngê lo mơheăm cho ôh tá pá, mê cho mâu tơdroăng rêm hâi, rơtâ tá pin. Kơbố xuân ‘nâi pro ti lâi, pro môi tiah lâi laga mơni ôh tá pêi pro. Mê nếo hlo, ing tơdroăng hlê ple\ng troh tơdroăng pêi pro gá tơ-ê, tah lôi tơdroăng pêi pro ki ôh tá tro mê, mê mâu tơdroăng mơ-eăm hbrâ mơdât pơrea\ng rơ-iô môi tiah tơngê lo mơheăm nếo châ tơ-[rê. {a\ tơdroăng pơtâng tối khăm pơlât xuân ai hnoăng kal xiâm vâ kum kuăn pơlê pơhlêh, ôh tá xê to pơtê to a tơdroăng hlê ple\ng tê mê ối kum pơhlêh tơdroăng pêi pro rêm hâi./.

VOV TP.HCM chêh

A Sa Ly tơplôu [a\ tơbleăng