VOV4.Sêdang - Ai hmốu a kơkốu, chiâng châi hnăng ga ai hên túa, tung mê hmâ trâm má môi cho hmốu calci, pơtối mê hmốu struvite, hmốu acid uric, hmốu cystine.

          Hmốu a kơkốu pro chiâng ai môi trếo tung mâu trếo ki hên tung têa nu\m, hên hluâ tâ tiah hmâ [ă kơlo trếo ki kố kô chiâng tơku\m nếo. Ai hên túa hbrâ mơdât ai hmốu, tung mê mơ’no nếo kế kâ ki kâ ôu rêm hâi, châ ngăn cho túa pêi pro ki tơ-[rê má môi. Vâ ai tiah mê, rêm ngế thế kơdôu mơ-eăm xua ôh tá hlâu klâi vâ ‘’mơgât‘’, tơkéa vâ tối ôh tá kâ mâu kế kâ ki rơhêng kâ, môi tiah ká khăng, hơ’nêh khăng, kơxo\ng khăng, mâm chu, mâu khá măm khăng, klêa kliâm chu, klêa kriâm ro, sô-cô-la [ă hía hé.

         Ôu têa hên: Kố cho túa hbrâ mơdât ki tơ-[rê, tơniăn ôh tá ai hmốu a kơkốu. Malối rơnó mơdrăng tô pơ-oh, tung châ tơ’lêi lo hên têa kơxô,  têa nu\m nhe\n, tơ’lêi pro chiâng ai hmốu a kơkốu, mê thế ôu têa hên vâ ăm têa nu\m pôi tá nhe\n. Rêm hâi thế ôu sap 2 lit tơdế troh a 3 lit têa lơ kâ kơchâi ki lếo hên têa vâ têa nu\m pôi tá nhe\n, châ lối 2 lit tơdế tung  môi hâi.

         Kơdroh kâ kế kâ ki ai hên trếo oxalate:  Môi tiah biêr prăng, chếi prăng, sô-cô-la, prá nành, pôm prếl, pôm rơpê, karôt, plâi tơ’neăng, ma#n, ôu têa plâi tuâk, ôu têa xik, ôu têa pâi đào, kơte\m kân [ă hía hé.

         Kâ xêa blâp, kâ iâ hơ’nêh mâm: pôi tá kâ xăng po, pôi tá kâ hên hơ’nêh. Kế kâ râm hên po [ă hên trếo đăm kô pro kơdroh độ pH tung têa nu\m, gá kô pro mơ’no trếo calcium [ă cystine, pro chiâng ai hmốu a kơkốu. Pak^ng mê, gá ối pro kơdroh ki mơ’no trếo citrat, cho trếo kum mơdât pro chiâng ai hmốu a kơkốu.

         Ôu hên têa krui ngeăm, ôu têa krui chôu:

            Péa túa têa ôu ai hên trếo citrat, cho trếo kum kâi tơplâ tah ki vâ pro chiâng ai hmốu tung châ.

         Kâ hên kơchâi drêh ki nếo kêi:  Trếo xơ tung kơchâi kô kum pro rơpâ tơ’lêi pơyâng, ôh tá toăng tung klêa, kơdroh ki pơtối hrik xo oxalate ing klêa vâ pro chiâng ai hmốu a kơkốu.  Pak^ng mê, trếo kiềm ối pro ăm kơdrâi drêh ki nếo klêi kêi kô kâi vâ mơjiâng trếo citrat mơdât ki pro chiâng hmốu tung kơkốu.

         Pôi ta kâ hên kế kâ ki ai trếo purine: Xua tâng kâ kô tơ’lêi pro chiâng ai hmốu tung kơkốu môi tiah kâ măm khăng, hơ’nêh pro khăng, klêa kliâm chu, klêa kliâm ro.

         Kâ hên kế kâ ai trếo calcium: Têa tôu ro ai hên calcium. Rêm hâi kô chiâng ôu 3 kơ’lo têa tôu ro lơ ôu mâu têa ki pro ing têa tôu, têa plâi bơr, phô-mai [ă hía hé. Pôi tá ât luâ râ mâu kế kâ ki ai trếo calcium, tâng  ât kô pro hía ki tơdâng tơ’mô tung hrik xo trếo calcium, pro ăm tung châ chiâng hrik hên trếo oxalate ing klêa pro chiâng ai hmốu a kơkốu. La thế pâ, bú ai trếo calcium tê ai tung kế kâ mê nếo pro pơxúa, pơkeăng ai trếo calcium ôh tá kum pro ki klâi tung tơdroăng ví pôi tá ăm chiâng ai hmốu a kơkốu.

         Tơdroăng ai hmốu a kơkốu hmâ hlo pơlât hiăng prâi ah châi nếo. Drêng pơtối châi nếo, tơdroăng pơlât gá pá tâ. Xua mê, mơhé hiăng ai hmốu lơ ôh, xuân thế tơtro\ng drêng kâ, ôu vâ pôi tá ai hmốu a kơkốu.

Gương tơplôu [ă tơbleăng