VOV4.Sêdang - Achê pơla kố, mâu kơ koan, khu râ pơkuâ cheăng a Daklak đi đo pơtối châ hlo mâu rơxế chơ kế kâ ôh tá krúa, ôh tá ’nâi xiâm rêi, dế hlo tê hên. Tơdroăng kố rế pro tô tuăn dêi mơngế ki rôe xúa tung pơla hlo ai hên kế kâ ki ôh tá krúa môi tiah dế kố. Ngế chêh hlá tơbeăng ai chêh tối ‘na tơdroăng kố.

Đi đo hlo mâu rôh chơ djâ, ‘măn kơtoâ hơ’nêh kuăn kiâ ki ôh tá ‘nâi xiâm kối ulâi, hiăng u\m, xú ‘mêi, châ mâu kơ koan kong pơlê Daklak hlo [ă teăm rup drêng dế hbrâ lăm djâ tê.

Nếo achê kố, a kơxo lơ 14 khế 4, {ơrô kăn sât ngăn ‘na hyôh kong prâi Ko\ng an kong pơlê Dak Lak (PC49) hiăng châ hlo [ă rup xo 400 kg hơ’nêh, kơxêng chu ôh tá ‘nâi xiâm ulâi, a tíu pro tê mơdró Nguyễn Thanh Lộc ối a kơxo# 132 Nguyễn Lương Bằng, cheăm Hoà Thắng, pơlê kong kơdrâm Buôn Ma Thuột, kong pơlê Daklak. Kơxo# hơ’nêh [ă kơxêng chu mê dế xú u\m [ă vâi dế hbrâ chơ lăm tê.

Hdrối mê, a kơxo lơ 10 khế 3, Khu lăm prôk ngăn ‘na tê mơdró, khu rak ngăn ‘na tê mơdró kong pơlê Daklak hiăng tơru\m [ă khu kăn sât gak troăng prôk ko\ng an kong pơlê hiăng rup vâ chê 600 kilô hơ’nêh chu ki hiăng xú u\m, ôh tá ‘nâi xiâm ulâi, tâ tung rơxế krâ kơxo# séa ngăn 47C-06398 xua Trương Quang Trí, ối a tơring Krông Pac\ vê. Trương Quang Trí tối, hơ’nêh mê vâi thế gá chơ tê ăm ăm mâu hngêi pế pơchên hmê kơchâi kâ tung kong pơlê Daklak: Chơ sap Quảng Ngãi troh akố, ki kố cho ing mâu rơxế hon đa ki lăm chơ tơmối, vâi krếo phôn ăm á, á ôh tá ‘nâi ki klâi ôh. Xuân ôh tá ‘nâi tung mê ai ki klâi.

Khu rak ngăn ‘na tê mơdró kong pơlê Daklak ăm ‘nâi, bú sap ing Têt hơnăm nếo nah troh nôkố, khu rak ngăn ‘na tê mơdró ukố umê hiăng châ hlo [ă rup 5 hdrôh mâu ki lăm tê hơ’nêh ôh tá ‘nâi xiâm kối ulâi, xú u\m, tung mê ki hên cho hơ’nêh chu. Tiô ăm ‘nâi rôh apoăng, kố cho hơ’nêh chu, châ mâu khu mơdró ki lăm rôe a mâu kong pơlê ki ê chơ djâ troh a Daklak tê. Hơ’nêh ki mê, tâng ôh tá djâ lăm tê, vâi  kô pro chiâng mâu kơchâi kâ ki tơviah kơhiâm tung tung mâu hngêi pế pơchên hmê kơchâi kâ, lơ tê mâu koăn ki kâ nha#u.

Pôa Nguyễn Đào Chí, kăn xiâm pho\ hnê ngăn ‘na tê mơdró rak ngăn kong pơlê Daklak tối ăm ‘nâi, tơdroăng châ ‘nâi [ă rup pơxâu phâk, mơdât mâu rôh chơ djâ ki tối kơpêng mê rế tơpá [ă hil. Hên rơxế ki dâi le\m, chơ tơmối la tung kơthung rơxế pá kơdâm ai chơ to mâu hơ’nêh ki hiăng u\m tê: Nôkố mâu ki hriăn pro tơdroăng ôh tá tơdrăng, pơtroh ăm mâu rơxế kân, rơxế chơ tơmối vâ ví lơ tro séa ngăn. Tung pơla châ rup hên mâu ki tê tơmeăm ôh tá vâ xo, ngế vê rơxế xúa chơ [ă xo liăn tê mơhá chơ tê.

Tơdroăng ki rơ-iô ing hơ’nêh ki ‘mêi ôh tá krúa, ôh tá ‘nâi xiâm ulâi pơtối hlo tê nếo tung mâu khế achê kố, pro mơngế ki rôe kâ chiâng tô tuăn xâu rơ-iô ki ôh tá krúa ‘na kế kâ tung rôh kâ rêm hâi dêi rơpo\ng hngêi. Rah rôe kế kâ a mâu siêu th^ lơ mâu tíu pế pơchên kế kâ ki vâi ôu-eăng pêi krúa kơdroh rôe mâu kế kâ ki vâi hiăng pế pơchên lôi ton cho túa ki jâ Trần Thị Bích Thủy ối a troăng Lê Hồng Phong, pơlê kong kơdrâm Buôn Ma Thuột, kong pơlê Daklak hbrâ ví kế kâ ki ôh tá krúa: Nôkố kế kâ hên tíu mơjiâng pro luâ râ, pro ăm pin chiâng tô tuăn xâu rơ-iô drêng rôe kâ xâu lơ pro ‘mêi troh ivá, mê nôkố a lăm rôe to  a mâu tíu ki vâi ô eăng tê kơchâi, kế kâ krúa, yă kơnâ tâ iâ la tơniăn ăm ivá.

Achê pơla kố, mâu kơ koan, khu râ pơkuâ cheăng kong pơlê Daklak điđo châ hlo, rup mâu rôh ki chơ, kơtoâ hơ’nêh mâm pro hơngiú ki ôh tá ‘nâi xiâm ulâi, hiăng xú u\m. Tâng tơdroăng pêi pro mê ôh tá re\ng châ mơdât, ivá mơngế ki rôe kâ hơ’nêh mâm kô pơtối ôh tá tơniăn.

Gương tơplôu [ă tơbleăng