VOV4.Sêdang - Tơdroăng pâk vaccine hbrâ mơdât COVID-19 ăm vâi hdrêng sap 12- 17 hơnăm a Việt Nam hiăng tơbleăng sap ing apoăng khế 11/2021 tung lâp tơnêi têa. Nôkố, hiăng ai 6 to kong pơlê ăm pâk mê cho Pơlê kong kân Hồ Chí Minh, Đà Nẵng, Bình Dương, Kiên Giang, Ninh Bình, ƀă Quảng Ninh. Mâu kong pơlê ki ê hiăng chêh pơkâ tơbleăng pâk vaccine hbrâ mơdât COVID-19 ăm vâi hdrêng drêng vaccine dế troh bê vâ pâk ăm kơxô̆ mơngế sap 18 hơnăm tơngi klêng châ 100% tung pái khế mơ’nui hơnăm 2021 ƀă apoăng hơnăm 2022.

Krê to pâk vaccine hbrâ mơdât COVID-19 ăm vâi hdrêng pa xôp 18 hơnăm, ngăn tiô kơ tơdroăng châ ai vaccine dêi khu mơjiâng pro, Khu xiâm ngăn pơkeăng pơlât dế mơjiâng pơkâ xúa vaccine hơnăm 2022 ƀă pâ dêi khu hnê mơhno hbrâ mơdât pơreăng ‘na tơdroăng po rơdâ hơnăm pâk ăm vâi hdrêng pa xôp 12 hơnăm tiô tơdroăng hnê tối hdrối dêi khu xiâm ngăn pơkeăng lâp plâi tơnêi.

Gương tơplôu ƀă tơbleăng