Hneăng hôp roh kố po klêi kơ’nâi Hneăng hôp Đảng xiâm 5 nếo klêi, ai pơkâ mơ’no 3 tơdroăng cheăng ki kal tung mơnhông mơdêk pêi cheăng kâ, rêh ối pơlê pơla dêi tơnêi têa [ă séa ngăn vâ tơleăng phak mâu kăn [o#.

Trâm mâ kuăn pơlê, pôa Nguyễn Quang Tuấn, Kăn Kuo#k ho#i pơlê kong kân Hà Nội tối ăm ‘nâi, kơnôm ing mâu kăn Kuo#k ho#i, kuăn pơlê dêi pơlê kong kân hiăng pơtroh a Hneăng hôp má 3, Kuo#k ho#i hneăng 14 hên tơdroăng ki kal kân [ă mâu tơdroăng ki ai tơdjâk troh rêh ối, pêi cheăng rêm hâi dêi kuăn pơlê.

Mê cho tơdroăng ki kơtâu liăn, tong mơhá ăm khu râ kơpêng vâ to pro kăn, túa chêh bro hlá mơ-éa, kơdroh kơxo# mơngế kăn [o# cheăng, ‘na mơjiâng mâu tơmeăm khoăng ki tá hâi teăm klêi, mâu tơdroăng ‘mâi rơnêu hngêi trăng, tơmeăm khoăng tơchuôm ki hiăng tơ’nhê.

Rơtế [ă mâu kuăn pơlê tung lâp tơnêi têa, kuăn pơlê dêi pơlê kong kân Hà Nội xuân kal rơhêng vâ ‘nâi troh mâu tơdroăng xiâm tung hbrâ tơplâ mơdât kâ kơluâ, kâ kơhveăm, [ă hnối mơdrếo tâi tâng kế tơmeăm ki mê. Pôa Nguyễn Quang Tuấn tối:

‘‘Kuăn pơlê pói rơhêng vâ Kuo#k ho#i tơmâng [ă ai troăng hơlâ ki vâ tơleăng mơnhên. Ki hên, mâu rơkong dêi kuăn pơlê pói vâ châ ‘nâi, mê cho hnoăng cheăng hbrâ tơplâ mơdât [ă khu kâ kơluâ liăn ngân, kế tơmeăm [ă mơdrếo xo mâu tơmeăm mê tơvêh ăm tơnêi têa.

 Môi tiah pin hiăng ‘nâi hdrối nah, ai hên khu ngế ki tong kâ kơluâ, kâ kơhveăm, la kơxo# liăn ki châ xo ing tơdroăng tơplâ kâ kơluâ mê bu châ 8%, cho iâ má môi tâng vâ ngăn [ă tơdroăng ki ai păng ‘nâng, ki tơnêi têa hiăng hía liăn’’.

Cho hneăng hôp tơdế hơnăm, mê a roh hôp kố, Kuo#k ho#i kô mơdoh hên chôu phut ăm tơdroăng tơpui tơno mơjiâng luât. Kuo#k ho#i tối hdrối kô séa ngăn, tối pơtâng 13 tơdroăng tơkêa bro, 05 tơdroăng pơkâ [ă ăm mâu kăn tơpui tối ‘na 5 tơdroăng tơkêa bro luât ki ê.

Pôa Phạm Tất Thắng, Kăn Kuo#k ho#i kong pơlê Vĩnh Long tối; Xiâm kối khoh chiâng ai kâ kơluâ, kâ kơhveăm xua tơdroăng Luât hbrâ mơdât kâ kơluâ, kâ kơhveăm pơkâ tá hâi teăm nhên.

Maluâ tung mê hiăng ai chêh tối rơhí rơhó, [ă mâu ngế ki ai tơmeăm athế chêh tối dêi tơmeăm, pêi lo liăn ngân to lâi rêm khế, kal athế châ chêh tối nhên ahdrối vâ ăm kuăn pơlê rah xo pro kăn, rêm hơnăm xuân athế chêh tối dêi liăn ngân, tơmeăm khoăng ki vâi pêi cheăng a kơ koan, đông lêng, khu pơkuâ ngăn, la păng ‘nâng tơdroăng pêi pro kố xiâm bu pro to a ngâ tê. Xua mê, kal athế re\ng ‘mâi hơ’lêh Luât hbrâ tơplâ mơdât kâ kơluâ ki dế rak vế dế kố:

‘’Á hlo tơdroăng chêh tối tung hlá mơ-éa xuân ôh tá nhên [ă xuân ôh tá ai pơkâ vâ séa mơnhên ngăn ‘na tơdroăng chêh tối mê. Chêh tối mê kal athế ing tơná vâi ki ai dêi kế tơmeăm, la kơ koan pơkuâ vâi bu ‘nâi tê, ôh tá ai lăm séa ngăn mơnhên, pơchông ngăn, [ă ki rơhêng vâ tối ôh tá ai pơkâ nhên vâ ‘nâi pin pro mơnhên, xúa hlá mơ-éa chêh tối mê vâ pêi pro hnoăng hbrâ mơdât kâ kơluâ, kâ kơhveăm’’.

A hneăng hôp kố, Kuo#k ho#i xuân hiăng pơkâ kô mơdoh ton châ 6 hâi tơdế vâ séa ngăn, tơpui tơno [ă pơkâ mâu tơdroăng, môi tiah mâu tơdroăng tối tơbleăng dêi Chin phuh ‘na séa mơnhên ki tơ-[rê tung mơnhông mơdêk pêi cheăng kâ, rêh ối pơlê pơla [ă ‘na kơxo# liăn dêi tơnêi têa hơnăm 2016; ‘na tơdroăng ki pêi pro tiô pơkâ tung mơnhông mơdêk pêi cheăng kâ, rêh ối pơlê pơla [ă kơxo# liăn ngân tơnêi têa tung mâu khế apoăng hơnăm 2017; k^ pơkâ ‘na hlá mơ-éa chêh mơ’no liăn ngân dêi tơnêi têa hơnăm 2015; tơdroăng ki xing xoăng ki xiâm tung chêl thiăn, bruô kum [ă kuăn pơlê ki lăm pro pơlê nếo chiâng tơdroăng tơkêa bro vâ mơjiâng tơraih tơ-[ai Long Thành.

Ki rơhêng vâ ‘nâi ple\ng troh tơdroăng tối tơbleăng dêi Kuo#k ho#i séa mơnhên ngăn ‘na rak vế, pêi pro tiô troăng hơlâ, luât xiâm ‘na rak vế tơniăn kế kâ roh má mơ’nui hơnăm 2011-2016, pôa Đôn Tuấn Phong, kăn Kuo#k ho#i kong pơlê An Giang tối ăm ‘nâi:

‘’{ă tơdroăng rak krúa le\m kế kâ, kố cho tơdroăng pêi pro ton la ngiâ, kuăn pơlê bố bố xuân rơhêng vâ châ rôe kâ mâu kế kâ ki krúa le\m, tơniăn. Á ‘nâi roh kố, Kuo#k ho#i ai tối tơbleăng ‘na tơdroăng tối tơbleăng ‘na séa ngăn xiâm ‘na rak vế krúa le\m kế kâ pơla sap hơnăm 2011 troh hơnăm 2016, pói tơngah kô ai hên tơdroăng ki nếo ai vâ tối tơbleăng ăm kuăn pơlê’’.

Klêi kơ’nâi trâm mâ, tơpui tơno [ă kuăn pơlê, mâu kăn Kuo#k ho#i xuân tối ăm ‘nâi: Kuăn pơlê kal vâ ‘nâi ple\ng hên ‘na tơdroăng rêh ối [ă ‘na pêi chiâk deăng. Xua dế kố, mâu hngêi kơmăi mơ’no hên ngôi, têa, trếo ki ‘mêi tơdjâk chiâng ‘mêi hên troh tơdroăng pêi chiâk pêi deăng.

Tơdroăng ki ‘’Khu ‘mêi tong chiâ xo prêi’’ xuân hiăng hlo ai hên h^n, ôh tá bê xâu khu kăn pơkuâ mơdât. Pak^ng mê, tơdroăng ai hơnăm ki ‘nâ kuăn pơlê pêi lo dêi hên kế tơmeăm la tê ôh tá kơnâ yă, drêng kế tơmeăm chía to kơnâ yă la hơnăm ki mê pêi kâ ti rơhéa, tơdroăng ki kố xuân pơtối ối ai đi đo, ki nếo achê pơla kố, yă tê hơ’nêh chu tung tơnêi têa hiăng chu rơpâ pá kâi tối, pro lu\p hên ăm kuăn pơlê ki păn chu. Pôa Ngô Sách Thực, kăn Kuo#k ho#i kong pơlê Bắc Giang tối tiô dêi tơná tơmiât:

‘’Tơdroăng hơ’muăn ‘’Pêi lo kế tơmeăm la ôh tá kơnâ yă’’, ki xiâm ga, rơkong tơpui tối dêi kuăn pơlê cho ‘lo khât ‘nâng, la ngin hlo ki păng ‘nâng dế kố kal athê hơ’lêh nếo, kal athế mơdêk i rơdêi tâ, trâu tâ ‘na túa hơ’lêh tung pêi chiâk deăng, păn mơnăn mơnôa.

Kố cho tơdroăng tâng pin xuân ối rak túa cheăng kâ tiô dêi rơpo\ng hngêi môi tiah dế kố, tơdroăng ki pá puât mê ti xê to [ă khu chu, mê ối tơdjâk troh hên kế tơmeăm ki ê nếo. Xua ti mê, kal athế rah hdró túa cheăng [ă kal hơ’lêh túa pêt păn tơmeăm khoăng, tơdrêng amê, Chin phuh, Khu kăn xiâm ngăn ‘na tê mơdró, Khu kăn xiâm ngăn ‘na chiâk deăng [ă mơnhông mơdêk thôn pơlê kal athế k^ tơkêa tơru\m cheăng [ă mâu tíu ki tê rôe vâ pin ai khu ki tơ’lêi tung tơru\m cheăng kâ, tê mơdró’’.

Mâu tơdroăng ki nếo ai, mâu tơdroăng ki ai tơdjâk troh tơdroăng rêh kâ ối dêi kuăn pơlê kal châ khu kăn séa ngăn mơnhên [ă pơtroh ăm a hneăng hôp kân dêi Kuo#k ho#i.

Pói tơngah mâu kăn Kuo#k ho#i kô pơtối mơnhông dêi hnoăng cheăng tơná a ngiâ kuăn pơlê, veăng kum pro ăm kơ koan teăng mê cho tíu ki kuăn pơlê păng ‘nâng châ loi tơngah [ă vâ kuăn châ pơtroh dêi hiâm mơno ki hiăng pói vâ pâ thế.

Tíu xiâm chêh tối tơdroăng nếo ai

Nhat Lisa tơplôu [ă tơbleăng