VOV4.Sêdang - Khu pơkuâ ngăn ‘na pơkeăng [ă khăm pơlât kong pơlê Kon Tum hiăng hlo ai 3 ngế dương tính pơreăng êi rơtốu krôk. Tung mê hiăng ai môi ngế prêi, lo ing hngêi pơkeăng ối a thôn 3, cheăm Tân Lập, tơring Kon Praih. Kố cho tơring ki hlo ai tâ tú pơreăng kố ki apoăng. Tiah mê, sap apoăng hơnăm troh nôkố, kong pơlê Kon Tum hiăng ai 5 tung 10 tơring, pơlê kong kơdrâm ki hiăng ai mơngế tâ tú pơreăng êi rơtốu krôk.

Mơnhên ngăn ivá châ chăn dêi kuăn pơlê a tơring Kon Praih (Kon Tum)

Tiô khu ngăn ‘na pơkeăng [ă khăm pơlât kong pơlê Kon Tum tối, lâp kong pơlê dế kố ai 23 ngế ki dế dương tính [ă pơreăng êi rơtốu krôk. Dế nôkố, ai 5 tíu ki tâ pơreăng ối tung 4 tơring, mê cho: Sa Thầy, Đăk Tô, Đăk Hà [ă Kon Praih. Krê a pơlê kong kơdrâm Kon Tum mâu khế achê pơla kố ôh tá hlo ai ngế ki nếo tâ. Tơdrêng [ă tơdroăng ki ăm ối klâ krê, khăm pơlât kơhnâ krâu ăm mâu ngế ki tro dương tính pơreăng êi rơtốu krôk, kơvâ ngăn ‘na pơkeăng kong pơlê Kon Tum hiăng tơru\m cheăng [ă mâu tơring, pơlê kong kơdrâm pơtối hdró, klâ mâu kơpong ki tâ pơreăng vâ pơtối khăm pơlât, ôh tá ăm pơreăng châ tâ tú troh kơpong ki ê.

Nhat Lisa tơplôu [ă tơbleăng