VOV4.Sêdang - Ô vâi krâ nho\ng o [a\ pú hmâ! Pơtối tơbleăng tối ‘na tơdroăng ki xiâm tung Luât on veăng [ă rơpo\ng hngêi hnăm 2014 hiăng châ Kuo#k ho#i hneăng má 13 tối tơbleăng a roh hôp má 7 hâi lơ 19 khế 6 hnăm 2014, hâi kố, ngin kô tơbleăng tối mâu tơdroăng pơkâ tung Luât on veăng [ă rơpo\ng hngêi hnăm 2014 ‘na tơlôi on veăng xua kơdrâi, kơnốu hlâ lơ tro hngêi tơleăng tối pơtâng hiăng hlâ. Pó vâi krâ nho\ng o kô tơmâng.

Tiu luât on veăng-rơpo\ng hngêi hơnăm 2014, tung pơla Hngêi tơleăng tối pơtâng kơdrâi lơ kơnốu hiăng hlâ mê rôh ki châ tối hiăng tâi tơdroăng ối dêi pó châ xêo ngăn sap ing hâi ki ai ngế kơdrâi lơ ngế kơnốu hiăng hlâ, hiăng châ chêh tối tung hlá mơ-éa, ai tơdroăng pơkâ dêi hngêi tơleăng.

Luât má 66 ai chêh tối nhên tơdroăng ki axoăng kế tơmeăm dêi prế on veăng tâng lơ ai môi ngế hlâ, lơ hngêi tơleăng hiăng pơtâng tối ai môi ngế hiăng hlâ, ga môi tiah tối a kơ’nâi kố:

-Drêng ngế kơdrâi, lơ kơnốu hlâ lơ Hngêi tơleăng hiăng pơtâng tối cho hiăng hlâ, mê peăng ngế ki ối rêh pơkuâ ngăn tơchuôm kế tơmeăm dêi on veăng, ôh ti tối, hdrối vâ hlâ, ngế ki hlâ mê hiăng axoăng, lơ pơcháu ăm ngế ki ê, lơ kế tơmeăm mê hiăng châ pơcháu ăm ngế ki ê rak ngăn, pơkuâ xêh.

-Drêng ai tơdroăng athế xing xoăng kế tơmeăm, mê tơmeăm tơchuôm dêi on veăng athế klâ xing xoăng pro péa, ôh ti tối tơdroăng ki prế on veăng hiăng tơnăng xing xoăng dêi pó tiu túa ki ê rôh hdrối nah. Kế tơmeăm ki xing xoăng ăm peăng ngế ki hlâ, lơ Hngêi tơleăng hiăng pơtâng tối ai ngế ki hlâ mê athế xing xoăng tro tiu luât hiăng pơkâ ‘na pơcháu kế tơmeăm mê ăm mơngế ki ê.

-Tung pơla tơdroăng ki xing xoăng kế tơmeăm ai tơdjâk chiâng ‘mêi trôh tơdroăng rêh kâ ối dêi on veăng dế prế ối rêh, lơ peăng nôu pâ, mê peăng ngế ki ối rêh chiâng phêp, ai hnoăng thế Hngêi tơleăng ôh tá xing xoăng kế tơmeăm tro tiu luât hiăng pơkâ.

‘Na tơdjâk troh mơngế nho\ng o tung rơpo\ng, drêng ngế kơdrâi, lơ ngế kơnốu hiăng châ tối pơtâng hiăng hlâ la ối châ vêh, Luât má 67 dêi Luât on veăng, rơpo\ng hngêi ai pơkâ nhên:

-Drêng Hngêi tơleăng hiăng pơkâ tah lôi rơkong tối pơtâng môi ngế hiăng hlâ, lơ peăng ngế kơdrâi, lơ kơnốu dêi ngế ki mê tá hâi pơko\ng [ă vâi ki ê mê kô châ tối tơdroăng ối dêi pó mê tro tiu luât, xêo sap ing hâi ki prế pơko\ng, châi ối dêi pó. Tâng lơ ai pơkâ ăm tơlôi dêi Hngêi tơleăng mê tơdroăng pơkâ ăm tơlôi óng mế xun ối xêt tro tiu luât. Tâng tung pơla peăng ngế kơdrâi, lơ peăng ngế kơnốu dêi ngế ki mê hiăng pơko\ng [ă ngế ki ê, mê tơdroăng ki châ tối mơnhên prế ối [ă dêi pó xun ối xêt klêi kơ’nâi luât hiăng mơnhên.

-‘Na tơmeăm khoăng dêi ngế ki châ tối pơtâng hiăng hlâ la châ khât ga ối rêh hiăng prếo ngi hngêi [ă dêi kơdrâi, lơ kơnốu châ tơleăng tiah tối a kơ’nâi kố:

+Tung pơla pơko\ng dêi pó châ mơnhên tối prế ối [ă dêi pó on veăng, mê kế tơmeăm châ tối cho tơmeăm ki tơchuôm ki prế, xêo sap ing hâi ki Hngêi tơleăng pơtâng tối tah lôi tơdroăng ki tơbleăng khe#n ngế kơnốu, lơ ngế kơdrâi hiăng hlâ, ki châ khât ngế ki mê ối rêh. Kế tơmeăm xua kơdrâi, lơ ngế kơnốu ki ai mê, xêo sap ing hâi ki ai pơkâ dêi Hngêi tơleăng tối tơbleăng ngế kơnốu, ngế kơdrâi hiăng hlâ, hlá mơ-éa ki mê hiăng xêt khât, tá troh a hâi ki pơtâng tối tah lôi rôh pơtâng tối ki hdrối, tối kơdrâi, kơnốu hiăng hlâ cho kế tơmeăm dêi ngế ki mê;

+Tung pơla tơdroăng rêh ối tung on veăng ôh ti châ mơnhên tối, mê tơmeăm ki ai hdrối vâ pơkâ dêi Hngêi tơleăng ‘na tối pơtâng kơdrâi, kơnốu hiăng hlâ ki hiăng xêt khât la tá hâi teăm châ tơleăng mơnhên môi tiah xing xoăng kế tơmeăm klêi kơ’nâi tơlôi óng mế.

Nhat Lisa tơplôu