VOV4.Sêdang - Môi tiah ngin hiăng tơbleăng tối tung mâu rôh tối ‘na Luât xiâm [ă rêh kâ ối hdrối mê hía nah, sap ing hâi lơ 1 khế 1 hơnăm 2016, Luât hlá kiêm tra kuăn pơlê hiăng pơxiâm xêt khât. Tiô luât ki kố, rêm ngế kuăn pơlê châ bro ăm 1 kơtâ hlá kiêm tra teăng ăm Chư\ng minh nhân dân.

Tiô Luât má 20, Luât Hlá kiêm tra kuăn pơlê, mê Hlá kiêm tra kuăn pơlê ga xêt tiah kơ’nâi kố:

1.Hlá kiêm tra kuăn pơlê cho hlá mơ-eá dêi rêm ngế kuăn pơlê Việt Nam ga cho xêt khât vâ mơnhên tối ‘na hlá kiêm tra dêi kuăn pơlê châ bro ăm theh vâ rêh ối-pêi cheăng a tơnêi têa Việt Nam.

2.Hlá kiêm tra kuăn pơlê châ xúa teăng ăm (vi-za) visa drêng Việt Nam [ă kong têa ê k^ tơkêa mâu hnoăng cheăng pêi pro, lơ pêi pro tiô tơdroăng tơhrâ dêi lâp plâi tơnêi, ăm phêp kuăn pơlê tung tơnêi têa k^ tơkêa xúa hlá kiêm tra kuăn pơlê teăng ăm visa xúa vâ rêh ối-pêi cheăng tung tơnêi têa dêi pó.

3.Kơ koan, khu pơkuâ cheăng, rêm ngế ki ai hnoăng chiâng phêp pâ thế kuăn pơlê mơhno dêi hlá kiêm tra vâ séa ngăn ‘na hlá kiêm tra [ă mâu tơdroăng pơkâ a Luât má 18 dêi Luât ki kố; châ mơnhên tối inâi, hâi khế kot mâ dêi ngế ki mê a hlá kiêm tra vâ séa mơnhên ‘na tơdroăng rêh ối dêi ngế ki châ bro ăm theh tung Kơxop hlá mơ-éa dêi tơnêi têa ‘na kuăn pơlê [ă mâu tơmeăm ki chêh tối mê tro tiô tơdroăng ki hiăng pơkâ tiô luât.

Drêng kuăn pơlê mơhno dêi hlá kiêm tra tiô tơdroăng pơkâ thế dêi kơ koan, khu pơkuâ cheăng, mâu ngế ki ai hnoăng cheăng, mê kơ koan, khu pơkuâ cheăng, mâu ngế ki ai hnoăng cheăng mê ôh tí chiâng pơkâ thế kuăn pơlê mơhno tơ’nôm dêi hlá mơ-éa ki ê, tiah mê, tơdroăng ki hiăng tối a troăng 1 [ă troăng 3 dêi Luât ki kố.

4.Tơnêi têa ai hnoăng cheăng kring vế, ki ai pơxúa păng ‘nâng ăm mâu ngế ki châ bro ăm hlá kiêm tra tiô pơkâ dêi Luât.

Phá tơ-ê [ă hlá chư\ng minh nhân dân tiah dế nốkố, ga xêt tung pơla 15 hơnăm, tơkéa vâ tối, drêng xúa hlá chư\ng minh ki mê châ 15 hơnăm athế hơ’lêh hlá ki ê nếo. La [ă hlá kiêm tra, tiô luât má 21, tung Luât mơjiâng hlá kiêm tra, mê hlá kiêm tra athế hơ’lêh drêng rêm rơxông mơngế hiăng châ 25 hơnăm, 40 hơnăm [ă kơtê 60 hơnăm. {ă mâu ngế ki vâ hơ’lêh dêi hlá kiêm tra tung pơla 2 hơnăm hdrối pơkâ, mê ga xuân ối xêt khât troh a hơnăm ki vâ hơ’lêh a hơnăm kơ’nâi ah nếo.

Tơkéa vâ tối, tâng châ bro, hơ’lêh hlá kiêm tra drêng hiăng châ 23 hơnăm lơ 24 hơnăm, mê ôh ti êa hơ’lêh hlá kiêm tra drêng hiăng châ 25 hơnăm tiah hiăng pơkâ, mê athế châ xúa hlá kiêm tra tung roh pơtối mê, drêng hiăng klăng 40 hơnăm; Xuân môi tiah mê, tâng bro, hơ’lêh hlá kiêm tra drêng châ 38 lơ 39 hơnăm mê kô châ xúa troh drêng châ 60 hơnăm.  Paro\ng mê, tâng ôh tá bro, hơ’lêh tung pơla 2 hơnăm, xuân athế hơ’lêh hlá kiêm tra tiô hơnăm ki hiăng pơkâ mê. Pơtih, ngế ki châ bro, hơ’lêh hlá kiêm tra drêng ga 20 hơnăm, mê ga bu chiâng xúa hlá kiêm tra mê tung pơla 5 hơnăm, troh drêng ga châ 25 hơnăm athế hơ’lêh hlá kiêm tra ki ê.

Xuân môi tiah drêng xúa hlá Chư\ng minh nhân dân, môi tung mâu tơdroăng, kuăn pơlê xuân chiâng pâ hơ’lêh lơ pro nếo hlá kiêm tra. Luât má 23 dêi Luât Hlá kiêm tra kuăn pơlê, châ hơ’lêh tiah tơdroăng tối a kơ’nâi kố:

a.Mâu ngế ki hiăng klăng 14 hơnăm, 25 hơnăm, 40 hơnăm [ă 60 hơnăm.

b.Hlá kiêm tra drêng hiăng tro tơchiê.

c.Ai hơ’lêh ‘na kơjôi, inâi; lơ chêh tối ‘na ngiâ méa phá tâ hdrối;

d.Mơnhên, chêh tối ‘na kơdrâi lơ kơnốu, pơlê xiâm;

đ.Chêh tối tro xôi mâu tơdroăng tung hlá kiêm tra;

e.Drêng kuăn pơlê kal vâ bro nếo.

2.Hlá kiêm tra kuăn pơlê châ bro nếo tung mâu tơdroăng tiah tối a kơ’nâi kố:

a.Tro hía hlá kiêm tra;

b.Châ prếo vêh dêi a tơnêi têa Việt Nam tro tiô pơkâ dêi Luât rêh ối dêi Việt Nam.

Tiô luât hlá kiêm tra kuăn pơlê hơnăm 2014, drêng kuăn pơlê vâ bro nếo, hơ’lêh hlá kiêm tra, tâng hiăng ai tu\m tơdroăng tiah hiăng tối, tơdroăng ki bro hlá kiêm tra kô tơ’lêi, xua tiô luât 26 dêi luât ki kố, kuăn pơlê chiâng lăm troh a kơ koan ki pơkuâ ‘na hlá kiêm tra kuăn pơlê dêi Khu xiâm pơkuâ ngăn Ko\ng an tơnêi têa, ko\ng an dêi kong pơlê, pơlê kong kơdrâm, ko\ng ăn tơring lơ cheăm, bêng, pơlê kân, kơ koan, khu pơkuâ cheăng.

Nhat Lisa tơplôu