VOV4.Sêdang - Kơxo lơ 8/5, Khu pơtâng tối tơdroăng kal dêi Tơnêi têa tơku\m po hneăng hôp tối tơbleăng dêi mâu ngế cheăng mâu khu pơkuâ ngăn Đảng kong pơlê, pơlê kong kơdrâm ối tung Tơnêi têa, khế 5 hơnăm 2019. Hneăng hôp tối tơbleăng ‘na 2 tơdroăng ki xiâm: cho mâu tơdroăng tung kơvâ cheăng hnê hriâm [ă hnê cheăng pêi nôkố, ki pơxúa dêi tơdroăng ton nah [ă rơkong hnê tối dêi pôa Hồ Chí Minh, Kăn xiâm hnê ngăn tơnêi têa pin hneăng apoăng, mâu tơdroăng ki xiâm klêi kơ’nâi 50 hơnăm pêi pro tiô rơkong hnê tối dêi pôa.

Tối tơbleăng ‘na mâu tơdroăng hnê hriâm, pôa Phùng Xuân Nhạ, Ngế xiâm ngăn ‘na hnê hriâm [ă hnê mơjiâng tơdroăng rơkê tối tơbleăng mâu tơdroăng ki xiâm dêi kơvâ cheăng kố tung pơla hdrối kố nah, tơdrêng amê hnối tối tơbleăng ‘na tơdroăng ki pơkâ tơleăng mâu tơdroăng ki pro xôi tung rôh tơ’noăng râ má pái phôh thong tơnêi têa hơnăm 2018.

Yăo sư Hoàng Chí Bảo, thái hnê râ ki xiâm dêi Học viện Chính trị quốc gia Hồ Chí Minh tối tơbleăng ‘na rôh ki ai mâ, tơdroăng ki xiâm [ă ki kơnía git dêi rơkong hnê pochân pôa Hồ Chí Minh.

Katarina Nga tơplôu [ă tơbleăng