VOV4.Sêdang - Klêi kơ’nâi pơtroh khu [ok thái pơkeăng troh hriâm tâp a Hngêi pơkeăng kân Chợ Rẫy ‘na kih thua#t túa rơkê tung pơlât u\m kliâm (TACE), hdrối kố nah, Hngêi pơkeăng kân kơpong Tây Nguyên hiăng xúa tơ-[rê kih thuât kố ăm mâu ngế ki u\m kliâm. Kố châ ngăn cho hvêa chêng prôk ki nếo kum mâu ngế ki u\m tung châ a kong pơlê Dak Lak tối krê [ă kơpong Tây Nguyên tối tơdjuôm châ xúa túa pơlât u\m tung châ rơxông nếo, tơ-[rê, tơniăn, tơdrêng amê hnối kum mâu ngế ki châi mê châ kơd^ng liăn ‘no hrê tung pơla pơlât.

Túa ki rơkê tơtro tung pơlât u\m kliâm cho kih thuât vâ hbrâ mơdât kế ki kum ăm mơheăm tơku\m ki ‘mêi tung kliâm tiô túa ki ‘măn kế tung troăng mơheăm kliâm ki pơtroh mơheăm ăm tíu ki mơheăm tơku\m (vâi khe\n cho tíu êi), klêi mê tâ túa pơlât ki nếo [ă trếo pơkeăng pro mơheăm ôh tá chiâng kơtâu a troăng ki pơtroh mơheăm ăm tíu êi, kế ki pro mơheăm ôh tá chiâng kơtâu châ hơ’leh [ă pơkeăng ki kơdê tế bào u\m tung châ. Trếo pơkeăng drêng châ pâk ‘mot tung tíu êi kô kơdê mâu tế bào u\m tung châ tiô 2 tơdroăng, mê cho: trếo pơkeăng châ tơku\m [ă tơdroăng ki hên châ pâk ‘mot tơdrêng tung tíu êi ki ôh ti xê prôk dêi mơheăm tung châ chăn mê ai tơdjâk troh lâp châ; trếo ki pro mơdât troăng mơheăm kô pro hbrâ mơdât troăng mơheăm troh păn roăng u, pro ăm tíu êi ôh tá ai mơheăm, hbrâ mơdât ki chiâng kân dêi tíu êi [ă pro ăm gá rế hía rế ku\n [ă ah kô tâi. Malối, túa pơlât kố ôh ti châi ăm ngế ki tro pơreăng.

Tối ‘na tơdroăng ki nếo xúa kih thuât túa rơkê tung pơlât u\m kliâm, [ok thái pơkeăng Chuyên khoa II Nguyễn Huỳnh Nhật Tuấn, kăn pho\ pơkuâ ngăn ‘na pơlât ‘na châ chăn, Hngêi pơkeăng Chợ Rẫy tối ăm ‘nâi:

‘’Ngế ki tâ pơreăng kố châ mơnhên cho u\m kliâm a tơdroăng ki kliâm, êi kliâm siêu vi B. Ngế ki kố hiăng luâ hâi khế pơkâ thế pâ pơlât mê châ pơkâ thế pơlât [ă kih thuât túa rơkê ‘na trếo pơkeăng pơlât u\m kliâm, inâi khe\n tiah hmâ cho kih thua#t TACE. Klêi kơ’nâi hiăng pro klêi ngế ki kố hiăng hlo tơniăn le\m, ôh ti hlo châ a klêa lơ mâu tơdroăng ki ê’’.

U|m kliâm cho túa pơreăng u\m hlo hên [ă Việt Nam dế ối tung khu kong têa ki ai kơxo# ngế tro pơreăng u\m kố hên má môi tung lâp plâi tơnêi. Nôkố, vâ pơlât u\m kliâm ai mâu túa pơkâ, mê cho: pâ tah môi iâ kliâm ki ai tiue êi ki ‘mêi. Túa pơkâ kố, châ rah xo tung mâu ngế ki ai tieu êi ku\n lơ krâ kơvâ, mơni kô chiâng vâ poê tah; Pơklêp kliâm; tah ki êi [ă sóng cao tần lơ vi sóng [ă túa pơlât rơkê tiô trếo pơkeăng nôkố dế châ xúa hên.

Tung pơlât u\m kliâm, hdrối nah, hngê pơkeăng kân kơpong Tây Nguyên bu pâ poê tah kliâm. Laga, hên tơdroăng ôh ti châ pơkâ thế poê tah mê athế pêi pro mâu túa pơlât ki ê mê athế pơtroh pơlât a hngêi pơkeăng râ kơpêng pro pá ăm ngế ki tâ pơreăng. Xua mê, vâ pêi pro châ tơdroăng ki rơhêng vâ pơlât dêi kuăn pơlê tung kong pơlê, kum kơdroh liăn ‘no pơlât ăm ngế ki tâ pơreăng, hngêi pơkeăng kân kơpong Tây Nguyên hiăng hriăn ngăn [ă pơkâ pơtroh [ok thái pơkeăng lăm hriâm, kho\m mơ-eăm djâ túa pơlât túa ki tơtro ‘na trếo pơkeăng tung pơlât u\m kliâm vêh xúa a kong pơlê. Klêi kơ’nâi 2 hơnăm hriâm tâp, pêi mơnúa ngăn a Hngêi pơkeăng Chợ Rẫy, Pơlê kong kân Hồ Chí Minh, troh nôkố, mâu [ok thái pơkeăng dêi hngêi pơkeăng kân kơpong Tây Nguyên hiăng tơdah xo tơdroăng ki hnê tối tơ-[rê ‘na kih thuât kố. {ok thái pơkeăng Võ Minh Thành, kăn pho\ pơkuâ hngêi pơkeăng kân kơpong Tây Nguyên tối ăm ‘nâi:

‘’Pak^ng tơdroăng ki pơlât tah tíu êi, hngêi pơkeăng kô pêi pro tơbleăng ‘na túa pơlât tiô túa ki tơtro rơkê ‘na trếo pơkeăng pơlât u\m kliâm. Kố cho môi kih thuât ki ai pơxúa khât. Tung 2 hơnăm hdrối nah, Hngêi pơkeăng hiăng pơtroh mâu [ok thái pơkeăng, mâu ngế ki cheăng ‘na pâk pơkeăng, mơngế ki khăm pơlât lăm troh hriâm a Hngêi pơkeăng Chợ Rẫy [ă pơxiâm sap ing hâi kố Hngêi pơkeăng Chợ Rẫy kô pơxiâm hnê ăm kih thuât kố kum mâu [ok thái pơkeăng dêi hngêi pơkeăng kân kơpong Tây Nguyên châ vâ pâ, pơlât xúa a kong pơlê. Tung pơla hnê tiô tối hdrối ai 2 khế, klêi mê mâu [ok thái pơkeăng hngêi pơkeăng kân kơpong Tây Nguyên chiâng vâ xúa ‘na tơdroăng pơlât kố a hngêi pơkeăng. Tiah mê, drêng tơbleăng kih thuât kố mê ngin ai hên túa pơkâ vâ pơlât u\m kliâm. {ă mâu ngế ki châ pơkâ thế, mâu ngế ki tâ pơreăng tơtro [ă túa pơlât ki lâi mê ngin kô xúa túa pơlât ki mê’’.

Ki khât gá a tơnêi têa pin, ki hên mâu ngế ki tâ pơreăng u\m tung châ tiô châ ‘nâi a hneăng ki hiăng râ drêng tíu êi hiăng kân, ôh tá chiâng vâ xúa mâu túa pơlât ki lâi xếo lơ pơlât ôh tá tơ-[rê. Drêng kố túa pơlât ki rơkê tơtro ‘na trếo pơkeăng cho môi túa pơlât tơ-[rê ăm mâu ngế ki tâ pơreăng. Tơdroăng ki xúa tơ-[rê kih thuât kố a Dak Lak ai pơxúa kân khât ăm mâu ngế ki tâ pơreăng drêng ki hên tơdroăng cheăng kâ dêi kuăn pơlê ối hên xơpá. Tơdroăng kố xuân pro ivá, vâ mâu hngêi pơkeăng pơtối hriăn ngăn, hriâm tâp mâu tơdroăng rơkê ple\ng dêi y học vâ rak ngăn pơlât ivá kuăn pơlê rế hía rế hên.

Katarina Nga tơplôu [ă tơbleăng