A mâu tíu ki tơpui tơno, trâm mâ, kuăn pơlê hiăng pâ thế Kuo#k ho#i kal ai troăng hơlâ ki rơdêi tâ tung mơdât tê mơdró mâu kế kâ ki ‘mêi, ôh tá krúa, rak tơniăn ‘na yă tê kế tơmeăm, tí tăng ngăn i nhên vâ mơdât tơdroăng tê rôe phon rơvât, pơkeăng xôh kơdê oâ, hdrong, pơreăng. Kuăn pơlê xuân tối, tung mâu hơnăm achê pơla kố, tơdroăng rêh ối, pêi chiâk deăng dêi kuăn pơlê hmâ trâm pá xua kong tô mơdrăng khăng khoăng, yă tê kế tơmeăm ôh tá kơnâ.

Drêng ai tơdroăng ki păng ‘nâng kố, pâ thế Kuo#k ho#i, Chin phuh kal athế to\ng kum hên tâ tung 3 tơdroăng pêi chiâk deăng, rêh ối thôn pơlê, tơdroăng cheăng kâ rêh ối kuăn pơlê pêi chiâk deăng tiô troăng hơlâ ki tơtro, châ tơ-[rê; tơku\m mơjiâng pro rơchôa, hno têa, tăng tíu ki rôe kế tơmeăm pêi lo ing chiâk deăng, ‘mâi hơ’lêh hdrê loăng pêt [ă kum ăm mung liăn ngân vâ pêi cheăng kâ. Pôa Rahlan Jep, Kăn pho\ hnê ngăn Ho#i đông cheăm Ia Chía, tơring Ia Grai, kong pơlê Gialai tối:

Gia Lai khu kăn Kuo#k ho#i trâm mâ kuăn pơlê cheăm tíu tơkăng kong Ia Chía

{ă mâu rơpo\ng kơtiê, mung liăn ing hngêi rak liăn kum ‘na cheăng kâ rêh ối dế kố ai 30 rơtuh liăn tung 3 hơnăm. Kơlo ăm mung kố ôh tá bê vâ ‘no pêi chiâk deăng, kuăn pơlê trâm pá ó khât. Xua ti mê, á pâ thế Kuo#k ho#i, Chin phuh kal mơnhên ngăn pro ti lâi ăm kuăn pơlê mung chía hên tâ, malối [ă mâu rơpo\ng kơtiê vâ tơniăn ăm tơdroăng ‘no liăn tung pêi chiâk pêi deăng, rak ngăn mâu hdrê loăng pêt, tơniăn tơdroăng rêh ối ăm kuăn pơlê.

Kuăn pơlê Tây Nguyên xuân pâ thế Tơnêi têa to\ng kum hên tâ nếo ‘na tơdroăng to\ng veăng ‘na kơvâ hnê hriâm ăm mâu hngêi trung a pơlê cheăm ối kơpong hơngế hơngo, ai troăng hơlâ pêi pro [ă tơdroăng khăm pơlât a mâu hngêi pơkeăng cheăm. ‘Na mâu tơdroăng ki hmâ hlo a pơlê cheăm, kuăn pơlê tối ăm ‘nâi, troăng hơlâ kơdroh kơklêa-xăm kơtiê tá hâi châ pêi pro tơ-[rê khât. Tơdroăng mơjiâng thôn pơlê rêh ối-pêi cheăng kâ tiô túa nếo pêi pro ối hrá.

Mâu tơmeăm ki ‘măn mơ’no têa krúa xuân tá hâi dâi, pro mơhrê liăn ngân [ă pro kuăn pơlê tô tuăn hên ‘nâng. Pôa Nguyễn Quang Phụ, cheăm Ea Na, tơring Krông Ana, kong pơlê Daklak pâ thế:

Trâm mâ kuăn pơlê a kong pơlê Dak Lak

Nôkố mâu tơmeăm khoăng ki kum ăm kuăn pơlê, môi tiah mâu tơmeăm khoăng ki ‘măn mơ’no têa krúa ahdrối vâ mơjiâng pro ki ‘ló ga kal athế tối ăm kuăn pơlê i ‘nâi, kuăn pơlê tơno, kuăn pơlê veăng pro, kuăn pơlê veăng rak ngăn, ai tiah mê ‘nôi nếo châ tơ-[rê. Mâu tơmeăm ki mơjiâng pro hdrối nah ôh tá dâi ki klâi pro kuăn pơlê chiâng tô tuăn păng ‘nâng. Xua ti mê, pâ thế khu kăn pơkuâ kal athế lăm pôu ngăn a pơlê cheăm, ‘nâi ple\ng tơdroăng rêh kâ ối, tuăn tơmiât, hiâm mơno pói vâ dêi kuăn pơlê vâ tu\m tơdroăng mê châ pêi pro ai pơxúa păng ‘nâng ăm kuăn pơlê.

Kuăn pơlê xuân pói rơhêng vâ Kuo#k ho#i ai mâu troăng hơlâ châ tơ-[rê ‘na mâu tơdroăng ki u ối tá hâi teăm rơhéa, malối tung kơvâ hnê hriâm, môi tiah: tơdroăng hnê [ă hriâm tơ’nôm dêi hok tro, hlo ai hên h^n tơdroăng hnê hriâm la ôh tá hlo châ tơ-[rê klâi; mâu tơdroăng ki tá hâi tơ-[rê tung rah xo mơngế cheăng ăm tơnêi têa. Pôa Hồ Quang Hiển, tôh 5, pơlê kân Dak Mâm, tơring Krông Nô, kong pơlê Daknông pâ thế:

Khu kăn Kuo#k ho#i kong pơlê Daknông trâm mâ kuăn pơlê tơring Krông Nô, kong pơlê Daknông

Á pâ thế kal mơjiâng tơdroăng hnê hriâm tro tơdroăng, tơxâng ăm tơdroăng ki mơnhông mơdêk tung hnê hriâm. Á tơmiât, kơvâ hnê mơjiâng ‘na hnê hriâm, nôkố tíu ki vâ xo mơngế thái cô ôh pá ai xếo, mê á tơmiât pôi tá hnê mơjiâng xếo kơvâ hnê hriâm. Tah lối râ ki hnê mơjiâng kao đăng [ă trung kâp, xua ga rơlối, ôh tá châ to\ng kum cheăng ki klâi, xua hnê mơjiâng hên tơdroăng pro thái pro xô mê ga mơhrê liăn ngân dêi tơnêi têa, xuân mơhrê liăn ngân, tơmeăm khoăng dêi sinh viên, lo ing hngêi trung ah ôh tá châ pêi cheăng, pro chiâng ai tơdroăng ki ôh tá tơniăn tung pơlê pơla, tơdroăng kố kal athế hriăn ple\ng i nhên.

Kuăn pơlê xuân ối pâ thế mâu kăn Kuo#k ho#i tơmâng, to\ng kum rak tơniăn ăm tơdroăng ki pơkuâ ngăn mâu tơmeăm khoăng, pôi tá ăm rơchôa, long têa hngêi kơmăi on tơhrik rơlêa, lân lu troh a mâu chiâk deăng, hngêi trăng dêi kuăn pơlê. Mâu kăn Kuo#k ho#i xuân thăm séa mơnhên ngăn nhên tơdroăng ki châ tơ-[rê lơ ôh tá tơ-[rê, tơdroăng ki ‘no liăn kum mơnhông rêh ối cheăng kâ ăm pơlê pơla hơngế hơngo, pơlê cheăm dêi hdroâng kuăn ngo; thăm mơnhông hên tâ nếo hnoăng cheăng hbrâ tơplâ mơdât kâ kơluâ, kâ kơhveăm liăn ngân, tơleăng mơnhên mâu tơdroăng ki pơsăm phoăng hên ngế, po rơdâ kơxo# liăn ăm mung pêi cheăng kâ a kơpong thôn pơlê, thăm mơnhông tơdroăng ki pơcháu hlá ph^u rak xua tơnêi. Pôa Trần Văn Minh, ối a cheăm Phi Liêng, tơring Dam Rông, kong pơlê Lâm Đồng tối:

Sap ing hơnăm 2013 troh nốkố, tơdroăng hbru ăm hlá ph^u rak xúa tơnêi dêi vâi krâ-nho\ng o xuân tá hâi châ to\ng kum ngăn khât. Tung pơla mê, vâ ai liăn ‘no mơjiâng mơdêk pêi chiâk pêi deăng mê athế ai hlá ph^u rak xúa tơnêi vâ kok liăn ing hngêi rak liăn, to\ng kum ăm kuăn pơlê châ mung liăn, xua mê, hiâm mơno dêi kuăn pơlê a kơpong hơngế hơngo pói rơhêng vâ Kuo#k ho#i, Chin phuh thăm athế to\ng kum hên tâ [ă re\ng pro, hbru hlá ph^u rak xua tơnêi ăm kuăn pơlê.

Khu kăn Kuo#k ho#i dêi mâu kong pơlê hiăng tơmâng xo, ‘nâi nhên, tơdroăng pâ thế tơdrăng dêi mâu kuăn pơlê [ă tối ăm ‘nâi, kô pơtroh mâu rơkong tơpui tối dêi kuăn pơlê troh a mâu khu kăn xiâm tơnêi têa mơnhên ngăn vâ ai troăng hơlâ to\ng kum.

Nhat Lisa tơplôu [ă tơbleăng