VOV4.Sêdang - Ho#i đồng hnê ngăn kal athế hơ’lêh túa pơkâ pêi pro ‘na luât, tơtro\ng troh tơdroăng ki tối tơbleăng, hnê hriâm luât, rah xo tơdroăng vâ séa ngăn ăm tro, ‘ló, tơtro\ng troh tơdroăng séa ngăn, mâu kơ koan tho\ng ta#n chêh hlá tơbeăng re#ng tối tơbleăng ‘na rơkong tơpui tối pâ thế dêi kuăn pơlê ‘na mâu tơdroăng pêi pro dêi Ho#i đồng hnê ngăn vâ po ăm rôh ki mơjiâng, pơkâ mâu troăng hơlâ tơtro [ă ki ai khât, mê cho mâu tơdroăng ki hnê mơhno dêi jâ Nguyễn Thị Kim Ngân, kăn xiâm hnê ngăn Kuo#k ho#i a hneăng hôp tiah hmâ Ho#i đồng hnê ngăn mâu kong pơlê, pơlê kong kân kơpong tơbăng kroăng Hồng [ă kơpong a hbêa ngo Bắc Bộ rôh má môi, hơnăm 2016-2021, tơku\m po a kong pơlê Nam Định tung pơla hdrối kố nah. Lê Tuyết, ngế chêh hlá tơbeăng ai chêh tối ‘na tơdroăng mê.  

            {ă tơdroăng pơxá ‘’Túa ki vâ pêi pro le\m tro hnoăng cheăng, túa cheăng dêi Ho#i đông hnê ngăn râ kong pơlê tiô Luât tơkuăm mơjiâng khu kăn pơkuâ [ă Luât séa ngăn cheăng pêi dêi Kuo#k ho#i [ă Ho#i đông hnê ngăn hơnăm 2015’’, 5 tơdroăng ki hiăng châ mâu kăn tơpui tơno hên. Tung mê, ai tá tơdroăng ki tơpui tơno hnê tối ‘na mâu tơdroăng ki hiăng rơkê ple\ng [ă ai troăng hơlâ mơnhông mơdêk ki châ tơ-[rê tung hnoăng cheăng êng tiâ a hneăng hôp, roh hôp dêi Kăn ki cheăng xiâm dêi Ho#i đông hnê ngăn; ki rơkê ple\ng tung mơjiâng [ă pơkâ pêi pro tơdroăng ki séa mơnhên ngăn cheăng ki kal xiâm [ă hía hế.

Mâu kăn tối ăm ‘nâi, tung mâu roh hôp Ho#i đông hnê ngăn, roh ki êng mơnhên [ă tiâ mơnhên cho roh hôp ki kal. Tung tơdroăng cheăng păng ‘nâng, roh ki êng tiâ a hneăng hôp dêi Ho#i đông hnê ngăn xuân ối ai mâu tơdroăng ki tá hâi teăm kâi châ pêi pro rơdêi, môi tiah mâu kăn cheăng tung Ho#i đông tá hâi teăm kơhnâ khât, tá hâi pêi pro tiô tơdroăng ki tơná hiăng rơkê ple\ng, mâu rơkong tơpui pơrá cho tơdroăng ki hiăng chêh chôu hdrối, xua mê, khoh ôh tá ai tơdroăng ki nếo; tơdroăng tí tăng mơnhên ngăn, hnê mơhnhôk mâu kơ koan ki ai tơdjâk tung rak vế, pêi pro tá hâi teăm trâu hơngế, tá hâi tơku\m pêi pro tiô tơdroăng ki êng mơnhên dêi kuăn pơlê, hnoăng cheăng dêi Ho#i đông hnê ngăn tá hâi pro kơtăng khât. Mâu kăn tá hâi teăm mơdoh chôu phut ki tơxâng ăm tơdroăng séa ngăn, roh tơpui tơno tá hâi teăm trâu hơngế, tá hâi teăm tơku\m tơpui tối mâu tơdroăng ki tơtro [ă tơdroăng ki nếo ai, tơdroăng ki ối tô tuăn, ối kal vâ châ mơnhên. Xuân u ối hên khu ngế ki hbrâ ví, preăng vâ tiâ mơnhên drêng kuăn pơlê êng, lơ tá hâi teăm tiâ tối i nhên mâu tơdroăng ki kuăn pơlê hiăng êng.

               Pak^ng mê, tơdroăng ki tiâ, tơleăng mơnhên mâu hlá đơn, kơthô dế nôkố ki hên bu pơtroh ăm mâu kơ koan ki xiâm cheăng vâ tiâ mơnhên; tơdroăng ki peăng Ho#i đông hnê ngăn kong pơlê ai chêh hlá mơ-éa ăm mâu kơ koan vâ séa ngăn ôh tá ‘nhó hên, tiâ mơnhên xuân ôh tá rơdâ trâu. Troăng hơlâ, tơdroăng pêi pro dêi Ho#i đông hnê ngăn xuân pêi tá hâi teăm tơtro [ă hía hế.

{ă mâu tơdroăng ki tá hâi teăm klêi tơniăn tiah mê, mâu kăn xuân hiăng mơ’no troăng hơlâ vâ ‘mâi rơnêu. Mê cho thăm mơnhông hnoăng cheăng ki êng tiâ; thăm hơ’lêh nếo túa pêi cheăng, ki xiâm dêi tơdroăng cheăng, tơdroăng hnê, hriâm ăm mâu kăn; tơkuăm po mâu lâm ki hnê tối tiô tơdroăng ki kal xiâm, tơkuăm po mâu roh tơpui tơno, po rôh hôp vâ ‘mâi rơnêu túa cheăng; re\ng mơ’no hlámơ-éa ‘na hnoăng cheăng dêi Ho#i đông hnê ngăn rêm râ tơtro [ă Luât mơjiâng Khu kăn pơkuâ hơnăm 2015, Luât pêi cheăng séa mơnhên ngăn dêi Kuo#k ho#i [ă Ho#i đông hnê ngăn [ă hía hế.

          Xông tơpui a roh hôp mê, jâ Nguyễn Thị Kim Ngân, Kăn xiâm hnê ngăn Kuo#k ho#i tối ăm ‘nâi, ai hên [ai pơchuât dêi mâu kăn ki hiăng pơchuât a Hneăng hôp mê, hiăng tối hên mâu tơdroăng ki ai păng ‘nâng dêi kơvâ cheăng, [ă xuân ối cho mâu tơdroăng ki vâ hriâm [ối [ă tơdroăng ki tơtro [ă mâu kong pơlê, pơlê kong kân, vâ ga hnoăng cheăng dêi Ho#i đông hnê ngăn thăm rế tơtro [ă ai pơxúa tâ tung la ngiâ.

Vâ pêi pro le\m tro hnoăng cheăng, tơtro [ă túa cheăng dêi Ho#i đông hnê ngăn tiô Kơxop mơ-éa luât [ă Luât xiâm tơnêi têa, tơtro [ă hiâm mơno pói vâ dêi kuăn pơlê [ă Ho#i đông hnê ngăn rêm râ, Kăn xiâm hnê ngăn Kuo#k ho#i hiăng pâ thế mâu kăn kal athế séa ngăn i nhên, i krá tâ vâ rêm tơdroăng luât pơrá châ Kuo#k ho#i tối tơbeăng ga tơtro [ă tơdroăng rêh ối, pêi cheăng dêi kuăn pơlê. Ho#i đông hnê ngăn kuăn pơlê, kăn hmâ cheăng xiâm dêi Ho#i đông hnê ngăn kal athế pêi pro i krâu khât tâ nếo tung túa cheăng, túa pêi pro tơtro tiô Luât, kal athế hơ’lêh hên túa ki rak vế, pêi pro tiô luât ăm i tơ-[rê, klêi mê, xuân athế hnê tối hên ‘na luât, vâ rêm ngế kuăn pơlê hlê ple\ng nhên [ă rak vế tro tiô kơxop mơ-éa, Luât xiâm tơnêi têa: Séa ngăn Luât cheăng dêi Kuo#k ho#i [ă Ho#i đông hnê ngăn ki nếo mơ’no, tơkuăm mơnhông mơdêk ki dâi khât [ă ai pơxúa tung tơdroăng cheăng séa mơnhên ngăn dêi Ho#i đông hnê ngăn, Kăn xiâm ngăn ‘na tơdroăng cheăng Ho#i đông hnê ngăn; mơnhên tối, séa ngăn dêi mâu khu râ, mâu khu tơkuăm cheăng dêi Ho#i đông hnê ngăn. ‘Mâi hơ’lêh túa séa ngăn vâ rak tơniăn ăm tơdroăng tí tăng ngăn mê tơtro, ai pơxúa, tơ’ló [ă hnoăng cheăng rêm hâi. Pin ai hên túa cheăng ki ‘ló dêi Ho#i đông hnê ngăn pơlê kong kân Hà Nôi, pơlê kong kân Hồ Chí Minh, Đà Nẵng kal athế ai hneăng hôp, tơpui tơno vâ hriâm [ối dêi pó drăng ki rơkê ‘ló. Hnoăng cheăng dêi kuăn pơlê pơrá châ chiâng tơpui tối tu\m mâu hnoăng cheăng dêi Kuo#k ho#i. Séa mơnhên ngăn [ă tiâ tối cho mâu tơdroăng ki kuăn pơlê dế kố kal vâ ‘nâi ple\ng.

          Kăn xiâm hnê ngăn Kuo#k ho#i xuân tối rơdêi, Ho#i đông hnê ngăn mâu kong pơlê, pơlê kong kân kal athế rah xo mâu hnoăng ki tơtro vâ séa ngăn ăm i ‘ló khât, nhên khât, hơ’lêh nếo túa cheăng [ă êng tiâ ăm ga tơtro [ă tơdroăng cheăng pêi drêm hâi, kal thăm mơnhông hnoăng cheăng dêi mâu kơ koan tung tiâ mơnhên, tí tăng mơnhên klêi kơ’nâi pêi pro vâ tơtro tiô tơdroăng hiăng mơ’no tối dêi Ho#i đông hnê ngăn tung pêi pro hnoăng cheăng tơná: Rơkong tơhrâ ôh tá chiâng hmếu pơ ăm ga hía lôi, rơkong tơkêa tung hneăng hôp kố athế tối tơbleăng a hneăng hôp kơ’nâi ah nếo, hiăng chiâng pêi pro troh dâng lâi, tâng ôh tá chiâng tiâ tối tung hlá mơ-éa , xua tá hâi teăm chiâng pêi pro, mê athế tiâ mơnhên hlối tung hneăng hôp, tiah lâi ôh tá hâi teăm chiâng pêi pro. Á tơmiât ki kố kal rơtế dêi pó tơche\ng i nhên vâ pro ti lâi ăm tơdroăng cheăng pin cho kơ koan ki ai hnoăng cheăng kân a kong pơlê tơná.

Kăn xiâm hnê ngăn Kuo#k ho#i ối pơchân tối, kal thăm hnê tối, tơbâ khe\n i hên tung hlá tơbeăng, um tivi, rơ’jíu vâ pro tíu ki tơdjêp pơla khu kăn pơkuâ [ă kuăn pơlê. Athế tối tơbleăng tơdroăng nếo ai ăm lâp lu, kân rơdâ ‘na hnoăng cheăng dêi Ho#i đông hnê ngăn, ki rơhêng vâ tối cho tơdroăng pơkâ mâu tơdroăng cheăng ki kal dêi kong pơlê, pơlê kong kân, tung hnoăng cheăng séa ngăn, tiâ mơnhên mâu rơkong êng dêi kuăn pơlê, tơdroăng pâ thế dêi kuăn pơlê. Pâ thế mâu kơ koan chêh hlá tơbeăng re\ng chêh tối rơkong kơ-êng dêi kuăn pơlê ‘na hnoăng cheăng dêi Ho#i đông hnê ngăn, mâu kăn Ho#i đông hnê ngăn, vâ ing mê, mơjiâng roh hôp ki kân rơdâ vâ ăm tung tơdroăng mơjiâng, mơ’no mâu troăng hơlâ ki châ tơ-[rê, tơtro [ă tơdroăng cheăng ki ai păng ‘nâng.

Nhat Lisa tơplôu [ă tơbleăng