Hlá mơ-éa ki ‘mâi rơnêu, hơ’lêh, mơjiâng pro tơ’nôm mâu tơdroăng dêi Luât ki rah xo hok tro mot hriâm đăi hok kơvâ chính quy; rah xo hok tro kao đẳng kơvâ hnê mơjiâng thái cô kơlo chính quy xua Khu xiâm hnê hriâm [ă Hnê mơjiâng tơdroăng rơkê nếo châ tối tơbleăng hơ’lêh mâu tơdroăng ki ai tơdjâk troh kơdroh điêm kơjo a kơpong, hơ’lêh túa ki pro điêm tro klăng, mơdêk ki tơ’ló vâ mot a kơvâ sư phạm [ă hên mâu tơdroăng ki ê châ mơnhên tối cho kal khât hnối tơtro [ă ki păng ’nâng tiô tơdroăng ki séa ngăn dế nôkố.

Xua ga, mâu tơdroăng pơkâ mê hiăng pro hên tơdroăng ki khéa kho ăm tá mâu hok tro [ă nôu pâ tung rơnó tơ’noăng điêm mot đăi hok hơnăm 2017. Pôa Trần Khắc Thạc, Kăn pho\ {ơrô Hnê mơjiâng, Hngêi trung Đăi hok Thủy lợi tối ăm’nâi, tơdroăng pơkâ kơdroh điêm kơjo tiô kơpong chu ối 0,25 điêm hơ’lêh lôi 0,5 điêm môi tiah Pơkâ a hơnăm 2017 kô pro chiâng tơdâng tơ’mô tâ ăm hok tro drêng séa ngăn điêm [ă mâu hngêi trung xuân châ rah xo mâu hok tro ki rơkê tâ:

‘’{ă tơdroăng ki hơ’lêh điêm kơjo tiô kơpong, á hlo xuân tơtro. Xua ga, nôkố tơdroăng rêh kâ ối pơla mâu kơpong tung tơnêi têa xuân hiăng vâ a chê dêi pó, mê tơdroăng ki kơjo điêm chu ối 0,25 điêm cho tơtro [ă tơdroăng ki păng ’nâng. Hơnăm kố, Khu xiâm ngăn ‘na hnê hriâm xuân ối rak vế tung kơjo kum tro tiô rêm ngế hok tro, ki kố cho tro tiô troăng hơlâ, túa pơkâ dêi Tơnêi têa ga cho tơtro păng ‘nâng’’.

Pá môi tơdroăng pơkâ nếo ai tơdjâk troh điêm tơ’noăng xuân châ hơ’lêh roh kố mê cho tơdroăng ki pro điêm tơtro drêng riân tiô tâi tâng điêm ki séa ngăn vâ rah xo. Ki nhên ga, điêm ki châ séa ngăn vâ rah xo hok tro cho tâi tâng mâu điêm dêi mâu [ai tơ’noăng, môn tơ’noăng châ séa ngăn a kơlo 10 điêm kô chiâng pro tơdâng a 2 to kơxo#, tá xê pro tơ’mô tơdâng troh 0,25 điêm môi tiah pơkâ hâi kố. Tiah mê, điêm ki châ séa ngăn kô châ riân ngăn nhên khât tâng vâ pơchông ngặn [ă điêm ki châ ai khât [ă mâu hngêi trung đăi hok xuân ôh tá xê séa ngăn hên tơdroăng ki ê vâ rah xo hok tro mot đăi hok môi tiah hơnăm nah. Jâ Phạm Thu Hương, Kăn {ơrô Pơkuâ ngăn ‘na hnê mơjiâng tơdroăng rơkê, Hngêi trung Đăi hok Ngoại thương tối tiah kố:

‘’{ă tơdroăng ki hơ’lêh nếo mê, mâu hngêi trung xuân ôh tá mơ’no mâu tơdroăng pơkâ ki ê, mê kô séa ngăn điêm ki ai păng ‘nâng. Xua ga, tâng pro tơ’mô điêm mâu hok tro ki ôh tá châ plah tiô kơlo điêm ga hên tâ, drêng mê, mâu hngêi trung kal athế pơkâ mơ’no mâu tơdroăng ki ê nếo. Pơtih, Hngêi trung Ngoại  thương a  hơnăm nah mơ’no tơ’nôm tơdroăng ki ê vâ séa ngăn điêm, xuân ngăn điêm ki ai păng ’nâng dêi hok tro. Nôkố, ôh tá pro tơdâng điêm tiah mê. Á ngăn a mâu hngêi trung pro ti mê ga tơtro, ôh tá ai tơdroăng klâi’’.

Tung pơkâ rah xo hok tro hơnăm kố, Khu xiâm ngăn ‘na hnê hriâm [ă hnê mơjiâng tơdroăng rơkê tiô tối hdrối xuân ai mơnhên tối kơlo điêm ki vâ rah xo [ă kơvâ sư phạm [ă tah lôi điêm ki iâ má môi [ă mâu kơvâ hriâm ki ê. Mâu hngêi trung ôh tá rah xo kơvâ sư phạm ngăn tiô kơ tơdroăng ki tơ-[rê dêi hneăng tơ’noăng râ má pái phôh thong tơnêi têa, [ă kơlo đăi hok ki séa ngăn điêm mơgêi râ má pái phôh thong, athế séa ngăn ivá hriâm sap ing ing lâm 12 cho hriâm rơkê khât. {ă râ kao đăng, trung kâp mê athế rah xo hok tro ki ai điêm mơgêi râ má pái phôh thong ing điêm chía rơkê.

Tơdroăng ki hơ’lêh mê kô tơniăn ăm tơdroăng hnê mơjiâng mâu thái cô ki tơtro [ă tơdroăng ki hơ’lêh nếo tung hnê hriâm tiah chal nếo nôkố. Ai mâu tơdroăng pơkâ ki ê, môi tiah: mâu hngêi trung đăi hok xuân athế tối tơbleăng mâu tơdroăng ki nếo ai ‘na ai tu\m kế tơmeăm vâ hriâm, tung mê, ai tối tơbleăng ’na kơxo# sinh viên ai cheăng pêi tung tơdroăng tơkêa pêi ‘na rah xo, tâng ôh, kô ôh tá châ rah xo; mâu hngêi trung ki rah xo hok tro hên hdroh tung hơnăm xuân ôh tá tơdjâk klâi troh hnoăng cheăng dêi hok tro, xuân môi tiah tơdroăng ki séa mơnhên ngăn dêi mâu hngêi trung.

Maluâ ti mê, xuân ai mâu ngế ki tô tuăn tối, maluâ Khu xiâm ngăn ‘na hnê hriâm [ă hnê mơjiâng hiăng hơ’lêh pơkâ ‘na điêm kơjo tiô kơpong, túa ki pro tơdâng điêm tơ’noăng, la tâng ko [ai tơ’noăng râ má phái phôh thong tơnêi têa ôh tá ai hơ’lêh ki klâi hên, mê tơdroăng ki ai hên hok tro chiâng rơkê môi kơlo điêm tiah dêi pó kô ai nếo [ă mâu hngêi trung athế pơkâ mơ’no mâu tơdroăng ki ê vâ tăng rah xo, pơla mê, kô chiâng ai tơdroăng ki ôh tá tơdâng tơ’mô [ă hok tro môi tiah a rơnó rah xo hok tro hơnăm 2017. Pôa Phạm Quốc Khánh, Kăn {ơrô hnê hriâm, Hok vie#n Hngêi rak liăn tối:

‘’Tơdroăng ki á pói rơhêng vâ, mê ko [ai tơ’noăng kal athế ai tơdroăng ki phá tơ-ê dêi pó, xua hơnăm nah, ko [ai tơ’noăng ga ôh tá tro tiô tơdroăng pói vâ dêi mâu hngêi trung. Drêng séa ngăn điêm vâ rah xo mâu vâi o hok tro a mâu điêm,malối, điêm ki châ plah, tơkéa vâ tối cho kơlo điêm ki iâ má môi vâ châ plah mot hriâm đăi hok ga ai hên ‘nâng.

Tơdroăng ki ngin pơkâ mơ’no mâu tơdroăng ki ê xuân cho vâ châ rah xo tơniăn kơxo# hok tro mot hriâm,la păng ‘nâng, ga xuân tơdjâk troh hên mâu vâi o hok tro ki ê ki rơtế ai kơlo điêm tơ’mô mê tro tah lôi xua ai pơkâ mơ’no tơ’nôm tơdroăng ki ê, ing mê, pro pá ăm mâu hok tro ki ôh tá châ xêh tơdroăng pơkâ ki ê. Ngin pói vâ ko [ai tơ’noăng hơnăm kố kô ai hên tơdroăng ki phá tơ-ê dêi pó vâ mâu hngêi trung châ rah xo hok tro tơtro [ă kơvâ cheăng vâ hnê mơjiâng’’.

Minh Hường chêh

Nhat Lisa tơplôu [ă tơbleăng