VOV4.Sêdang - Ô vâi krâ nho\ o [ă pú hmâ! Mâu tơdroăng ki ôh tá tơniăn dêi mâu kơ koan cheăng, pêi cheăng ôh tá châ rơhéa tung pơla hdrối kố nah, hiăng châ pơkâ thế pơhlêh nếo, mơdêk hnoăng cheăng châ tơ-[rê hôm, tơdroăng ki pơkuâ ngăn dêi khu kăn kong pơlê, túa ki mơjiâng khu kăn pơkuâ kong pơlê. Pơhlêh nếo ‘na hnoăng cheăng dêi kơ koan tơnêi têa xua vâ kum pro pơxúa dêi kuăn pơlê, cho tơdroăng rơhêng vâ dêi khu kăn Kuo#k ho#i, xun mơtiah mâu kuăn pơlê drêng veăng tơpui tối ‘na kơxop hla mơéa luât ki tá hâi teăm klêi, tơdroăng ‘’Kuo#k ho#i [ă kuăn pơlê’’ hâi kố, ngin kô tối ‘na tơdroăng mê, pó kôm tơmâng.

Chêh pro kêi kơxop mơ-éa luât pơkâ mơjiâng khu kăn pơkuâ kong pơlê cho vâ ‘mâi rơnêu [ă pêi pro nếo, ‘mâi mơnhông tơdroăng cheăng dêi khu kăn pơkuâ tiu túa ki iâ mơngế, tơtro [ă tơdroăng ki ai păng ‘nâng tung rôh tơru\m, tơlôm [ă mâu kong têa vâi ê. Vâ khoh pêi pro klêi tơdroăng cheăng ki xiâm kố, mâu kăn pơkuâ Kuo#k ho#i pơkâ thế mơjiâng kơxop mơ-éa Luât kố kal ai chêh tối nhên ‘na hnoăng cheăng, túa cheăng, tơdroăng pêi pro dêi rêm râ, mâu ngế ki cheăng tung khu kăn pơkuâ kong pơlê, vâ khu kăn pơkuâ kong pơlê pêi pro châ tơ-[rê mâu tơdroăng cheăng ki mê ai pơxúa. Tiah mê, mâu kăn ai tối nhên, tơdroăng pơkâ tung kơxop mơ-éa Luât mơjiâng Khu kăn pơkuâ ngăn kong pơlê hiăng axoăng hnoăng cheăng, pêi pro mâu tơdroăng cheăng pơla khu pơkuâ ngăn tơchuôm dêi Vi [an hnê ngăn [ă Kăn hnê ngăn Vi [an tiu túa ki vâ ‘nâi nhên xiâm kối dêi Kăn hnê ngăn kong pơlê, pơtối séa mơnhên ngăn hnoăng cheăng dêi tíu xiâm [ă kơ koan tơnêi têa râ kơpêng; pơtối mơnhông ‘na tơdroăng cheăng i tơleăng, kring tơniăn tơdroăng pêi pro dêi Măt tra#n tơnêi têa, mâu khu râ pơkuâ ngăn, mâu ngăn ‘na tơdroăng cheăng kal kí, pơlê pơla [ă kuăn pơlê tung tơku\m po mâu hnoăng cheăng dêi khu kăn pơkuâ ngăn. Méluâ ti mê, túa pơkuâ ngăn tơdroăng cheăng dêi kong pơlê cho ki xiâm má môi, kal má môi dêi kơxop mơ-éa luât, ga tá hâi teăm tơniăn, xua mê, khoh chiâng ai hên tơdroăng tơtu\ng, tơpeăng. Kơxop mơ-éa luât mê xuân hiăng mơ’no tối 2 todroăng cheăng ki xiâm ‘na túa ki mơjiâng khu pơkuâ ngăn kong pơlê, tung mê, ai môi tơdroăng pơkâ a pơlê krâm, bêng, ôh tá mơjiâng tơdroăng cheăng dêi Ho#i đông hnê ngăn pơlê kong kơdrâm, pơlê kong krâm ki pơkuâ ngăn. Ai hên mâu kăn hiăng vâ môi tuăn [ă tơdroăng pơkâ kố, xua vâ tối ăm ‘nâi, tâng ôh tá ai Ho#i đông hnê ngăn a bêng, pơlê krâm kô pá ăm tơdroăng ki kuăn pơlê vâ séa mơnhên ngăn. Jâ Nguyễn Thị Quốc Khánh, kăn Kuo#k ho#i dêi pơlê kong kân Hà Nội hiăng pâ thế, khu kăn pơkuâ, tung mê, ai Ho#i đông hnê ngăn [ă Vi [an hnê ngăn athế châ tơku\m po a tâi tâng mâu khu pơkuâ cheăng dêi kơvâ chêh bro hlá mơ-éa:Nôkố, ngăn akố, hnoăng cheăng dêi kuăn pơlê chiâng phêp tơpui a rôh ki lâi, tơpui tối tơdroăng klâi. Á pâ thế mâu tơdroăng ki klâi ai mơdât ăm rơkong tơpui dêi kuăn pơlê, mâu tơdroăng ki ôh tá bê tơmâng nhuo#m rơkong tơpui dêi kuăn pơlê, á pâ thế kal athế hbrâ kơchăng, [ă tâi tâng pin ôh tá vâ môi tuăn [ă tơdroăng ki mê.

Tiu pôa Nguyễn Phước Lộc, kăn Kuo#k ho#i dêi pơlê kong kân Hồ Chí Minh tối, mâu tơdroăng cheăng ki kal ‘na pêi cheăng kâ-rêh ối pơlê pơla dêi pơlê kong kân kố, tiu tơdroăng ki séa ngăn ‘na liăn ngân vâ ‘no cheăng kâ dêi pơlê kong kân, tâng ôh tá xê xua khu kăn Kuo#k ho#i [ă kuăn pơlê a kơpong kố pơkâ, xua khu kăn Kuo#k ho#i dêi pơlê kong kân pơkâ kô ôh tá hluăn ing tơdroăng ki tá hâi tro, ôh tá kâi chiâng vâ pêi pro. Tâng ôh ti ai séa ngăn dêi Ho#i đông kô ti chúa mâu tơdroăng cheăng ki mê kô hơngế ing kuăn pơlê, khu kăn pơkuâ bố ối cho tiu ki chêh bro to hlá mơ-éa, xua mê, tơdroăng cheăng dêi kuăn pơlê kô ôh tá rơhéa, kô chiâng ai hên tơdroăng cheăng ki ti tơtro, ôh tá pro pơxúa ăm tơná kuăn pơlê, pôa Nguyễn Phước Lộc tối tiah kố: Tiu á hlo, ki pơkâ thế dêi tơdroăng cheăng ki nếo kố cho tơdroăng cheăng kal má môi dêi tơnêi têa, ai tơdjâk troh khu kăn pơkuâ, ai tơdjâk troh a kuăn mơngế, ai tơdjâk troh hiâm mơno tơche#ng tơmiât, hiâm mơno púi vâ, [ă ki rơhêng vâ tối cho hiâm mơno ki tôu tuăn, tâng pin tah lôi Ho#i đông hnê ngăn, mê hnoăng cheăng dêi kuăn pơlê ah ga tối ulâi, châ pơtối mơnhông mơdêk tiah lâi. Tâng tơdroăng cheăng kal kí mê pin ôh tá châ mơnhên, ga kô ối tơvâ tơvân, tơdjâk troh pơlê pơla, ga hmếo pơ ối tung dế tiah mê, pá vâ pin mơjiâng pro klêi tơniăn ăm luât. Xua ti mê, a pâ thế Luât mơjiâng Khu pơkuâ ngăn athế pro mơnhên sap apoăng, mê cho mơnhên tối ‘na hnoăng cheăng, tơdroăng cheăng athế pêi pro dêi khu kăn pơkâ, tiu túa cheăng ki mơnhên khât, [ă klêi mê, pin nếo châ hlo, châ ‘nâi tơdroăng cheăng ki pin kal athế ‘mâi pơhlêh ga ti lâi ăm i tơtro, châ tơ-[rê.

Ai hên mâu kăn hiăng pơkâ thế Khu ki chêh bro luât kal athế tơpui leăng mơnhên mâu tơdroăng ki ‘ló, mâu tơdroăng ki tá hâi tro, ki ối pá, ki tơ’lêi hlâu dêi rêm tơdroăng pơkâ cheăng ki hiăng chêh tối tung kơxop mơ-éa Luât tá hâi klêi vâ Kuo#k ho#i pơtối tơpui tơno [ă pơkâ mơnhên.

Ai môi tơdroăng ki ê nếo, tung Kơxop mơ-éa Luât ki hâi klêi, mâu kăn athế veăng tơpui tối, hnê mơjiâng, cho hnoăng cheăng séa ngăn dêi Ho#i đông hnê ngăn. Tung tơdroăng mơjiâng Khu kăn Ho#i đông roh kố, ai tơdroăng ki nếo, mê cho: Khu kăn ki pơkuâ Ho#i đông hnê ngăn châ kuăn pơlê rak vế, pêi pro vâ pêi pro mâu tơdroăng cheăng séa ngăn, hdrối nah bố ai to Khu kăn ki hmâ cheăng séa ngăn Ho#i đông hnê ngăn, mâu kơvâ cheăng dêi Ho#i đông hnê ngăn [ă mâu kăn cheăng tung Ho#i đông ai hnoăng cheăng séa mơnhên ngăn, la Kơxop mơ-éa luât ki tá hâi teăm klêi rôh kố ai tối hnoăng cheăng dêi mâu kăn vâ pêi pro klêi hnoăng cheăng séa ngăn. Tối ‘na mâu tơdroăng cheăng kố, jâ Trương Thị Ánh, ngế cheăng tung Vi [an hnê ngăn luât dêi Kuo#k ho#i ai tối tiah kố: Tung khu pơkuâ ngăn Ho#i đông kuăn pơlê roh kố ai tơdroăng ki nếo, mê cho, khu kăn ho#i đông châ pêi hnoăng cheăng séa ngăn, la hnoăng cheăng dêi khu kố á hlo tá hâi teăm nhên khât, tơ’lêi pêi pro mâu tơdroăng tá hâi tơtro, xua mê, a pâ thế ‘mâi rơnêu mâu tơdroăng cheăng kố, [ă klêi kơ’nâi ai tơdroăng séa ngăn dêi khu kăn, mơgêi tơdroăng cheăng, klêi mê, tá tơdroăng ki rak vế, pêi pro mâu tơdroăng cheăng dêi khu kăn ga ai tiah lâi, mê tung kố pơxá ai hnoăng cheăng, la ga vâ mơnhên hnoăng cheăng ki vâ pêi pro dêi khu kăn mê tá hâi teăm nhên, a pâ thế mâu kăn tơpui tối i nhên thăm vâ hlê ple#ng.

Tơdroăng ki re#ng pơkâ Luât ki tơku\m mơjiâng khu kăn pơkuâ, ti xê to vâ ‘mâi rơnêu mâu tơdroăng ki tá hâi teăm châ chiâng pêi pro, lơ pêi pro tá hâi teăm trôh, ối ‘ro tung tơdroăng cheăng dêi Ho#i đông hnê ngăn [ă Vi [an hnê ngăn, mê ối kum vâ mơnhên mâu tơdroăng pơkâ tiu mâu tơdroăng ki hiăng chêh tối tung Luât. Meluâ ti mê, mâu kăn pâ thế tơdroăng ki hơ’lêh nếo tung tơku\m pơkuâ ngăn, tơdroăng cheăng dêi khu kăn athế mơnhông xêh hnoăng cheăng tơná, athế pôu râng dêi hnoăng cheăng, ki châ tơ-[rê tung pơkuâ ngăn kuăn pơlê.

Nhat Lisa tơplôu [ă pơchuât