Klêi kơ’nâi tí tăng ngăn, hlo tu\m, mơnhên mâu tơdroăng ki êng [ă tiâ a roh hôp má 3, Kuo#k ho#i hneăng 14, mê pôa Trần Vinh, ối a bêng 6, pơlê kong kơdrâm Đà Lạt, kong pơlê Lâm Đồng ai tối mơnhên ‘ló khât hnoăng cheăng dêi mâu kăn xuân môi tiah hnoăng cheăng dêi mâu kăn pơkuâ ngăn hiăng tiâ mơnhên.

Mâu tơdroăng ki xiâm tung êng mơnhên [ă tiâ hiăng ai hên mâu tơdroăng ki kuăn pơlê dế tô tuăn dế nôkố tung lâp tơnêi têa. Pôa Trần Vinh tối:

‘’Tiô á tơmiât, roh ki êng mơnhên [ă tiâ mê hiăng tối hên mâu tơdroăng ki dế tô tuăn nôkố ki dế châ kuăn pơlê tung lâp tơnêi têa veăng vâ môi tuăn, môi tiah mâu troăng hơlâ ki mơdât ki kơdroh liăn ngân ôh tá kơnâ, rak vế tơniăn ăm tơdroăng rêh kâ ối pơlê pơla, ‘na tơdroăng ki mơhrê hên liăn ngân tung mơjiâng mâu tơemeăm khoăng tơchuôm, ‘na vêh hơ’lêh nếo tơdroăng pêi chiâk pêi deăng, to\ng kum tung pêi cheăng kâ, [ă ‘na ‘no liăn kum ăm kuăn pơlê, troăng hơlâ ki kum vâ tơkêa bro ‘no liăn hía liăn tê kơtê, tro lu\p [ă mâu tơdroăng ki ê ai tơdjâk troh hnoăng cheăng pơkâ, pơkuâ ngăn dêi Chin phuh [ă ki ê hía.

Maluâ ti mê, xuân ối ai hên mâu tơdroăng ki tá hâi teăm châ mơnhên, tá hâi tơtro khât [ă hnoăng cheăng ki xiâm la ki apoăng hiăng châ mơnhên mâu tơdroăng. Á pói vâ, klêi kơ’nâi hneăng hôp Kuo#k ho#i roh kố, tâi tâng mâu tơdroăng cheăng ki hiăng châ mơ’no tối kô re\ng châ ‘mâi rơnêu [ă pêi pro châ tơ-[rê luâ tâ’’.

Pôa Vũ Mão, cho Ngế xiâm {ơrô Kuo#k ho#i hiăng séa mơnhên hiăng ai hên ki hơ’lêh túa êng tiâ dêi Kuo#k ho#i hneăng 14.

Tiô pôa tối, tơdroăng ki pro mơdon hâi kơ-êng ti xê cho tơdroăng ki nếo, xua hiăng pro kơtăn kố ai 23 hơnăm, a hơnăm 1994 cho roh apoăng pin hiăng po roh kơ-êng, xuân ton ai 3 hâi.

Maluâ ti mê, roh kố cho tơdroăng ki mâu kăn vâ tơpui tơno, pro leăng mơnhên dêi pó, tơpui rơhí rơhó vâ tăng troăng hơlâ ki tơtro má môi. Pôa Vũ Mão tối tiah kố:

‘’Á hlo tơdroăng ki tơmiât mê, ki pói rơhêng vâ cho le\m tro. La tơdroăng tơpui leăng vâ tăng troăng troh mơ’nui ga kal athế ai tơdroăng tiâ mơnhên ki tơtro, ‘ló khât, po ăm troăng hơlâ ki nếo.

Mê cho tơdroăng ki ai păng ‘nâng dêi tơdroăng rêh, tơtro [ă hiâm mơno pói vâ dêi kuăn pơlê. Pin athế ‘nâi tiâ mơnhên tơdroăng mê tá hâi tro drăng tíu lâi, tơdroăng ki lâi kal athế châ hnê tối tơbleăng, ki kal athế ‘nâi nhên ối trâm pá, la ôh tá tro drăng lâi athế pêi pro mơnhên.

{ă ki kal má môi kal athế tăng troăng hơlâ vâ tơleăng mơnhên mâu tơdroăng ki hiăng êng, tiâ tơdroăng êng ki mê athế tối ki xiâm kối dêi tơdroăng mê mot tung chêh tối tung hneăng hôp.

 Kuo#k ho#i ai pơkâ mâu tơdroăng ki mê vâ mâu kơ koan ai hnoăng cheăng tơku\m pêi pro [ă roh kơ’nâi ah athế tối tơbleăng ăm kuăn pơlê. Mâu hơnăm hdrối mê hía nah, pin rơhêng vâ ki kố, la kal athế kơdo mơ-eăm, roh kố athế tơ’nôm pá môi hvêa chêng nếo’’.

Pôa Nguyễn Hạnh Phúc, Kăn xiâm chêh tôm xo rơkong Kuo#k ho#i tối ăm ‘nâi, a roh êng mơnhên kố, mâu Ngế pro xiâm hiăng tiâ mơnhên, tơdrăng mâu tơdroăng ki khu kăn Kuo#k ho#i hiăng êng: Pôu râng dêi hnoăng cheăng tơná ‘na mâu tơdroăng xiâm ki tá hâi teăm châ chiâng pêi pro [ă tơkêa kô pêi pro tung la ngiâ.

Klêi kơ’nâi hơ’lêh mâu túa ki êng tiâ, mâu kăn Kuo#k ho#i hiăng toh chôu vâ tơpui leăng troh hên mâu tơdroăng ki ê cho ‘ó păng ‘nâng:

‘’Mâu kăn Kuo#k ho#i hneăng XIV drêng êng mơnhên tối bu êng iâ tê, la mâu tơdroăng ki mê trâu hơngế ó ‘nâng, ki xiâm dêi tơdroăng mê cho tro, ‘ló, mơnhên tối ‘na hiâm mơno tro tiô hiâm mơno dêi kuăn pơlê. Ki má péa nếo, cho thăm mơnhông ‘na tơdroăng ki vâ tơpui tơno, êng tiâ.

Ôh tá xê to tơpui tơno êng tiâ [ă Ngê xiâm ngăn ‘na tơdroăng cheăng mê ối tơpui tơno pơla mâu kăn [ă dêi pó, vâ mơnhên tối ‘na mâu tơdroăng ki mê.

 Xua mâu tơdroăng ki mê á hlê nhên ‘na tơdroăng kố la mâu kăn ki ngăn ‘na kơvâ cheăng, vâi hlê ple\ng nhên mâu tơdroăng, vâi tơpui tơno nếo rơtế pêi pro le\m tro ‘na tơdroăng, klê mê nếo pro mơnhên mâu tơdroăng, tí xê to êng mơnhên to Ngế xiâm ngăn tơdroăng cheăng. Ki ê nếo, êng mơnhên mê kuăn pơlê tung lâp tơnêi têa vâi châ ‘nâi, vâi hlê ple\ng hên tâ nếo, thăm nếo pro ăm rêm ngế hlê ple\ng nhên tâ’’.

Nhat Lisa tơplôu [ă tơbleăng