Ngế ki mê kot mâ hơnăm 2013, ối a bêng Thành Công, pơlê kong kơdrâm Ƀuôn Ma Thuột, kong pơlê Dak Lak. Tiô ngế nhŏng o xiâm dêi ngế ki tơngê mê tối, hâi lơ 10/8, ngế ki mê tơngê hmân ôh tá kâi kơdroh, rơlâi hên tung châ ƀă hiăng châ mâu ngế tung rơpŏng hngêi ăm ôu pơkeăng kơdroh tơngê la ôh tá kâi kơdroh mê vâi hiăng djâ ga mot pơlât a hngêi pơkeăng Nhi Đức Tâm vâ pơlât.

Hâi lơ 14/8, thăm rế râ ó tâ mê hiăng djâ troh pơlât a Hngêi pơkeăng Kân kơpong Tây Nguyên ƀok thái pơkeăng tối tơngê lo mơheăm Dengue. Hâi lơ 15/8 ngế ki mê rế râ ó ƀă hlối hlâ. Kơ’nâi khăm ngăn tối ngế ki hlâ mê xua tơngê lo mơheăm, CDC hiăng tơrŭm ƀă Hngêi pơkeăng pơlât Pơlê kong kơdrâm Ƀuôn Ma Thuột tơbleăng mâu tơdroăng séa ngăn, hnê mơgrúa hngêi trăng klông troăng, xôh pơkeăng kơdê pơreăng  a kơpong ki ai ngế tơngê. Ing apoăng hơnăm 2024 troh nôkố, kong pơlê  Dak Lak tối ai 1.453 ngế tơngê lo mơheăm, tung mê ai 1 ngế hlâ.