Tiô tơdroăng ki kal 2 pâ hiăng kĭ tơkêa, hâi khế pêi pro tơdroăng tơkêa ing hơnăm 2024 troh hơnăm 2026 ƀă tâi tâng kơxô̆ liăn kum ôh tá êa mơdrếo dêi Chin phuh Nhuk cho 1,83 rơtal yên, tơ’mô dâng 300 rơtal liăn, tung mê cho tâi tâng mâu kơxô̆ liăn ‘no hrê ki ai tơdjâk troh.

Tiô tối hdrối mâu kế tơmeăm xúa tung khăm pơlât kố kô châ pơcháu ăm Hngêi pơkeăng K pơxiâm pêi cheăng hneăng má 4 hơnăm 2025. Teăng mâ Chin phuh Nhuk tối rơdêi: Tơdroăng tơkêa kố châ môi tuăn tŏng kum ó khât ing peăng Chin phuh 2 tơnêi têa, cho mơhno nhên ăm tơrŭm cheăng Việt Nam – Nhuk, tơnêi têa tơrŭm cheăng tung la ngiâ tŭm têk xua hơniâp lĕm ƀă kro mơdrŏng a châu Á ƀă tung lâp plâi tơnêi drêng tơbâ 50 hơnăm mơjiâng tơrŭm cheăng tơpui kâ pơla 2 tơnêi têa.

Tơpui a rôh leh, ngế xiâm ngăn pơkeăng ƀă khăm pơlât Đào Hồng Lan tối nhên, kố cho tơdroăng tơkêa ai pơxúa khât tung tơdroăng mơdêk ivá khăm, pơlât dêi kơvâ khăm pơlât Việt Nam.