VOV4.Xơ Đăng - Séa ngăn mơheăm, rĕng pơlât ăm vâi kơdrâi ki dế mơ-êa tâ pơreăng HIV ai pơxúa kal khât tung rak vế ivá châ chăn dêi ngế hdrêng tung la ngiâ. Kơnôm ai tơdroăng cheăng hbrâ mơdât tâ tú HIV sap ing nôu ngi kuăn mê hên hơnăm kố, kong pơlê Dak Lak hiăng kơdroh tơdroăng ki vâi hdrêng kot mâ tro HIV xua tâ tú sap ing nôu.

VOV4.Xơ Đăng - Hâi lơ 15/12, Vi ƀan hnê ngăn kong pơlê Gia Lai hiăng po rôh hôp tơpui ƀă tăng troăng tŏng kum mâu tơdroăng xơpá xua ôh tá bê pơkeăng, ôh tá ai tŭm kơxô̆ liăn pêi cheăng.

VOV4.Xơ Đăng - Rak ngăn ivá ngế nôu ƀă kuăn ngá sap mơ-êa troh drêng rơneh, cho môi tơdroăng kal hlê plĕng ƀă thế tơmâng ngăn tro vâ ngế hdrêng châ kot mâ ivá rơdêi lĕm. La a mâu kơpong hdroâng kuăn ngo, tơdroăng rêh ối cheăng kâ dêi kuăn pơlê ối trâm hên xơpá xua hâi hlê ƀă tơdroăng rak ngăn ivá ngế nôu, ngế hdrêng hâi châ tơmâng khât.

VOV4.Xơ Đăng - Hên hơnăm hdrối nah, maluâ rêm râ khu kăn pơkuâ hiăng pêi pro hên troăng hơlâ, la tơdroăng ki xo on veăng tá hâi tro hơnăm xuân ối hlo hên hĭn a kơpong hdroâng kuăn ngo a tơring Dak Glong, kong pơlê Dak Nông. Tơdroăng kố hiăng pro chiâng trâm mâu tơdroăng ki ôh tá tơniăn ton xŏn ăm ngế ki mê, rơpŏng hngêi ƀă tá pơlê pơla.

VOV4.Xơ Đăng - Mâu hơnăm hdrối mê hía nah, Đảng, Tơnêi têa hiăng mơ’no mâu hlá mơ-eá vâ hnê thế rak vế tiô túa pơkâ, troăng tơdjâ ‘na hnoăng cheăng rak ngăn ivá ăm hdroâng kuăn ngo ki iâ mơngế. Kơnôm tiah mê hiăng châ mơnhông mâu tíu khăm pơlât, thái pơkeăng khăm pơlât vâ rak tơniăn ivá ăm kuăn pơlê.

VOV4.Xơ Đăng - Nôkố, pơreăng ŭm tung châ dế rế hía rế hên tung pơlê pơla ƀă kơxô̆ ngế hlâ châ vâ chê 70% kơxô̆ ngế tro ƀă hlo rế hía rế trâm hên a mâu hơnăm ối nếo. Maluâ tiah mê, túa pơreăng ki rơ-iêo kố gá chiâng vâ pơlât prêi tâng rĕng châ ‘nâi hneăng ki apoăng.

VOV4.Xơ Đăng - Tung mâu hơnăm hdrối mê hía nah, kơnôm pêi pro lĕm tro hnoăng hnê mơhno, mơhnhôk tơdjâ mê kuăn pơlê a Dak Nông hiăng hlê plĕng ki pơxúa dêi tơdroăng pâk pơkeăng mơdât pơreăng. Vâi krâ-nhŏng o mâu hdroâng kuăn ngo a Dak Nông hiăng hlê plĕng vâ djâ dêi kuăn ‘nĕng pâk pơkeăng tŭm, hbrâ mơdât pơreăng xông tâ tú.

VOV4.Xơ Đăng - Tíu xiâm Séa ngăn mơdât pơreăng kong pơlê Dak Lak hiăng tơrŭm ƀă kơvâ ngăn pơkeăng mơlât mơnăn ƀă mâu kăn cheăm, tơring tơbleăng pêi hên tơdroăng hbrâ mơdât pơreăng tơngê kơ ôk A/H5N1 lơ xông tâ tú a í pêap ah lơ tâ tú a mơngế.

VOV4.Xơ Đăng - Hơnăm 2022, mâu kong pơlê a kơpong Tây Nguyên hiăng tơkŭm po hên hdroh tơdroăng mơhnŏng pleăng dêi mơheăm. Ƀă tơdroăng: “Môi kơto mơheăm ăm vâi - Môi ngế châ rêh”, mê mâu ngế ki mơhnŏng pleăng hnoăng cheăng tung kơpong Tây Nguyên hiăng kum erêh hên mâu ngế ki châi tamo.

VOV4.Xơ Đăng - Hâi lơ 11/11, Khu hnê mơhno mơhnhôk pleăng mơheăm kong pơlê Gia Lai tơkŭm po rôh hôp mơgêi hnoăng cheăng pleăng mơheăm hơnăm2022, tơbleăng túa pơkâ hơnăm 2023.