VOV4.Sêdang - Pro tiô Luât Hlá tơbeăng mơ’no a hơnăm 2016, Khu pơkuâ ngăn ‘na Hlá tơbeăng Việt Nam dế ối tơmâng xo mâu rơkong tối tơbleăng tung lâp lu vâ chêh pro klêi ‘’Tơdroăng rêh ối, hnoăng cheăng dêi ngế ki chêh hlá tơbeăng Việt Nam’’. Pơkâ kố hiăng ai 11 hơnăm kố la dế hlo ôh tá tơ-[rê klâi ‘na tơdroăng ki mơnhông mơdêk tung hnoăng cheăng dêi khu ngế chêh hlá tơbeăng, rơjíu, um tivi,  internet xuân môi tiah ‘na tơdroăng rêh ối dêi pơlê pơla. Veăng kum rơkong tơpui tối ‘na hlá mơ-éa kố, hên khu ki chêh hlá tơbeăng tối tiah kố, pơkâ ‘na hnoăng cheăng dêi mâu ngế ki chêh hlá tơbeăng kal ai pơxúa vâ rêm ngế ki chêh hlá tơbeăng ‘nâi nhên tâ, mơdêk dêi tơdroăng rêh ối, pêi cheăng athế ai hiâm mơno tơdrăng le\m. Drêng tơbâ hâi hlá tơbeăng kăch măng Việt Nam lơ 21 khế 6, hâi kố, ngin ai [ai tơbleăng tối mâu rơkong tơpui tối ‘na pơkâ tơdroăng cheăng dêi mâu ngế ki chêh hlá tơbeăng.

Vêh tơbâ nếo rơkong tối pơchân dêi pôa Hữu Thọ, Ngế chêh hlá tơbeăng: ‘’Mâu ngế chêh hlá tơbeăng athế ai hiâm mơno chân krá, ‘nâi nhên tơdroăng ki trâu hơngế, [ă rơkê ple\ng hên tơdroăng; Pôa Đức Lương, ngế chêh hlá tơbeăng, cho Kăn pho\ rah chêh hlá tơbeăng Nhân Dân tối tiah kố: Rơkong topui tối mê tung rơxông nếo tiah dế nôkố xuân ối tro [ă kơnía git má môi. Ngế chêh hlá tơbeăng athế ai hiâm mơno kâi chân, tơkâ hluâ tâi tâng mâu tơdroăng ki phá dêi châ, dêi tơná, môi tiah tơdroăng hơ’nêng khéa, hơniâp ro, kal athế chêh tối tơdrăng [ă hnối chêh tối tơdroăng nếo ai ki kal khât. Kal mơnhên, chêh tối tơdroăng nếo ai mê tâng châ tơbleăng, mơ’no tối ăm pơlê pơla, lâp tơnêi têa, hôm ai pro tơdroăng ki klâi ki ê, hôm ai tơdjâk troh tơdroăng rêh ối pơlê pơla, ki nhên ga tiah lâi, ai pơxúa lơ ôh? Xua ti mê, rêm ngế ki chêh hlá tơbeăng, ki a hdrối tâ kal athế cho mơngế ki ai hiâm mơno le\m tơdrăng, hloh hlê rơkê ple\ng. Ti xê to tiah mê, chêh hlá tơbeăng cho hnoăng cheăng ki tơviah, ai rơkong tơpui [ă tơdjâk troh hên pơlê pơla, xua mê, kal athế chêh tối mâu tơdroăng hơtro [ă tơdroăng ki luât hiăng pơkâ [ă ngế ki chêh tối athế tơtro [ă hiâm mơno dêi tơdroăng cheăng tơná. Pôa Đức Lương tối: Ngế chêh hlá tơbeăng athế ai hiâm mơno kâi chân. Tiô á tơmiêt, hiâm mơno mê athế lo tung dế dêi tơdroăng ki nếo ai păng ‘nâng, hnối ai tá tơdroăng ki hmâ ai tung pơlê pơla, klêi mê, troh tâi tâng rêm kuăn pơlê, [ă tung mê, pro ti lâi mâu tơdroăng pơkâ mê, ngế ki lâi pơchuât xuân hlo kal athế ai tơná veăng kum, veăng cheăng. Pôa Hồ hnê: ‘’Ngế chêh hlá tơbeăng cho lêng ki djâ troăng a hdrối [ă loăng chêh cho pháu hơnêa dêi ngế chêh hlá tơbeăng.

Pôa Nguyễn Thành Lợi, Pho\ Yăo sư Tie#n sih, Kăn xiâm rah chêh hlá tơbeăng Người làm báo veăng tơpui a roh hôp, xua Học viện Báo chí và Tuyên truyền tơku\m po.

Tơdroăng ki ai hên mâu tơdroăng nếo ai tung măng Internet xuân chiâng ai hên tơdroăng ki ôh ti tro, pro pá puât, chiâng tơdjâk ‘mêi troh hên mâu tơdroăng ki ê. Môi tung mâu tơdroăng pơloăng mơnúa ki kân dêi hlá tơbeăng dế nôkố, pro ti lâi vâ hlá tơbeăng xiâm đi đo châ ‘nâi nhên mâu tơdroăng ki chêh tối tung facebook. Ngế chêh hlá tơbeăng kal athế ai hiâm mơno tơdrăng păng ‘nâng drêng ngăn, xúa mâu tơdroăng ki chêh xo ing facebook. Pôa Nguyễn Thành Lợi, Kăn xiâm rah xo dêi Hlá tơbeăng Người làm báo tối ăm ‘nâi, pơkâ ‘na hiâm mơno dêi khu chêh hlá tơbeăng kal athế pêi pro ing hiâm mơno tơná vâ, hiâm mơno ki ‘nâi nhoa#m tơdroăng ki tro păng ‘nâng dêi rêm ngế chêh hlá tơbeăng, xua hiăng ai mâu tơdroăng ki ‘nâ athế tơleăng troh a hngêi tơleăng, xua ing hiâm mơno tá hâi tơdrăng khât dêi khu ngế chêh hlá tơbeăng. Ing tơdroăng pơkâ rak vế le\m tro ‘na hiâm mơno dêi ngế chêh hlá tơbeăng, rêm kơ koan ngăn ‘na chêh hlá tơbeăng kal athế chêh tối i nhên vâ ăm rêm ngế chêh hlá tơbeăng ngăn tiô kơ tơdroăng cheăng tơtro [ă dêi kơ koan tơná, hơtro [ă tơdroăng pơkâ dêi luât, tơtro [ă tơdroăng pơkuâ ngăn, djâ thế dêi rêm kơ koan hlá tơbeăng: Tung roh mơ’no tơbleăng hên tung hlá tơbeăng, rơ’jíu, um tivi, măng internet tiah dế nốkố, ai hên tơdroăng ki tơdjâk chiâng ‘mêi troh tơdroăng pơlê pơla, tâng ôh tá ai hiâm mơno tơdrăng le\m, mê kal athế mơjiâng tơ’nôm mâu tơdroăng pơkâ ki nếo, i tro tơniăn tâ, i nhên tâ, thăm nếo mơjiâng chiâng luât cheăng dêi khu ngế chêh hlá tơbeăng. Ma luâ chêh hlá tơbeăng ối tung tơnêi têa lơ a kong têa vâi ê, pêi cheăng tung kơ koan ló pá kong xuân kal athế séa mơnhên ngăn tơdroăng mê vâ pêi pro. Tiô tơdroăng ki á pơkâ, xuân kal athế ai luât dêi kơ koan ngăn ‘na hlá tơbeăng, kal athế mơjiâng luât.

Pôa Đức Lượng-Cho Kăn xiâm pho\ rah chêh hlá tơbeăng Nhân Dân

Tiô ngế chêh hlá tơbeăng Hồ Quang Lợi, Kăn xiâm pho\ hnê ngăn Khu chêh hlá tơbeăng Việt Nam tối: Ki xiâm dêi hiâm mơno chêh mơjiâng hlá tơbeăng cho athế tơdrăng păng ‘nâng, ‘ló khât. Ki păng ‘nâng akố, chêh tối nhên tơdroăng ki ai, la xuân ai mâu ngế ki ‘nâ chêh tối phá hlêk tơ-ê, pro chiâng ôh tá tro tơdroăng, tí tăng tơpôu xôi ăm vâi, tơpui ‘mêi ăm vâi, chiâng ‘mêi ăm inâi mâu ngế ki ê. Xuân ai mâu ngế chêh hlá tơbeăng hmếu pơ tí tăng tơpui hmâng to lo vâ, hlo dêi châ cho ngế chêh hlá tơbeăng vâ pêi pro ki klâi xuân măk ai, vâ tí tăng kâ kơhveăm, kâ kho\m, kâ kơluâ ki vâi ê, xuân ai mâu ngế chêh hlá tơbeăng tro khu ‘mêi pơlông, chêh mâu tơdroăng ki ôh tá tro chiâng tro, ki tro ôh tá chiâng ‘ló [ă hía hế. Pơkâ ‘na hiâm mơno dêi khu chêh hlá tơbeăng hiăng châ chêh pro kơtăn kố ai 11 hơnăm. Ai hên tơdroăng pơkâ ôh pá tơtro [ă tơdroăng chêh hlá tơbeăng, luât hlá tơbeăng ton nah tâng vâ ngăn [ăng chal nếo nôkố xuân tá ti tro xếo, ai hên drăng tíu ki phá. Luât hlá tơbeăng ki hiăng mơjiâng a hơnăm 2016 pơkâ tối, Khu xiâm pơkuâ ngăn chêh hlá tơbeăng Việt Nam kal athế ai hnoăng cheăng pơkâ mơhno hiâm mơno dêi mơngế chêh hlá tơbeăng Việt Nam. Ngế chêh hlá tơbeăng Hồ Quang Lợi tối ăm ‘nâi: Dế nôkố, Khu xiâm pơkuâ ngăn ‘na chêh hlá tơbeăng Việt Nam mơjiâng tơdroăng pơkâ [ă la ngiâ kố ah kô tơku\m po roh hôp kân lâp tơnêi têa vâ ăm rêm ngế chêh hlá tơbeăng châ hriăn ple\ng, hriâm tâp Luât hlá tơbeăng hơnăm 2016, tơdrêng [ă tơdroăng ki pin hnối ăm khu râ, kơvâ cheăng chêh hlá tơbeăng veăng ‘mâi rơnêu vâ pơkâ ‘na hiâm mơno dêi mơngế chêh hlá tơbeăng Việt Nam. Ki kố, kô châ chêh pro mơgêi a rơnó rơxăm hơnăm kố, vâ ing mê, pin kô rak vế, pêi pro tro tiô luât hlá tơbeăng hơnăm 2016, kô pơxiâm xêt khât sap hâi lơ 1 khế 1 hơnăm 2017.

Hiâm mơno chêh hlá tơbeăng [ă hnoăng cheăng dêi pơlê pơla a roxông ki lâi, chal ki lâi xuân kal má môi. {ă roh tơdroăng pêi cheăng kâ-rêh ối dêi tơnêi têa pin tiah dế nôkố, xuân ai mâu ngế chêh hlá tơbeăng tung hiâm mơno tá hâi teăm bâ, ôh tá châ kuăn pơlê loi tơngah. Xua tiah mê, tơdroăng pơkâ ‘na hiâm mơno chêh hlá tơbeăng Việt Nam tung la ngiâ kố ah kô cho hnoăng ki veăng kum ăm hlá tơbeăng thăm rế tơtro khât tâ nếo tung chêh tối mâu tơdroăng nếo ai tung chal nếo.

Nhat Lisa tơplôu [ă tơbleăng