VOV4.Sêdang - Pôa Dương Văn Trang, kăn pơkuâ hnê ngăn Đảng kong pơlê Kon Tum nếo lăm séa ngăn tơdroăng ki tro tơ’nhiê kế tơmeăm xua khía mơhot têa kân lân lu ‘na troăng prôk [ă hnoăng cheăng ‘mâi rơnêu a tơring Đăk Glei. Xua tơdjâk dêi mâu rôh khía mơhot têa kân lân lu pơla hdrối kố nah, hên troăng prôk ngi kong pơlê, tơring, ngi cheăm tung tơring tro tơhnâp ó, pro ôh tá chiâng prôk lăm a mâu cheăm ki ê. 

Kăn pơkuâ hnê ngăn Đảng kong pơlê Kon Tum séa ngăn tơdroăng ki troăng tro tơhnâp a troăng prôk ngi kong pơlê 673

Ki nhên gá, a troăng prôk ngi kong pơlê kơxo# 673 tơkâ luâ cheăm Đăk Choong, Mường Hoong [ă cheăm Ngọc Linh ai lối hr^ng tíu ki tơhnâp, pro hâ ho a chât tíu. Ai mâu tíu ki ‘nâ têa hiăng lân ‘nhiê troh a troăng, tâng ôh tá ai troăng hơlâ ‘mâi rơnêu mê mơni kô tơhnah tơhnâp a troăng [ă hên ki ê.

Tiô riân ngăn tâi tâng kơxo# liăn ‘no vâ ‘mâi rơnêu tâk troh lối chât rơtal liăn. Pôa Dương Văn Trang, kăn pơkuâ hnê ngăn Đảng kong pơlê Kon Tum pơkâ thế kơvâ ngăn troăng prôk kong pơlê hriăn ngăn troăng hơlâ, túa pơkâ ki nhên vâ ‘mâi rơnêu tíu thnah tơhnâp, tơdrêng amê hnối pơkâ thế Vi [an hnê ngăn kong pơlê xing xoăng kơxo# liăn vâ tơbleăng hnoăng cheăng ‘mâi rơnêu a mâu tíu ki tơhnah tơhnâp rak tơniăn troăng prôk ăm kuăn pơlê prôk lăm.

Katarina Nga tơplôu [ă tơbleăng