VOV4.Sêdang - Rơtế [ă rôh po hneăng hôp má 9, Kuo#k ho#i hneăng má 13, Ho#i đồng hnê ngăn mâu kong pơlê kơpong Tây Nguyên xuân hiăng pêi pro hên tơdroăng cheăng hbrâ ăm rôh hôp râ kong pơlê la ngiâ kố ah. Tung mê, tơdroăng ki trâm mâ kuăn pơlê, hnối tơmâng mâu rơkong tơpui tối, pâ thế châ khu teăng mâ kuăn pơlê. Tung tơdroăng ‘’Kuo#k ho#i [ă kuăn pơlê’’ hâi kố, ngin kô tối tơbleăng mâu tơdroăng ki kal sap ing mâu rôh trâm mâ kuăn pơlê dêi mâu kăn Ho#i đồng hnê ngăn kong pơlê Lâm Đồng, nếo châ tơku\m po tung măng t^ng hiăng hluâ.

Hâi lơ 17 khế 6, drêng trâm mâ, tơpui tơno [ă kuăn pơlê a bêng Lộc Tiến, pơlê kong kơdrâm Bảo Lộc, mâu kuăn pơlê ai pâ thế troh mâu kăn cheăng tung Ho#i đông hnê ngăn kong pơlê [ă pơlê kong kơdrâm. Hiăng ai 8 ngế kuăn pơlê teăng mâ ăm 14 tôh kơpho# dêi bêng Lộc Tiến tơpui tối 23 tơdroăng ki púi vâ châ ai, ối tung kơvâ ngăn ‘na ‘mâi vê hdró, xing xoăng tơnêi tơníu mơjiâng tơmeăm khoăng [ă ‘no liăn mơjiâng troăng prôk ăm rơxế kơtâu [ă mơngế prôk lăm; troăng hơlâ ki ăm mâu kăn [o# ai hnoăng cheăng pêi; mơnhông mơdêk ‘na pêi chiâk pêi deăng; kring vế tơniăn ‘na rêh ối thôn, pơlê, kơpong kơpho# [ă mâu tơmeăm ki ai tơdjâk troh mơhno mơjiâng túa le\m tro [ă ‘na hnê hriâm. Ai mâu ki ‘nâ hiăng tơpui tối tơdrêng pâ thế khu kăn cheăng tung Ho#i đông hnê ngăn kong pơlê, môi tiah ki re\ng pro lơ hrá [ă ki krá le\m lơ ôh ti dâi dêi tơdroăng ki ‘mâi rơnêu troăng klông kơxo# 20 tơkâ hluâ kơpong kố [ă mâu troăng prôk ki mot tung bêng kố hrá ‘nâng, [ă pro ôh ti tơniăn ăm tơdroăng prôk lăm; ối hên khu pơkuâ cheăng ki ôh tá bê kơxo# liăn mơjiâng pro mâu tíu pêi cheăng a mâu tôh kơpho#, chiâng tơdjâk troh ki krá le\m lơ ôh tí tơniăn ‘na hnoăng cheăng pơkuâ ngăn a mâu pơlê cheăm; tơdroăng ki ‘mâi xe#n tơnêi tơníu, chêl thiăn liăn ngân [ă mâu kuăn pơlê ki tro athế mơdrếo tơnêi ki vâ mơjiâng pro Hngêi trung Đăi hok Tôn Đức Thắng tá hâi teăm tro tuăn kuăn pơlê; kal athế to\ng kum hên tâ nếo troh tơdroăng ki kum tơ’nôm liăn khế ăm mâu ki pro pơkuâ cheăng a thôn, kơpho# [ă hía hé …

Pôa Nguyễn Xuân Tiến tiâ mơnhên kơ mâu kuăn pơlê.

Klêi tơmâng pôa Nguyễn Quốc Bắc, Kăn hnê ngăn Vi [an pơlê kong kơdrâm Bảo Lộc hiăng tơpui bleăng mâu rơkong tơpui tối, pâ thế dêi mâu kuăn pơlê, ki xua hnoăng pơkâ mơnhên [ă to\ng kum dêi pơlê kong kơdrâm, pôa Nguyễn Xuân Tiến-Kăn hnê ngăn Vi [an Ho#i đông kong pơlê, teăng mâ ăm tôh kơpho# 12 hiăng tơpui tối ‘na mâu tơdroăng ki ai tơdjâk troh tăng troăng vâ kum re\ng mơjiâng pro kơpong Hngêi kơmăi bêng Lộc Tiến ki to lâi khế hơnăm kố ôh tá l^ng mơjiâng pro; ki hrá dêi tơdroăng mơjiâng pro [ă hrá tung chêl thiăn liăn ngân ăm mâu rơpo\ng hngêi ki tro thế xe#n hngêi trăng, kơdrum deăng a kơpong Hngêi trung Đăi hok Tôn Đức Thắng; tơdroăng ki to\ng kum [ă tơleăng mơnhên mâu phon rơvât ki ôh ti dâi; cheăng to\ng kum ‘na mâu khu ngế ki ai hnoăng cheăng ăm kăn [o# a pơlê cheăm [ă hía hé…

Peăng xêi xuân tung hâi ki mê, khu kăn ki trâm mâ, tơpui tơno [ă kuăn pơlê a bêng Lộc Sơn, ai hên rơkong tơpui tối, pâ thế dêi mâu kuăn pơlê a kố, bố bố tá tô tuăn, hêng hôu ‘na tơdroăng ki mơjiâng pro Hngêi kơmăi Lộc Sơn hrá kâi klêi, xuân môi tiah hrá pro klêi kơpong ki ăm kuăn pơlê lăm rêh ối nếo a Đông Đô, pro ôh tá tro tiô lơgât ki hiăng kơchuâ chêh, pro chiâng pá păng ‘nâng ăm tơdroăng rêh ối, cheăng kâ dêi kuăn pơlê ki ối a kơpong kố; tơdroăng ki xing xoăng tơnêi tơníu xuân hrá, tơvâ tơvân [ă ton ó; ai mâu tơdroăng pơkâ ki ‘no liăn mơjiâng pro troăng prôk ti hâi tơdrăng [ă ôh tí tơpui mơnhên ăm kuăn pơlê châ ‘nâi; tơdroăng ki ‘no liăn, pơkâ cheăng pro troăng prôk ôh tá môi tiah dêi pó, xuân pro pá ăm cheăng kâ rêh ối kuăn pơlê; ôh tí hâi tơdrăng tung chêh tối liăn ngân [ă ‘na tơmeăm khoăng [ă mâu kăn [o# pơkuâ ngăn bêng, cheăm; pơkuâ ngăn a kơpong kơpho# tung cheăng mơjiâng tơkăng troăng prôk ki kuăn [ă troăng prôk kân tá hâi tơ’mô [ă xuân hâi teăm ai túa ki vâ pơxâu phak [ă khu ngế ki pro xôi; tơdroăng ki pơkuâ ngăn [ăng tơnêi a mâu tíu ki ôh tá l^ng mơjiâng hngêi trăng, xuân tá ai khu ki lâi vâ tơleăng mơnhên, khoh chiâng ai hên mâu tơdroăng ki tơhôu tơhêng, tơxiăn tơpâm; tơdroăng ki ăm mung liăn vâ ‘mâi pêt tơmó, pêt nếo loăng kơphế xuân hrá, tơdroăng chêh bro hlá mơ-éa ối hrá, tá hâi vâ môi tuăn tung kơlo ki nâp liăn pro troăng prôk a mâu pơlê cheăm tung kơpong…

Xuân tung hâi lơ 17 khế 6, drêng trâm mâ, tơmâng rơkong tơpui tối dêi kuăn pơlê a 4 to cheăm: Lộc Đức, Lộc Ngãi, Lộc Bảo [ă Lộc Phú, tơring Bảo Lâm, mâu kuăn pơlê dêi mâu cheăm hiăng pâ thế hên tơdroăng ki ai tơdjâk troh tơdroăng ki re\ng mơjiâng pro troăng prôk troh a mâu thôn pơlê, tơdroăng ki xing xoăng tơnêi pêi chiâk pêi deăng ăm kuăn pơlê cho hdroâng mơngế kuăn ngo, troăng hơlâ, liăn ngân kum ăm mâu ngế ki ai hnoăng tơnêi têa, kơxo# tơnêi ki vâ mơjiâng mâu hngêi trung hnê hriâm, on bâ eăng [ă on tơhrik ki vâ xúa rêm hâi, tơdroăng ki pro ăm theh [aoh hiêm khăm pơlât ăm kuăn pơlê [ă pơkâ thế pơcháu ăm kuăn pơlê rak vế ngăn kong … Mâu kuăn pơlê xuân púi thế kal ai troăng hơlâ, liăn ngân kum hnê cheăng pêi, tăng cheăng pêi ăm kuăn muăn-cháu chái cho hdroâng mơngế kuăn ngo; kal athế re\ng ‘no liăn, ivá mơjiâng pro troăng prôk troh a mâu thôn pơlê, kum ăm kuăn pơlê tơ’lêi hlâu tung rêh ối, pêi chiâk pêi deăng; to\ng kum mơjiâng pro mâu hno têa, rơchôa vâ khoh chía tơniăn tung pơla kong tô mơdrăng, bê têa vâ tôh ăm mâu klâng chiâk, tơmeăm pêt; pơtối mơnhong ‘na hnoăng pơkuâ dêi tơnêi têa ‘na kơvâ rak ngăn tơnêi tơníu, tơmeăm khoăng tung kơdâm tơnêi, tung têa; tơdroăng ki pơkuâ rak ngăn kong a [ăng tơnêi ki pơcháu ăm khu mơdró kâ rak ngăn ối chúa lôi lế, tá hâi ai troăng hơlâ rak ngăn kơhnâ khât.

Pôa Nguyễn Xuân Tiến, Kăn hnê ngăn Ho#i đông kong pơlê Lâm Đồng hiăng tối mơnhên [ă hlo mâu rơkong tơpui tối, pâ thế dêi kơdrâm kơdre#ng kuăn pơlê, ngăn mê cho ki xiâm dêi tơdroăng nếo ai ki kal păng ‘nâng vâ kum ăm hnoăng cheăng pơkuâ châ re\ng ‘nâi klê hiâm mơno, tuăn tơmiât dêi kuăn pơlê púi vâ. Pôa Nguyễn Xuân Tiến hiăng tiâ tối mơnhên [ă pơkâ thế pơlê kong kơdrâm Bảo Lộc tơru\m mơnhên ngăn, tơleăng mâu rơkong ki kuăn pơlê hiăng púi thế mê, ki ối tung 6 kơvâ: ‘mâi rơnêu túa chêh bro hlá ph^u, hlá mơ-éa drêng chêh pro ăm kuăn pơlê vâ xúa tơnêi tơníu; re\ng tơleăng mơnhên mâu tơdroăng ki ối chúa lôi, lơ hrá pro ‘na chêl thiăn liăn ngân [ă tơnêi ki xo dêi kuăn pơlê [ă re\ng mơjiâng pro rôh má 2 Hngêi kơmăi Lộc Sơn (pơlê kong kơdrâm Bảo Lộc); thăm rế pro mơdêi tơdroăng ki tơplâ mơdât [ă kâ kơhveăm liăn ngân; pêi pro tơdrăng khât tơdroăng ki chêh tối [ă tơbleăng pơtâng kế tơmeăm, liăn ngân tung kăn [o# pơkuâ ngăn; pêi pro tiô troăng hơlâ ki kum ăm mâu ki ai hnoăng tơnêi têa [ă mâu ngế hơnăm hiăng krâ; hnê tối [ă tơbleăng khe#n i nhên ăm kuăn pơlê ‘na troăng hơlâ ki nâp liăn rôe ph^u [aoh hiêm khăm pơlât ivá châ chăn.

U ối mâu tơdroăng ki tá hâi teăm châ tơbleăng tối, tiâ mơnhên a roh hôp dêi Khu kăn Ho#i đông kong pơlê, [ă tơkêa kô tiâ mơnhên [ă hlá mơ-éa pơtroh ăm kuăn pơlê. Mâu tơdroăng kal tơno tơnêng, tơpui tơno trâu hơngế xuân hiăng châ Khu kăn teăng mâ chêh xo, chúa vế vâ pơtroh mâu rơkong ki mê troh a Ho#i đông hnê ngăn kong pơlê tung rôh hôp má 13, Hneăng 8, tiô tối hdrối kố hôp a khế 10 la ngiâ.

Nhat Lisa tơplôu