VOV4.Sêdang - Hâi lơ 9/4, Khu kăn séa ngăn Kuo#k ho#i hiăng pêi cheăng [ă mâu kăn kong pơlê Lâm Đồng ‘na tơdroăng cheăng hbrâ mơdât on chếo. Tiô tối tơbleăng, tung 5 hơnăm hiăng luâ, lâp tung kong pơlê Lâm Đồng hiăng ai lối 300 hdroh on chếo, kế pơtôu, on chếo kong, pro 13 ngế hlâ,18 ngế tro rong, lup tơmeăm khoăng xêo lối 61 rơtal liăn [ă lối 300 ha kong.

Nôkố Lâm Đồng hiăng hbrâ 33 toăng rơxế pâ on, ‘no liăn krâ ‘măn lối 1.000 to trăng têa, 850 pro tíu meăn hdoăng têa vâ xúa drêng pâ on chếo a mâu tíu pêi cheăng. Lâp tung kong pơlê hiăng mơjiâng 147 khu kuăn pơlê hbrâ rơnáu vâ krếo khe\n drêng ai tơdroăng kal, lối 4.000 khu tơpâ mơdât on chếo a mâu tíu pêi cheăng.

Mâu khu râ pơkuâ cheăng tơku\m po rơpâu hâi hnê tối, po lâm hnê luât ăm kuăn pơlê ‘na hbrâ mơdât, tơpâ on chếo. Khu séa ngăn tối thế kong pơlê Lâm Đồng kal rak ngăn krâu khât mâu tơdroăng cheăng hbrâ mơdât tơpâ on chếo a mâu tíu hơ’lêh tơdroăng xúa hngêi ối chiâng tíu tê mơdró ăm tơmối kâ koi ối pơtê, pro hngêi pơtê, Homestay vâ tơniăn ăm mơngế [ă tơmeăm khoăng dêi tơmối [ă kuăn pơlê.

Hneăng hôp a Lâm Đồng

Hdrối mê, Khu kăn séa ngăn Kuo#k ho#i hiăng pêi cheăng [a\ tơring Đức Trọng [a\ Tíu xiâm hriăn ple\ng ‘na trếo tik nik Đà Lạt ‘na tơdroăng hbrâ tơpâ on chếo.

A Tíu xiâm hriăn ple\ng trếo tik nik Đà Lạt, tung 5 hơnăm hiăng hluâ ôh tá ai tơdroăng ki chếo, pơtôu ki lâi. Khu kố hiăng mơjiâng troăng [ê tong tâ tá kơdrum; krâ kơmăi tơbleăng chếo a mâu kơpong ki kal; mơjiâng tíu kơdoăng têa; mơjiâng khu hbrâ tơpâ on chếo… Khu kăn séa ngăn pâ thế Tíu xiâm hriăn ple\ng trếo tik nik Đà Lạt ôh tá tơngôu, đi đo hbrâ tơmeăm vâ mơdât drêng ai tơdroăng chếo pơtôu.

A Sa Ly, Gương tơplôu [a\ tơbleăng