Lâm Đồng tơpui tơno [a\ khu tê mơdró

A hneăng hôp, ai hên mâu khu mơdró kâ hiăng pâ thế kong pơlê Lâm Đồng to\ng kum tah lôi mâu tơdroăng ki pá puât ki hiăng [ă dế trâm tung mâu kơvâ ‘na tơnêi tíu, hngêi rak liăn, kum hnê ‘na cheăng khoa hok [ă kơmăi kơmok, tơdroăng nếo ai, veăng kum ‘no liăn tê mơdró kâ [ă ôm hyô, xing xoăng tơnêi kum ăm mâu khu mơdró kâ ki ku\n [ă krâ kơvâ, veăng kum khu mơdró kâ tah lôi mâu tơdroăng ki tơkêa bro vâ tơbriât tơnêi tíu.

Mâu khu mơdró kâ xuân pâ thế kong pơlê mâu tơdroăng pêi pro tơdjuôm, kơdroh tah lôi ki ôh tá ai pơxúa ki klâi ăm tơdroăng ki mơnhông mơdêk pơlê pơla, ai tơdjâk troh tơnêi tíu, tung têa, kong kế dêi tung kơpong. Tung mê, ai hên mâu kăn ai tối ‘na tơdroăng ki ko ‘nhê kong, tơbriât tơnêi kong [ă gu pro tơbăng tíu tơníu u kố u mê, ko kong ôh tá tro tơdroăng.

Tiô pôa Nguyễn Đức Phúc, Ngế pơkuâ Ko\ng ti tơlo liăn cheăng ôm hyô ‘na kong kế Phương Nam tối ăm ‘nâi, tơdroăng pêi pro ôh tá pôu râng dêi hnoăng cheăng tơná tung tơru\m cheăng pơla khu râ, kơvâ cheăng hiăng pro pá puât hên ăm tơdroăng pơkuâ rak ngăn kong. Kong pơlê kal ai túa cheăng ki mơdêi vâ mơdât hlối tơdroăng ki ko ‘nhê kong tiah ai dế nôkố:

‘’Á cho ngế ki pêi cheăng kâ, vâi pơcháu tơnêi, pơcháu kong ăm á la lôi ai tơdroăng ko ‘nhê kong á ôh tá pôu râng tơdroăng mê, la nôkố tung luât hiăng chêh tối nhên, troh hnoăng cheăng dêi khu kăn pơkuâ mê cho cheăm. Drêng á lăm tí tăng ngăn [ă râ rup châ hên khu, châ xo loăng liâ kơmăi, la troh mơ’nui ôh tá ai khu ngế ki veăng kum á vâ tơleăng.

Á hiăng krếo Kăn hnê ngăn cheăm, mê ga tối kô krếo mơngế troh, la tơkôm luâ kơmăng dế ki mê á ôh tá chiâng kroăng rak mơngế, pro ti mê tơná pin ki ôh pá tro, tơkéa vâ tối hiăng thu kơ vâi ki ko kong. Á pêt kong hiăng chiâng kân, vâi djâ loăng liâ kơmăi lăm uâ, á xuân hiăng châ rup [ă chêh bro hlá mơ-éa pơcháu, la klêi mê xuân ôh tá ai kơbố ki vâ rup tơleăng. Tơkâ luâ tiah mê plâ 24 hơnăm, troh a chôu phut kố xuân kal ai troăng hơlâ thế mâu khu râ, kơvâ cheăng kal tơru\m [ă dêi pó vâ khoh châ rak vế ngăn kong’’.

Xông tơpui a roh hôp, pôa Đoàn Văn Việt, Kăn hnê ngăn kong pơlê Lâm Đồng hiăng châ tâng, châ ‘nâi hên rơkong tối thế dêi mâu khu mơdró kâ. Pôa mơnhên tối, troăng hơlâ dêi kong pơlê mê cho veăng kum pêi pro mâu tơdroăng ki tơ’lêi hlâu má môi ăm khu mơdró kâ châ pêi cheăng. {ă mâu tơdroăng ki tá hâi châ chiâng pêi pro tung hnoăng pơkuâ rak ngăn kong, pơkuâ ngăn tơnêi tíu, tơmeăm khoăng tung têa, tung tơnêi [ă kong kế, mê kong pơlê xuân tơku\m pơkâ pêi pro mâu troăng hơlâ ki rơdêi vâ ‘mâi rơnêu tung la ngiâ:

‘’Ai tơdjâk troh kong [ă hnoăng pơkuâ rak ngăn kong, ôh tá pôu râng dêi hnoăng cheăng mê khoh lôi ai khu ngế ki ko ‘nhê kong, kố cho tơdroăng ki dế tô, tơdroăng kố hlo ai a hên tíu, ngin ‘nâi ti mê vâ pơtối ai troăng hơlâ pêi pro khoh kâi chuâ mơdât i le\m tro tâ.

Á xuân pâ thế mâu khu mơdró kâ ki ai tơdjâk troh vâ pơkuâ ngăn ‘na tơdroăng rak ngăn kong, kal athế tơpôu râng hnoăng cheăng [ă tơdroăng rak ngăn kong vâ kong pôi tá tro khu ki ‘mêi pro tơ’nhê. Lơ tâng vâ tối túa ki ê, drêng hiăng pơcháu ăm khu mơdró kâ mê khu mơdró kâ athế pôu râng hnoăng cheăng, athế ai tu\m khu râ ki vâ rak ngăn kong, rak vế tơdroăng tơkêa bro dêi tơná.

Á xuân hiăng tâng, hiăng ‘nâi mâu rơkong tơpui tối pâ thế, tơdroăng rak ngăn kong kal athế ai khu ki pêi to tơdroăng kố, pêi krâu tâ, mê cho rơkong tơpui tối ki ‘ló. Ki pói rơhêng vâ má môi dêi khu kăn pơkuâ ngăn tơring, cheăm mê cho athế ai hnoăng cheăng veăng kum pro tơ’lêi hlâu má môi ăm khu mơdró tung pêi pro hnoăng cheăng [ă mơnhông dêi hnoăng cheăng tơná’’.

Quang Sáng chêh

Nhat Lisa tơplôu [ă tơbleăng