VOV4.Sêdang - Tung tơdroăng rêh ối rêm hâi, krui chô châ xúa pro hên tơdroăng. Ôh tá xê to pro têa ôu kơdroh khăng krôk, pro têa tơvât tung kơchâi kâ, mê ối chiâng pro pơkeăng khăm pơlât [ă hlá nhâ, krui chô ối hên tơdroăng ki xúa tung rak vế ivá [ă rêh ối. Tơdroăng ‘’Ivá [ă rêh ối hâi kố, ngin tối ‘na ki pơxúa dêi krui [ă ivá [ă tung rêh ối’’.

 Kui chô ai trếo ki pro le\m tung klêa, tơ’lêi pơyâng, kơdroh tô tung châ, tah trếo ‘mêi

-Tiê xo môi péa kơtó têa krui chô tung têa tôu ro vâ ôu kô pro tơ’lêi le\m tung klêa, malối [ă vâi hdrêng drêng tung klêa vâi ôh tá le\m.

-Mơgế ki nhăng mơđu\ng klêa thế ôu têa krui chô rêm hâi kô tơ’lêi lăm pơyâng [ă kô ai ivá kâi trâng mơdât pơreăng.

-Mâu tơdroăng ki lơ tô tung châ ki hên xua ôh tá lo\n kâ kế, mê khoh pro tung châ chiâng rơlâi rơlo. Thế ôu 2 pái kơ’lo têa krui chô hơ’lâk [ă xik rêm hâi vâ tơ’nôm vitamin C [ă xik mot tung châ, pak^ng mê, hnối ai trếo ki pro kơdroh tô tung châ, tâng lơ lo hơbáu xua tô ah kô re\ng prêi.

-Têa krui chô, hơ’lâk po ối chiâng vâ pro kơdroh khăng krôk, tah têa kơhêa, tâ phuâng tung krôk. Túa têa ôu kô, malối tơtro [ă mơngế ki pêi cheăng hngăm, hên vitamin [ă trếo ki hía xua ‘no tah hên têa ki lo môi tiah têa kơxô.

Kơtôu krui chô ối drêh pro kơchâi kâ kô kơdroh ki hngiú dêi hơ’nêh pêap.

Krui chô kô chiâng kơdê pơreăng, mơgrúa le\m, pro krúa mâu tơmeăm xúa tung rơpo\ng hngêi.

-Krui chô ai trếo ki kâi kơdê pơreăng tíu hơbáu rong xua tro oâ hdrong kâ, pó xuân chiâng kơto môi kơto têa krui chô ki hiăng xếo krúa le\m tâ tá tíu tro kế kâ kô prêi le\m.

 -Xếo krúa rơpê ăm vâi ‘ne\ng; Hơ’lâk iâ po [ă têa krui chô, xo kên kơpê krúa kơ’nhâm têa ki mê vâ xếo rơpê ăm vâi ‘ne\ng krúa.

-Xo têa krui chô vâ xếo ká pro ăm krúa tâ, le\m ton ôh tá re\ng u\m [ă ôh tá xú khê.

-Drêng pó kêi kơchâi ho\ng hối, kơchâi pôm ló, chiê roâ priât tro krêa chhá, thế xo têa krui chô vâ xếo ko\ng kô re\ng tah chhá ki krêa.

-Drêng kơpeăng ko\ng pó hliâk ai kơ[o\ng krêa, pó thế xếo ko\ng [ăng têa krui chô, trếo dêi kơ[o\ng ki rơlối kô tro xut tah, kơpeăng ko\ng kô tâi ki hliâk dêi kơ[o\ng.

-Drêng tơmeăm xúa ing chhá nilon tro phôk, thế pôe krui chô tơdế pik a tíu ki phôk, tá troh la lâi hiăng tâi ki phôk xo kên xut le\m krúa.

-Drêng cheâng kho\ng kéa hiăng ton, kéa x^ng, kơtô, thế xo têa krui chô pik a kéa cheâng kho\ng, klêi mê, xo kên xut ăm x^ng mê nếo pik xi bro chhí chêang kho\ng. 

-Kế mơjí lơ tô lối râ kô chiâng pro mơngiơk tr^ng, vâ kế mơjí rơbông nếo, thế kế mơjí kep drăng tru\m dêi kơxái on tơhrik ăm gá tô, klêi mê tah kơxái ki tơdjêp a tru\m kơxái on tơhrik, xo tơdế hni plâi krui chô tuât a tíu ki tr^ng dêi kế mơjí klêi mê xo kên x^ng le\m xut, ah kế mơjí kô rơbông môi tiah hdrối.

-Pôe tơdế krui chô măn a víu kơtuh hơngiú, kơtuh ‘măn kế kâ kô ôh tá xú ‘mêi.

Krui chô ối chiâng bro le\m ăm vâi kơdrâi:

-Tiê xo têa krui chôu tung têa hum ko ah xâk kô chí, rơmuăn le\m, krúa ôh tá ai kơmôk.

-{ă kéa ngiâ tâng pê hliâk, nhe#n: Tiê xo môi kơto têa krui chô hơ’lâk tơchuôm [ă môi uâng krui ngeăm, pik a ngiâ lôi 10 phut [ă klêi mê bâu krúa, ah kéa ngiâ kô tâi ki nhe#n. 

-{ă mâu kéa ki ho\n: Xo têa kơdruâ hơ’lâk [ă môi péa kơto têa krui chô, pik a ngiâ 15 phut klêi mê bâu ngiâ [ă têa hngiú.

-Tah kéa ki tơlêa: Têa krui chô [ă xik, lơ têa kơdruâ cho têa ki vâ tah kéa ki ho\n hiăng krâ a ngiâ [ă tung lâp châ kô hlo tơ[rê [ă tơ’lêi hlâu.

-Tah xú mơ-êh a dik bli: Tiê xo têa krui chô pik a dik bli klêi hum, lôi môi tiah mê tung pơla 15 phut klêi mê xếo [ă têa tôu o-ol, klêi to lâi khế pro môi tiah mê kô ôh tá xú mơ-êh xếo dik bli.

Tơdroăng ‘’Ivá [ă rêh ối’’ hâi kố troh akố hiăng tâi. Mơnê pó vâi krâ nho\ng o hiăng klêi tơmâng. Pó kô tơmâng ngin tối rôh kơ ‘nâi ah nếo.

Gương tơplôu [a\ tơbleăng