Tung khế 8 kố nah, ai 4 ngế sap ing 11 troh 26 hơnăm a péa to cheăm Đăk Ui [ă Ngọc Réo, tơring Đăk Hà athế mot pơlât a kơvâ Y học Nhiệt đới, Hngêi pơkeăng kân kong pơlê Kon Tum pơlât xua nhôm tâ pơreăng êi rơtốu krôk. Mâu rôh pâk séa ngăn mơheăm klêi kơ’nâi mê dêi Vie#n vệ sinh dịch tễ Tây Nguyên tối nhên, tá 4 ngế ki kố pơrá dương t^nh [ă vi khuẩn êi rơtốu krôk.

Tơdroăng ki rơhêng vâ tối cho pơreăng êi rơtốu krôk mơni kô pro hên tơdroăng ki rơ-iô ăm ngế ki tâ, môi tiah êi plâi nuih, ah chiâng êi pơtok nong, kơxái veăn ngôa [ă chiâng hlâ tung pơla iâ hâi khế, mê kơvâ ngăn pơkeăng [ă khăm pơlât kong pơlê ôh tá kâi pơlât tơ-[rê ăm ngế ki tâ xua ôh tá ai pơkeăng ki mơdât pơreăng êi rơtốu krôk.

Môi ngế ki tâ pơreăng êi rơtốu krôk dế pơlât a Hngêi pơkeăng kân kong pơlê Kon Tum

{ok thái pơkeăng Lê Thị Chi, kăn pơkuâ Kơvâ Y học Nhiệt đới, Hngêi pơkeăng kân kong pơlê Kon Tum ăm ‘nâi, hngêi pơkeăng bu chiâng xúa pơkeăng kháng sinh kơdê vi khuẩn vâ pơlât ăm ngế ki tâ:

‘’Tro pơreăng êi rơtốu krôk ki ôh tá ai pơkeăng vâ hbrâ mơdât mê kơxo# pơreăng chiâng hơ’lêh hên pơreăng ki ê. Xua mơdât ‘mêi bu chiâng xúa huyết thanh mơdât ki ‘mêi vâ pro tơdâng ki ‘mêi xo, mê nôkố bu pơlât tơdroăng ki mơhno cho kháng sinh mơdêk ăm ngế ki tâ pơreăng xo’’.

Tiô [ok thái pơkeăng Hngêi pơkeăng kân kong pơlê Kon Tum tối, tâng bu xúa kháng sinh vâ pơlât ăm ngế ki tro tâ pơreăng êi rơtốu krôk mê bu kơdê pơreăng [ă pơlât tơngê ăm ngế ki tâ mê xo, mê ôh tá ai vâ pro tơdâng ki ‘mêi mơdât ăm gá pro hơ’leh. Tâng ôh tá mơhúa ki ‘mêi gá kô mot tung châ chăn tiô troăng ki phá tơ-ê dêi pó mê kô pá tung tơdroăng ki mơdât.

Xua mê, ngế ki tro pơreăng klêi kơ’nâi pơlât [ă kháng sinh mơni kô châ lo ing hngêi pơkeăng la xuân athế lăm khăm ngăn đi đo vâ séa ngăn ivá châ chăn [ă tơdroăng ki hơ’leh dêi pơreăng. ‘Na xiâm kối ngế ki tâ pơreăng Hngêi pơkeăng kân kong pơlê Kon Tum troh nôkố xuân tá hâi ai huyết thanh mơdât ki ‘mêi dêi pơreăng êi rơtốu krôk, [ok thái pơkeăng Lê Vú Thức, kăn pho\ pơkuâ Hngêi pơkeăng, ăm ‘nâi:

‘’Tung hơnăm 2018, kơxo# mơngế tâ pơreăng êi rơtốu krôk tâk hên, Hngêi pơkeăng kân kong pơlê hiăng ai hlá mơéa pơtroh ăm Khu xiâm ngăn pơkeăng [ă khăm pơlât vâ tối ‘na tơdroăng kố. Khu xiâm ngăn pơkeăng xuân hiăng hnê mơhno ăm Khu ki rak ngăn pơkeăng pơkâ thế mâu Ko\ng ti ki tê [ă roê huyết thanh. Laga, sap ing mê troh nôkố mâu Ko\ng ti xuân tá hâi roê. Nôkố a Hngêi pơkeăng kân kong pơlê Kon Tum tá hâi ai huyết thanh’’.

Maluâ tá 4 ngế ki tâ pơreăng êi rơtốu krôk tung khế 8 kố nah a kong pơlê Kon Tum pơrá hiăng prêi lo ing hngêi pơkeăng tung tơdroăng ki ivá tơniăn. La tá ngế ki tâ [ă kơvâ ngăn pơkeăng kong pơlê pơrá ối tung tơdroăng ki ôh tá tơniăn xua tá hâi huyết thanh mơdât ‘mêi pơreăng êi rơtốu krôk. Hdrối mê a hơnăm nah, pơreăng êi rơtốu krôk hiăng tâ tú nếo a kong pơlê Kon Tum klêi kơ’nâi 11 hơnăm ôh tá ai ngế ki lâi tâ pơreăng [ă tung 10 ngế tro pơreăng hiăng ai 2 ngế hlâ.

Khoa Điềm chêh

Katarina Nga tơplôu [ă tơbleăng