Vâ chê 1 khế kố hâi ki lâi xuân môi tiah mê, ngoh A Tú, kăn thôn pơlê Kon B^, cheăm Đăk Tờ Lùng, tơring Kon Braih troh tơrêm rơpo\ng kuăn pơlê tung pơlê vâ hnê ăm kuăn pơlê ‘nâi túa hbrâ mơdât pơreăng. Kơnôm ing tơdroăng ki kăn thôn A Tú hnê tối, mê 78 rơpo\ng kuăn pơlê dêi pơlê xuân ‘nâi cheăm tơring dế ai pơreăng êi rơtốu krôk, tơngê lo mơheăm [ă mơdêk hnoăng cheăng hbrâ mơdât pơreăng.

Tơdrêng [ă kăn [o# ngăn pơkeăng a cheăm, kăn thôn, krâ pơlê, ngế ki kuăn pơlê pâ nhoăm cho pơlê Kon B^ hiăng ai hên hnoăng veăng ‘no hên tơdroăng cheăng hnê tối kum kuăn pơlê mơdêk hlê ple\ng [ă ‘nâi ple\ng tung hbrâ mơdât pơreăng. Ngoh A Tú, kăn thôn pơlê Kon B^, cheăm Đăk Tờ Lùng, tơring Kon Braih, ăm ‘nâi:

‘’{ă tơdroăng cheăng cho kăn thôn thế lăm hnê tối ăm kuăn pơlê. Cheăm pơcháu ăm thôn mâu kên pâng môh rơkong á xuân x^ng xoăng ăm kuăn pơlê. Rơpo\ng ai 5 ngế mê ăm 5 plâ kên pâng môh - rơkong. Rơpo\ng ki ai 4 ngế mê xuân ăm 4 to kên pâng môh - rơkong. Thế mâu ki kân bú lo pá gong la lâi ai tơdroăng kal tê. Lăm a chiâk pôi tá tơku\m hên ngế. Drêng ai ngế ki tơviah á xuân tối tơbleăng ăm mâu kăn’’.

Kăn [o# cheăm Ya Xiêr, tơring Sa Thầy hnê kuăn pơlê cài Bluezon hbrâ mơdât pơreăng Covid-19

Ki khât gá ăm hlo ối achê 600 pơlê hdroâng kuăn ngo dêi kong pơlê Kon Tum cho mâu kăn thôn, krâ pơlê, mâu ngế ki kuăn pơlê pâ nhoăm mê cho mâu ki hnê tối xúa vâi ối achê kuăn pơlê, achê rơpo\ng hngêi má môi, kum kuăn pơlê hlê mâu tơdroăng, ôh tá préa pro\ng [ă loi khât a mâu luât pơkâ hbrâ mơdât pơreăng. Pôa Nguyễn Văn Niệm, Kăn hnê ngăn Vi [an cheăm Ya Xiêr, tơring Sa Thầy ăm ‘nâi, kơnôm ai mâu khu ki mê, mâu kăn cheăm hiăng rak ngăn hnê mơhno nhên khât ăm mâu ngế tung kơpong ki lo ing kơpong ai pơreăng Covid-19 tâ tú:

‘’Kăn [o# a thôn pơlê ối achê kuăn pơlê, achê hngêi drêng ai kuăn pơlê ing tíu ê vêh re\ng ‘nâi hlối lăm pôu. Hnê ăm kuăn pơlê ki mê lăm pôu a hngêi pơkeăng chêh tối inâi tơdroăng dêi tơná [ă hlối pro mâu hlá mơ-éa rak ngăn a hngêi pơkeăng. Vâ mơdêk hlê ple\ng ăm kuăn pơlê mơjiâng tôh, khu ki lăm troh tung pơlê hnê tối tơdrêng amê. Malối kuăn pơlê châ klâ krê a hngêi pêi pro tro tiô pơkâ, kăn [o# thôn pơlê, klêi mê đảng viên troh a hngêi hnê tối tiô pơkâ klâ krê vâ châ tơ-[rê’’.

Khu hnê tối lăm troh ukố umê hnê hbrâ mơdât pơreăng a cheăm Ngọc Wang, tơring Đăk Hà troh a tơrêm hơlâ troăng, tơrêm pơlê vâ hnê ăm kuăn pơlê

Vâ hbrâ mơdât 3 túa pơreăng ki dế tâ tú a kơpong hdroâng kuăn ngo châ tơ-[rê, tơdrêng [ă tơdroăng pơtối rak vế pêi pro tro hnoăng cheăng dêi kăn thôn, krâ pơlê, mơngế ki kuăn pơlê pâ nhoăm, mâu kăn dêi mâu cheăm tung kong pơlê Kon Tum hên túa hnê tối kum kuăn pơlê ‘’Tơ’lêi hlo, vâ hmâng, hlê tơdroăng ki hnê, hlối re\ng pâ tung tuăn [ă tơ’lêi pro tiô’’.

Troh a pơlê ki lâi tung mâu hâi ki kố xuân hlo vâi tơbleăng pa-nô, ap-phích chêh hnê tối xua kơvâ ngăn pơkeăng pơlât, mâu kăn, khu grup a cheăm bêng tơbleăng hnê a mâu tíu hên ngế kuăn pơlê. Tơdrêng amê, mâu cheăm xuân ối mơ’no loa ki oh tá ai kơxái, mơjiâng khu hnê tối lăm prôk tơbleăng ukố umê a tơrêm hơlâ troăng, rêm pơlê, hnê kuăn pơlê hbrâ mơdât pơreăng.

Tơdroăng hnê tối châ chêh tơtro [ă tơdroăng re\ng hnê mâu tơdroăng ki hnê ing tơrêm khu, rêm ngế. Pôa A Trúc, Kăn pho\ hnê ngăn Vi [an cheăm Ngọc Vang, tơring Đăk Hà, ăm ‘nâi:

‘’Sap ing ai mâu pơreăng tâ tú cheăm tơring xuân hbrâ hnê tối ăm kuăn pơlê pêi pro tro tơdroăng kơpuih văng krúa hngêi trăng, klông troăng vâ hbrâ mơdât pơreăng, ăm hlá mơ-éa chêh. Cheăm mơjiâng Khu ki lăm hnê tối troh ukố umê lăm troh a mâu thôn tung cheăm. Kăn [o# ngăn ‘na mơhno túa le\m tro xuân chêh mâu tơdroăng vâ hnê a cheăm pơlê hnê kuăn pơlê vâ kuăn pơlê hlê. Ing mâu rôh hnê tối tiah mê tâi tâng kuăn pơlê hiăng ‘nâi hlê [ă tơdroăng pơreăng tâ tú troh nôkố xuân hâi hlo ai tơdroăng klâi ki rơ-iô. 

Khoa Điềm thực hiện

Gương tơplôu [ă tơbleăng