Ko\ng ti Hngêi kơmăi on tơhrik Ia Ly, ối tung Grup pơkuâ ngăn on tơhrik Việt Nam nôkố dế rak ngăn 3 to hngêi kơmăi on tơhrik a kroăng Sê San, cho hngêi kơmăi on tơhrik Ia Ly, hngêi kơmăi on tơhrik Plei Krông [ă hngêi kơmăi on tơhrik Sê San 3, ối tung péa kong pơlê Kon Tum [ă Gia Lai. Tâi tâng ivá dêi 3 toăng hngêi kơmăi on tơhrik kố ai 1080 MW, ki xúa on tơhrik rêm hơnăm dâng 5,3 rơtal KWh.

Kố cho tíu cheăng ki ai tơdroăng dâi le\m dêi on tơhrik ối má 4 tung lâp tơnêi têa, kum kal khât ăm on tơhrik tơnêi têa. Tiô pôa Lê Văn Thuyết, kăn pho\ pơkuâ Ko\ng ti hngêi kơmăi on tơhrik Ia Ly tối, tíu cheăng kố đi đo pêi tro tơdroăng cheăng liăn ngân ‘na ‘no mơhá ăm tơdroăng rak ngăn kong tiô tơdroăng pơkâ 99 dêi Chin phuh.

Ki nhên gá, sap ing hơnăm 2014 troh hơnăm 2016, ko\ng ti hiăng nâp ăm khu râng liăn mơnhông mơdêk pêt kong Việt Nam [ă péa kong pơlê Kon Tum, Gia Lai [ă kơxo# liăn ai lối 270 rơtal. 9 khế apoăng hơnăm kố, kơxo# liăn ăm tơdroăng ki rak ngăn kong ki ko\ng ti nâp xuân hiăng tâk troh 77 rơtal liăn:

‘’Nôkố tơkêa pơcháu mê ngin hiăng k^ [ă khu râng liăn [ă thăm pêt mơjiâng kong Việt Nam ăm tơdroăng tơkêa bro On tơhrik Sê San 3 [ă hngêi kơmăi on tơhrik Ia Ly, xua péa tơdroăng tơkêa kố ai têa kroăng ối a péa kong pơlê. Mê [ă tơdroăng tơkêa hngêi kơmăi on tơhrik Plei Krông ngin k^ [ă khu râng liăn mơnhông mơdêk [ă pêt kong dêi kong pơlê Kon Tum.

Rêm hơnăm, ngin tơru\m [ă mâu khu râng liăn kố tung hnoăng cheăng nâp kơxo# liăn ‘no ăm khu râng liăn tro hâi khế. Tung mâu hơnăm hiăng luâ, hnoăng cheăng kố ngin hlo pêi pro tơ’lêi hlâu, nhên, tơdrăng’’.

Tung kong pơlê Kon Tum nôkố ai 29 toăng hngêi kơmăi on tơhrik dế pêi cheăng, athế ‘no hrê ăm tơdroăng ki rak ngăn kong [ă lối 360 rơpâu ha kong châ ‘no mơhá, châ lối tơdế [ăng tơnêi kong chiâng xêh dêi kong pơlê.

10 khế hơnăm 2017 kố, mâu tíu cheăng hiăng nâp ăm khu râng liăn [ă mơnhông mơdêk pêt kong dêi kong pơlê Kon Tum kơxo# liăn ai vâ chê 120 rơtal. Rơtế [ă mâu hngêi kơmăi on tơhrik ki kân, tíu cheăng ki ối tung tơnêi têa, ki hên mâu tíu cheăng hngêi kơmăi on tơhrik ki ku\n, ối tung khu mơdró kâ phá xuân pêi pro tiô túa ki tơtro hnoăng cheăng liăn ngân drêng xúa têa vâ mơ’no on tơhrik.

Pôa Nguyễn Đình Tuy, kăn xiâm pơkuâ Ko\ng ti hngêi kơmăi on tơhrik Đak Rơ Sa ăm ‘nâi, ko\ng ti dế rak ngăn 2 toăng hngêi kơmăi on tơhrik mơ’no on tơhrik a kroăng Đak Tờ Kan, môi thông têa dêi kroăng Sê San, ối tung tơring Đăk Tô, kong pơlê Kon Tum [ă tâi tâng ki têi vâ chê 10 MW.

Ko\ng ti hiăng pêi cheăng châ 10 hơnăm sap ing ai troăng hơlâ ‘no mơhá liăn ăm tơdroăng rak ngăn kong, ko\ng ti pơrá pêi klêi hdrối hâi khế pơkâ:

‘’Tung 10 hơnăm pêi cheăng, kơxo# têa xuân hiăng hlo tơniăn, vâ rak tơniăn ăm tơdroăng ki mơ’no on tơhrik. Rêm hơnăm, péa to hngêi kơmăi mơ’no on tơhrik dâng 44 rơtuh KWh, kơxo# liăn nâp ăm khu râng liăn rak ngăn [ă pêt mơjiâng kong dâng 1 rơtal [ă tíu kố cheăng đi đo tro hâi khế pơkâ’’.

Kơxo# liăn ‘no sap ing tơdroăng rak ngăn kong, châ xing xoăng troh a mâu kơpong ki xiâm, vâ ‘no mơhá ăm mâu ngế krê, mâu tíu cheăng pêi pro hnoăng cheăng rak ngăn kong.

Xua mê, tơdroăng ki pêi pro tu\m hnoăng cheăng liăn ngân ‘na tơdroăng rak ngăn kong, mâu hngêi kơmăi on tơhrik a kong pơlê Kon Tum hiăng kum kal khât tung tơdroăng ki rak tơniăn kơxo# liăn ‘no mơhá ăm tơdroăng ki rak ngăn kong tung kong pơlê.

Công Bắc chêh

Katarina Nga tơplôu [ă tơbleăng