VOV4.Sêdang -  Vâ kring vế thôn, pơlê drêng hlo rơ-iô dêi pơreăng COVID-19, mâu cheăm tơring tung kong pơlê Kon Tum hiăng mơjiâng vâ chê 2 rơpâu 800 tôh pêi cheăng hbrâ mơdât pơreăng tung kuăn pơlê, rêm tôh ai 2 - 3 ngế cho kăn ƀô̆ thôn, kăn pơlê, tôh kơphô̆, mâu kuăn pơlê, mâu ngế pleăng dêi hnoăng cheăng ƀă ai hnoăng veăng pêi ing 10 rơpŏng tơngi klêng.

Mâu tôh pêi cheăng tung kuăn pơlê cho “Hlá ki tât” tung tơdroăng plâ mơdât pơreăng COVID-19, rơtế ƀă mâu khu hnê tối hbrâ mơdât a xiâm, tơkŭm tí tăng mâu ngế tơdjâk ngế tâ tú pơreăng, tí tăng séa ngăn êng mâu ngế nhôm tơ’lêi tâ tú pơreăng. Kố cho tíu ki tơ-ƀrê tung tơdroăng cheăng hbrâ mơdât pơreăng dêi kong pơlê Kon Tum.

Gương tơplôu ƀă tơbleăng