VOV4.Sêdang - Tơdroăng ki tê mơdró kế tơmeăm hên túa a kong pơlê Kon Tum dế ối hlo hên h^n [ă 20 khu mơdró kâ [ă lối 4 rơpâu 100 ngế veăng tê. Vâ châ tê dêi kế tơmeăm, ôh tá iâ khu mơdró kâ xúa hên tơdroăng ki lu lêa, pơlông djâ, thăm nếo ối kơhveăm tơdroăng ki ôh tá ‘nâi ple\ng dêi mâu kuăn pơlê vâ hêak pơloi. Túa tê mơdró hên túa tơmeăm kố dế ối pro hên pơlê, cheăm a Kon Tum tâng ôh tá re#ng mơdât kô trâm tơdroăng ki pơloăng kân. Khoa Điềm, ngế chêh hlá tơbeăng cheăng tung Rơ’jiu Việt Nam a kơpong Tây Nguyên ai chêh tối ‘na tơdroăng mê.

Tơ’mot ing tơdroăng rôe tơmeăm ki châ mơhá, rôe rế hên kế tơmeăm rế châ kơd^ng liăn tơkâ rế hên, klêi mê ối ai tá ‘’mâu ngế pro kăn’’ hnối tơ’mot hên kuăn pơlê Kon Tum tê tơmeăm hên râ. Chiâng tơmiât troh tơdroăng ki pro kro mơdro\ng, hên ngế hiăng tê dêi tơmeăm khoăng rơpo\ng hngêi vâ rôe phom kơlôn, mâ xâng ko\ng, priê pâ rơno\ng, kơnoh on ki tơdjêp a on tơhrik, hdro pế hmê [ă on tơhrik, kơmăi ôzôn [ă hía hé, kơnâ hluâ chât hdrôh tâng vâ pơchông [ă yă hmâ tê vâ chiâng mơngế ki tê mơdró. Pôa Nguyễn Thành Trung, Kăn hnê ngăn Vi[an tơring Đak Hà, tối tô tuăn khât drêng kong pơlê ai 7 khu mơdró pêi cheăng tê hên túa tơmeăm hên râ [ă lối 500 ngế veăng tê rôe: Mâu ki veăng pêi pro mê ai tá thái cô, kăn [o#, mơngế ki hiăng pơtê cheăng ăm tơnêi têa, xua hơnăm hiăng krâ, ai hên ‘nâng la nôkố ôh tá tối inâi. Mâu ki veăng vâi ôh tá tơru\m [ă á vâ châ ‘nâi châ mơhnhôk tăng liăn. Xâu má môi vâi xo ph^u rak xúa tơnêi nếo vê hdró, vâi mơhno ăm ph^u mê vâ mung liăn hngêi rak liăn, vâi râng hlối ph^u mê rơ-iô ‘nâng yôh.

Tíu cheăng Thiên Ngọc VIII mung a pơlê kân Đak Hà cho tíu ki vâ bro mơ-éa

Châ khât ăm hlo, tơdroăng cheăng tê mơdró tơmeăm hên túa a kong pơlê Kon Tum ai hên túa ki vâi pơlông pá vâ châ ‘nâi hdrối. A cheăm kơtiê xahpá Đak Pxi, tơring Đak Hà, hlo vâi krâ nho\ng o kuăn ngo Rơteăng ôh tá tá hlê ple\ng, mê mâu ing tíu pêi cheăng dêi Thiên Ngọc 8, ai tíu pêi cheăng a 521 troăng Hùng Vương, pơlê kân Đak Hà ối tung ko\ng ti pêi cheăng tiô rơnó Thiên Ngọc Minh Uy hiăng troh a pơlê Long Duân mơhnhôk djâ kuăn pơlê nâp liăn vâ châ xúa tơmeăm rak ngăn ivá mo le\m [ă xo laih hên. Ki tơxâng vâ tối, drêng kuăn pơlê pơcháu liăn, Thiên Ngọc 8 ôh tá chêh hlá ph^u khêi lơ hlá mơ-éa ki hiăng xo liăn. Drêng Khu hnê mơhno cheăng thôn [ă khu kăn cheăm Đak Pxi châ ‘nâi tơdroăng mê, hiăng ai 8 rơpo\ng râng djâ lối 600 rơtuh liăn vâ nâp ăm tíu pêi cheăng kố. Pôa A Nu, Thôn pho\ pơlê Long Duân ăm ‘nâi: Jâ ki mê hnê tối, jâ tối ki iâ má môi tâ sap 11 rơtuh, péa pái hơnăm ah gá kuăn ai laih châ pái chât to lâi, lơ pu\n chât to lâi rơtuh, hmếo pơto hluâ péa pái hdrôh. Môi hr^ng rơtuh gá to chiâng pái lơ pu\n hr^ng rơtuh. Ai vâi krâ nho\ng o pin nâp môi chât rơtuh, môi chât môi rơtuh. Ai ngế ki ‘nâ ăm 50 rơtuh, tơdrốu chât rơtuh klêi mê môi hr^ng, péa hr^ng rơtuh xuân ai. Tơngah jâ ki mê xuân môi tiah hngêi rak liăn, kơ’nâi mê cheăm nếo ‘nâi, mê thôn nếo tơku\m kuăn pơlê hôp tối ôh tá xê hngêi rak liăn dêi tơnêi têa ôh.

Tung lối 600 rơtuh liăn ki 8 rơpo\ng kuăn pơlê Long Duân nâp ăm Thiên Ngọc Tơheăm, ai 3ngế nâp hên cho pôa A Tik nâp ăm 248 rơtuh liăn, A Anh 135 rơtuh liăn [ă A Sét 60 rơtuh liăn. Kố cho liăn ki hngêi kơmăi chêl thiăn ăm tơnêi klâng chêk báu prá alâi ki tro têa lu. Pôa A Tik ăm ‘nâi, khế 4 hơnăm 2015, pôa hiăng châ xo kơxo# liăn chêl thiăn, jâ Nguyễn Thị Nam (vâi hmâ krếo dêi Nôu Giang) krếo pôa troh nâp liăn a Thiên Ngọc Tơheăm. Mơhé pơla mê hngêi kơmăi hâi teăm ăm liăn la Thiên Ngọc hiăng djâ hên mâu ngế ki ê ke\n kong pơlê Dak Lak lăm veăng hôp tơpui tơno. Akố ko\ng ti ăm hdrối 35 rơtuh tối dêi liăn mơhá [ă tu\m tơdroăng pêi pro tro tiô ki vâi hiăng tơmiât vâ pro dêi hdrối: Tăm á tơmiât, tâng ăm ga mot ga kô mot. Hdrối á vâ xo liăn chêl thie#n Thiên Ngọc chêh kơxo# liăn hdrối. Drêng á xo liăn pơtroh Thiên Ngọc 248 rơtuh. Thiên Ngọc tối ai laih, ai mơhá, ai rak ngăn ivá, xo tơmeăm, tâi môi hơnăm lo kơxo# liăn ki xiâm [ă laih gá châ 500 rơtuh. Klêi mê hlá mơ-éa chêh [ă ko\ng ăm Tăm á hâi teăm hlo. Mâu hdro pế hmê xuân ôh tá hlo.

Pôa A Tik chêh bro đơn tơngah khu kăn mơdrếo ăm liăn

 Tung pơla mâu khu mơdró tơmeăm hên túa a kong pơlê Kon Tum rế hên, nôkố ai troh 20 khu mơdró [ă lối 4 rơpâu 100 ngế veăng tê, mê tơdroăng rak ngăn dêi khu râ kơvâ cheăng rế trâm pá. Ton hơnăm hiăng hluâ, tơmeăm ki hên túa lăm tê troh a mâu kơpong tung thôn malối a kơpong hdroâng kuăn ngo. Mâu hmâ hlo\p, hmân ku\n, hdro pế hmê châ tê ăm kuăn pơlê yă sap 5 rơtuh troh lối 10 rơtuh liăn tâng vâ tối ôh tá xê tơdroăng tê mơdró ki hmâ. Pôa Võ Xuân Sơn, Kăn pho\ pơkuâ ngăn ‘na tê mơdró kong pơlê Kon Tum tối, môi tiah vâi mơhnhôk, pơlông mâu ki rôe, tối ôh tá tro ki krá ki dâi dêi tơmeăm tê ‘’tê yă lối kơnâ’’, hmếo pơtối tơmeăm ‘’Krá le\m’’ [ă hên tơdroăng ki ê, tung pơla mê, tơdroăng tê mơdró hên túa tơmeăm a kong  pơlê kố hâi kâi châ mơdât: Nôkố bú nếo pơxâu phak mâu tơdroăng ki pro ôh tá tro, ki hên cho hmếo pơ k^ tơhrâ ôh tá nhên tíu ối, tíu pêi cheăng. Tơku\m po hneăng hôp ôh tá pâ phêp Khu ngăn ‘na tê mơdró. ‘Na ăm theh tung khu ôh tá tro tiô tơdroăng pơkâ. Luât pơkâ klêi k^ tơhrâ, pó thế hriâm lâm ki hnê cheăng vâ châ xo chưng chih mê nếo chiâng ăm pó theh. ‘Na tơdroăng ki mơdât ôh tá ăm pêi pro ai ‘nâng, tá xê ôh tá ai, la hâi ‘nâi nhên vâ tối vâi pro xôi, ki kố mê a hâi pơxâu phâk ‘na mâu tơdroăng xôi ki kân tâ.

On veăng A Anh mơni ôh ti châ mơdrếo dêi 135 rơtuh liăn

Túa tê mơdró nếo nôkố [ă mâu tơdroăng ki hlâu tâ, la tơdroăng tê mơdró tơmeăm hên túa a kong pơlê Kon Tum dế tro hên mâu khu mơdró pêi pro, [ă hên tơdroăng ki vâi  pro vâ pơxúa ăm tơná. Túa mơdró kâ ki mơngế tê, mơngế rôe ôh tá vâ tơmâng troh tơmeăm, bú púi châ pơlông djâ hên mâu ki ê veăng rôe vâ châ vâi mơhá [ă vâ klâ xoăng dêi pó kơxo# liăn ki châ xo mê, tâng ôh tá châ re\ng mơdât kô trâm hên tơdroăng ki pá, rơ-iô tâ ôh tá ‘nâi hdrối.

Gương tơplôu [ă tơbleăng