VOV4.Sêdang - Chôu vế rơkong Pôa Hồ hnê: ‘’Alâi kal, droh rơtăm troh, tơdroăng ki klâi pá ai droh rơtăm’’, droh rơtăm Ko\ng an kong pơlê Kontum  đi đo cho mơngế ki djâ troăng ahdrối, rơkê, djâ troăng ahdrối tung pêi hnoăng cheăng kal kí [a\ tơdroăng pêi cheăng Đoân. Tung pơla kố nah Đoân droh rơtăm ko\ng an kong pơlê hiăng tơku\m po hên tơdroăng ki pơxúa a kơpong hơngế hơngo, kơpong hdroâng kuăn ngo ki ối trâm pá puât. Mâu tơdroăng pleăng hnoăng cheăng kố kum kuăn pơlê a tíu vâi troh rêh ối, pêi cheăng kơdroh pá puât, mâ luâ ối mơjiâng um méa le\m ‘na mơngế lêng ko\ng an kuăn pơlê.

{ă tơdroăng pơxá ‘’Ko\ng an hơnăm ối nếo kong pơlê Kontum - Rơkê kơhnâ djâ troăng ahdrối tung hnoăng cheăng Đoân droh rơtăm’’,  mâu hơnăm hiăng hluâ khu Đoân droh rơtăm ko\ng an kong pơlê Kontum hiăng tơku\m po hên tơdroăng cheăng pêi kum rêh ối pơlê pơla, to\ng veăng ‘no ivá tơchuâm xua vâ mơdêk tơdroăng rêh ối ăm kuăn pơlê. Mâu tơdroăng châ hnê tối hên, lâp lu [ă hiăng tơ’mot hên ngế đoân viên, droh rơtăm, mâu [ơrô khu pơkuâ cheăng veăng pêi.

          Klêi 30 hdrôh lăm pleăng hnoăng cheăng a mâu pơlê cheăm tíu tơkăng kong, kơpong ki ối xơpá, pơlê cheăm ki ai tơdroăng ôh tá tơniăn, Đoân droh rơtăm Ko\ng an kong pơlê Kon Tum hiăng pêi hên tơdroăng cheăng ai pơxúa, tơ-[rê ăm mâu kuăn pơlê, môi tiah: Ok bê tông a lối 2 rơpâu 300 m troăng prôk tung thôn pơlê, hbru rơpâu plâ hmân ếo, hlá mơ-éa hriâm ăm mâu vâi o hok tro kơpong ki xơpá [ă tâi tâng kơxo# liăn vâ chê 500 rơtuh liăn.

          Bú tung rôh mơhnhôk lăm pêi cheăng a pơlê cheăm tung pơla rơnó pơtê hriâm kố nah a cheăm tíu tơkăng kong Rờ Kơi, tơring Sa Thầy, Đoân droh rơtăm Ko\ng an kong pơlê Kontum hiăng mơjiâng pro 5 toăng hngêi ăm rơpo\ng ai hnoăng tơnêi têa, rơpo\ng kơtiê xơpá, pro 1 rơpâu 800 m troăng prôk tung thôn [ă tơku\m po hên tơdroăng cheăng rêh ối, ki hmâ. Hlo hnoăng cheăng pêi tơná tung tơdroăng rêh ối dêi kuăn pơlê dêi hơnăm ối nếo ko\ng an kong pơlê, ngoh A Khan, kăn pơlê Kram, cheăm Rờ Kơi, tơring Sa Thầy rơ-êk tung hiâm mơno tối ăm ‘nâi: Ngin sôk ro xua châ tơdah mâu pú vâi droh rơtăm ki mơhno\ng pleăng hnoăng cheăng tơná dêi Ko\ng an kong pơlê troh akố kum kuăn pơlê ngin pêi mâu tơdroăng cheăng ‘mâi rơnêu hngêi ki xi kơchoh, hngêi rong [ă pro mâu troăng kân ki ê. Kum kuăn pơlê ngin pêi cheăng kâ xuân môi tiah hnê ‘na rêh ối tiô khôi túa le\m tro. Kum vâi krâ nho\ng o ngin ai tơdroăng rêh ối tơ-[rê [ă tơniăn tâ.

‘Na ngoh a Tiếp, môi ngế kuăn pơlê Kram tối tiah kố: Đoân droh rơtăm Ko\ng an kong pơlê hiăng kơhnâ kum mâu rơpo\ng kơtiê [ă pro troăng ăm kuăn pơlê. A púi vâ Đoân droh rơtăm Ko\ng an kong pơlê ai tơdroăng pêi pro sôk ro tâ mê nếo.

          Tơdrêng [ă tơdroăng kum kuăn pơlê mơnhông tơ[rê tung pêi cheăng xuân môi tiah tung rêh ối rêm hâi, pơtối rak vế ki rơdêi dế hnoăng cheăng, Đoân droh rơtăm Ko\ng an kong pơlê Kontum ối mơdêk tơdroăng cheăng hnê tối ‘na luât, hnê hbrâ mơdât mâu ngế pro xôi, hbrâ mơdât tê mơdró, xúa ma tu\i, pro tơniăn drô troăng prôk ăm kuăn pơlê tíu ki ai mâu droh rơtăm pleăng hnoăng tơná lăm pêi cheăng. Ing mê, kum kuăn pơlê hlê ple\ng nhên tâ troăng hơlâ, luât dêi Đảng, Tơnêi têa. Mâu rôh hnê tối ‘na luât châ mâu vâi pú hơnăm ối nếo ‘’ ‘Mâi hơ’lêh pêi pro‘’ [ă hên tơdroăng cheăng pêi, môi tiah tơkuăm po rôh trâm mâ mơhno túa le\m tro, mơđah hơdruê xuâng, pơtâp ivá, pôe xâk, hnê mâu vâi o rơxông nếo mơgrúa dêi châ, pế mâu hmê kâ tê kơtê [ă hên tơdroăng ki ê, mê hiăng tơ’mot hên kuăn pơlê veăng pêi pro.

Tơdroăng cheăng pêi vâ mơnê khu ngế ai hnoăng khoh chiâng ai tơdroăng rêh ối tiah hâi kố xuân châ Đoân droh rơtăm Ko\ng an kong pơlê Kontum tơkuăm po pêi pro đi đo. Bú tung hơnăm 2015, Đoân droh rơtăm Ko\ng an kong pơlê Kontum hiăng mơjiâng pro [ă diâp ăm 4 toăng hngêi tuăn pâ [ă tâi tâng kơnâ lối 200 rơtuh liăn, hbru 1 rơpâu 500 kơxu tơmeăm ăm mâu rơpo\ng kơtiê, mâu ki chó chêng tơvê ko\ng, vâi ‘ne\ng kuăn tê, hok tro kơtiê hriâm rơkê. Trung u\i Lê Đình Lợi, Kăn [o# cheăng tung [ơrô Kăn sât séa ngăn tơdroăng xôi ‘na pro tơniăn tung cheăng kâ [ă hnoăng cheăng pêi ăm ‘nâi: Ing tơdroăng kố a xuân veăng ‘no ivá hơnăm ối nếo dêi tơná vâ môi pâ ki lâi ‘lo kum kuăn pơlê. Ing mê, ngin xuân vâ mơjiâng um méa ko\ng an ki le\m.

          Đi đo cho mâu ki djâ troăng ahdrối tung tơdroăng pleăng mơheăm, bú to tung hơnăm 2015 kố nah, Đoân droh rơtăm Ko\ng an kong pơlê Kontum hiăng tơku\m po 3 rôh pleăng mơheăm [ă lối 500 hdrôh ngế kăn [o# mâu lêng [ă đoân viên droh rơtăm veăng pêi pro. Lối hr^ng CC mơheăm châ xo hiăng kum ăm tơdroăng khăm pơlât dêi hngêi pơkeăng kân kong pơlê. Mâu tơdroăng cheăng pêi.

Rêm hơnăm khu kố hiăng mơhno hiâm tuăn, hnoăng cheăng dêi mâu hơnăm ối nếo ko\ng an kong pơlê Kontum [ă kuăn pơlê, pro ăm um méa le\m dêi lêng Ko\ng an tung hiâm mơno hơ-ui kum kuăn pơlê. Trung u\i Trần Khánh Duy, kăn pho\ hnê ngăn Đoân droh rơtăm ko\ng an kong pơlê Kontum ăm ‘nâi:  Apoăng hơnăm 2016 khu Đoân droh rơtăm Ko\ng an kong pơlê hiăng tơku\m po hên tơdroăng cheăng pêi a pơlê cheăm, mâu tơdroăng cheăng ‘na rêh ối pơlê pơla tơdroăng ki pleăng hnoăng tơná. Malối cho a rơnó pơtê hriâm. Sap nôkố ta troh mơ’nui hơnăm [ă tung la ngiâ troh Khu droh rơtăm Ko\ng an kong pơlê ối tơku\m po hên tơdroăng pêi pro pơxúa khât ‘na tíu pêi cheăng cho hơnăm ối nếo Ko\ng an Kong pơlê Kontum xông pêi cheăng, hriăn ple\ng, mơjiâng [ă kring vế tơnêi têa. Hvái ngăn ‘na tơdroăng rêh ối dêi kuăn pơlê rế ton rế le\m tâ.

          Tơmâng xo hnoăng ki Đoân droh rơtăm Ko\ng an kong pơlê Kontum châ pêi pro tung tơdroăng pleăng hnoăng cheăng xua kuăn pơlê, hơnăm hiăng hluâ khu Đoân droh rơtăm Ko\ng an kong pơlê rơtế [ă chât ngế đoân viên droh rơtăm hiăng châ Tíu xiâm Đoân, mâu Khu xiâm, Vi [an kong pơlê Kontum, Khu pơkuâ ngăn Đoân droh rơtăm kong pơlê diâp [âng kơdeăn khe#n [ă hlá mơ-éa kơdeăn khe#n. Tơdroăng mơhnhôk khe#n kơdeăn teăm tơdrêng dêi mâu khu râ, kơvâ cheăng [ă tơdroăng cheăng đoân viên droh rơtăm Ko\ng an kong pơlê pơtối lăm pêi cheăng, hriăn ple\ng mơjiâng [ă kring vế tơnêi têa.

Gương tơplôu [ă tơbleăng