Ko\ng viên Đồng Xanh cho môi tung mâu tíu ôm hyô ki vâi ô eăng má môi a kong pơlê Gia Lai, mê xuân cho tơdroăng ki hâk tơngăm rêm rơxông dêi Ko\ng ti veăng tơlo liăn cheăng CTC. Ko\ng viên kố mơjiâng pro a tơdế tơbăng klâng báu ngiât le\m, pak^ng troăng kân kơxo# 19, kơtăn pơlê kong kơdrâm Plei Ku dâng 10km. Đồng Xanh nôkố cho tíu ki rak ‘măn rak hên tơmeăm khoăng mâu xiâm loăng ton t^n nah hiăng chiâng hmốu.

Tung mê, ki vâi ô eăng cho loăng kân hiăng chiâng hmốu lối rơtuh hơnăm cho loăng ki kân má môi a Việt Nam, châ tăng hlo a kơtôu ngo ki oh tá lo on xếo a cheăm C|ư A Thai, môi tơmeăm khoăng ki kơnía, xeăng hiăng ‘măn ăm kuăn mơngế a Tây Nguyên. Ngoh Châu Hoàng Huy Bảo, mơngế lo ing pơlê kong kân Hồ Chí Minh drêng troh a Ko\ng viên Đồng Xanh, tối tơdroăng ki tơná hlo tơmiât tiah kố:  

‘’Châ mâu ngế nho\ng o tung rơpo\ng hngêi tối ăm ‘nâi á lăm troh a Đồng Xanh vâ tí tăng ‘nâi ple\ng, a tơmiât ‘na Tây Nguyên, ‘na mơhno túa le\m tro dêi mâu ngế ki ối a kố. Hâi kố cho rôh apoăng á troh akố, a hlo môi tiah achê, mê á mơnúa ngăn vâ ‘nâi hên tơdroăng‘’.

Pak^ng vê hdró pro ngiât môi tiah kong ngo Tây Nguyên, tíu ki vâ tối ki tơviah dêi Ko\ng viên Đồng Xanh mê cho tíu ki ai khôi túa, vêa vong Tây Nguyên, tơku\m hên tơmeăm khoăng ki mơjiâng pro, mâu tơdroăng kơchuâ pro le\m tơviah dêi kơpong tơnêi kong ngo môi tiah kuât, hngêi trá xo\n, hngêi a tơnâp kiâ, um pong rơgi a tơnâp kiâ lơ mâu tơmeăm khoăng vê hdró mơjiâng pro ngiât le\m, tơbâ môi Tây Nguyên ngiât le\m, ối to kong kế loăng kân [ă le\m tơviah.

Tung mâu hâi leh têt, tơmối ối châ mot ngăn tâ rơngiâp hơniâp ro dêi mâu tơdroăng xah hêi po leh mơd^ng dêi khu kuăn pơlê dêi mâu pơlê hdroâng kuăn ngo Tây Nguyên tâng chuât xơtó têi môi tiah ối tung kong dêi idrâp không têa, idrâp pêi báu, idrâp vâi to\n chêng tơgôu koăng. Tơmối Trần Thị Thảo, lo ing pơlê kong kân Hải Phòng, tối:

‘’Á lo ing Hải Phòng, kố xuân cho rôh apoăng a troh a Tây Nguyên. A kố mâu loăng drêh le\m, troh akố a tâ chía hôi iâ [ă châ tí tăng ‘nâi ple\ng hên ‘na tơdroăng cheăng kâ, rêh ối dêi kuăn pơlê. Á hlo hên tơdroăng mơhno khôi túa vêa vong dêi hdroâng kuăn ngo akố’’.

Rơtế [ă Ko\ng viên Đồng Xanh, Hngêi ăm tơmối kâ koi ối pơtê Tre Xanh xuân cho môi tíu ki vâ tối dế Ko\ng ti veăng tơlo liăn cheăng Gia Lai CTC hơ’lêh nếo klêi rêm khu râ kơvâ cheăng veăng tơlo liăn cheăng, Kố cho môi tung mâu hngêi ăm tơmối kâ koi ối pơtê ki le\m má môi a Gia Lai. Hngêi ăm tơmối kâ koi ối pơtê đi đo hơ’lêh nếo, mơdêk pro rế tơ-[rê. Nôkố, hngêi ăm tơmối kâ koi ối pơtê ai 120 to veăng ki le\m 3 hơlo\ng ai tu\m tơmeăm tung veăng, ai tu\m tơmeăm  púi vâ xúa dêi tơmối tung tơnêi têa [ă kong têa ê ki troh ôm hyô kố.

Tung tơdroăng mơ-eăm dêi kơvâ cheăng tê mơdró klêi rêm khu râ kơvâ cheăng veăng to liăn cheăng, Ko\ng ti veăng tơlo liăn cheăng Gia Lai CTC hiăng po rơdâ mơjiâng pro hngêi ‘măn rak hlá mơ-éa a mâu tơring, pơlê kong krâm, pơlê kong kơdrâm tung kong pơlê Gia Lai xuân môi tiah kong pơlê ki ê. Tơdroăng cheăng kố kum ăm Ko\ng ti tơ’lêi hlâu tung pêi cheăng rơtế [ă mâu tơdroăng rêh ối, pơlê pơla.

Drêng troh mot hơnăm hriâm nếo, mâu hngêi ‘măn tê hlá mơ-éa dêi ko\ng ti dế pêi pro mâu tơdroăng kơdroh yă, tê rơpâ, mâlối [ă mâu vâi o ki ối a pơlê cheăm kơpong hơngế hơngo. Pôa Nguyễn Minh Ngọc, ngế pho\ pơkuâ Ko\ng ti veăng tơlo liăn cheăng Gia Lai CTC, ăm ‘nâi:

’’Vâ hbrâ mot hơnăm hriâm nếo, ngin hiăng hbrâ ăm mâu tơdroăng pro kơdroh yă tê hlá mơ-éa ăm mâu hok tro. Tá mâu tơmeăm ki chu kơdroh yă hlá mơ-éa hriâm, hlá mơ-éa tí tăng ngăn hriâm tơ’nôm [ă mâu hlá mơ-éa chêh, kơtong, tâi tâng mâu tơmeăm xúa tung mơhriâm ki tơdjâk troh mâu hok tro.

Mâu tơdroăng ngin hnê tối, mơhnhôk đi đo. To [ă mâu vâi o kơtiê, vâi o ki ối a mâu cheăm hơngế hơngo, kơpong ki hơngế mê ngin tơru\m [ă Khu rak liăn mơhnhôk mơ-eăm hriâm vâ ai tơmeăm hbru ăm mâu vâi o tung tơnó. Kố cho tơdroăng ki rơtế tơru\m pêi pro [ă Ko\ng ti tung tơdroăng hriâm dêi mâu vâi o hok tro’’.

Gương tơplôu [ă tơbleăng