VOV4.Sêdang - Tơdroăng hdi hâng lông troăng vâ tê mơdró pro chôm troăng prôk, pro chiâng ôh tá le\m ăm kơpho#, kố ôh tá xê tơdroăng ki nếo hlo ai, laga hlo rế hía rế ai hên a pơlê kong kơdrâm Kontum, kong pơlê Kontum. Rơtế [a\ mê chiâng pro tơ’lêi ai roh ôh tá tơniăn a mâu tíu ôu kâ kố a kơmăng. Khoa Điềm, ngế chêh hlá tơbeăng cheăng tung Rơ’jíu Việt Nam ai chêh tối ‘na tơdroăng mê.

          Bô bố xuân ‘nâi k^ng troăng cho tíu ki ăm mâu ngế prôk chêng la a pơlê kong kơdrâm Kontum, kong pơlê Kontum tâi tâng mâu k^ng troăng, malối cho a mâu troăng kơpho# tơku\m hên khu mơdró kâ, hngêi ối kuăn pơlê veăng tê kế tơmeăm mê tâi tâng k^ng troăng pơrá tro hdi xo pro tíu ki vâ mơđah tơbleăng tê kế tơmeăm [ă kơ-[ăng tơbleăng tê tơmeăm. Prôk drô troăng tung kơpho#, môi tiah: Troăng Nguyễn Huệ, Lê Hồng Phong, Trần Hưng Đạo, Phan Chu Trinh, Nguyễn Viết Xuân [ă hên troăng ki ê, mot tung mâu hâi khế ki lâi xuân hlo tíu ki tê kế tơmeăm, mâu ngế ki tê, mâu ngế ki roê tơku\m lo hên a k^ng troăng. Ôh tá troăng ăm tơná, ngế ki prôk chêng rah xo túa ki tơ-ê mê cho athế lo a troăng kân vâ prôk tung troăng ki ăm mâu rơxế ki ê mơhé tiah mê gá rơ-iô. Ôh tí xê to mâu ngế ki prôk chêng hlo tơdroăng ki tơpá ‘na hdi xo k^ng troăng, tá mâu ngế ki vê rơxế ô tô, rơxế hon đa xuân tơpá khât [ă tơdroăng ki kố xua tro hding troăng ki ngăn hmâ hiăng trâm hên tơdroăng ki tơklo#m rơxế a drô troăng ki ôh tá ‘nâi hdrối.

          Môi tung mâu kơpong a pơlê kong kơdrâm Kontum ‘na tơdroăng ki hdi xo k^ng troăng, thăm nếo tá a troăng kân pro tíu ki tê mơdró hiăng hlo ton t^n tâi hơnăm ki kố lo hơnăm ki tá mê cho mâu troăng ki kơtâu rơtâ tá Tíu xiâm tê mơdró, cho: Lê Hồng Phong, Trần Hưng Đạo, Hoàng Văn Thụ [ă Ngô Quyền. A kố sap ing í, pêap, kơteăm, ká, plâi kơchâi [ă hên kế tơmeăm ki ê pơrá lo hên h^n tê a troăng. Khu ki ai tơdjâk troh dêi bêng Quyết Thắng xuân tơbleăng tung loâ, tung rơ’jiu, tơku\m po rôh lăm lo pêi cheăng rôh kố troh rôh lo lăm pêi cheăng rôh ki ê  la xuân ối môi tiah mê. Pôa Lê Ngọc Danh, kăn pơkuâ khu ki pro tơniăn kơpho# bêng Quyết Thắng tối, tơpui troh tơdroăng cheăng kâ dêi mâu ngế pêi cheăng, malối cho vâi krâ nho\ng pêi cheăng kơtiê rêh kâ [ă tơdroăng ki tê mơdró giên, djâ hlo tiah mê tơpá khât vâ pêi cheăng: Bêng [ă pơlê kong kơdrâm hiăng pơcháu hnoăng cheăng ăm ngin rak ngăn ‘na tơniăn a troăng prôk tung kơpho#. Ngin ai hên tơdroăng ki ôh tá tơniăn drêng tơpui troh tơdroăng rêh ối dêi kuăn pơlê gá tơpá khât. Ngin xuân hiăng pâ thế [ă mâu kăn bêng [ă pơlê kong kơdrâm vâ pơkâ tung túa pơkâ pro tơ’lêi hlâu ăm kuăn pơlê cheăng kâ tung rêh ối.

          Ki khât gá, ki hên mâu ngế ki hdi xo k^ng troăng vâ tê mơdró pơrá rơkê ple\ng tơdroăng ki xôi luât dêi tơná. La xua tơdroăng ki pơkâ tơleăng tá hâi tơdrăng mê mâu kuăn pơlê ôh tá vâ hmâng [ă luât pơkâ. Pák^ng mê xuân ai mâu ngế ki ‘nâ xua tơdroăng rêh ối phá pro xôi xuân athế mơhno\ng pro hdi xo k^ng troăng pro tíu ki tê mơdró. Nâ Phan Thị Bích Ngân, môi ngế tê tơmeăm hdi xo k^ng troăng ăm ‘nâi: Tê mơdró a kố xuân hiăng châ péa pái hơnăm kố. Ngin cho kuăn pơlê kơtiê tâng ôh tá tê mơdró hdi xo k^ng troăng, mê ngin ‘nâi xo klâi vâ rêh kâ mê pâ thế bêng ăm ngin tê mơdró vâ kuăn pơlê kơtiê ngin kố tăng xêh liăn rêh ối tơkâ hluâ hâi.

          Tiô pơkâ tung tơdroăng 3, troăng má 8 Luât troăng prôk hơnăm 2008. Mâu tơdroăng ki tro mơdât ôh tá ăm mê cho: Xúa k^ng troăng, k^ng kơpho# ôh tá tro luât. Mâu tơdroăng ki pro xôi kố kô tro pơxâu phâk liăn ngân tiô pơkâ a troăng má 12 tơdroăng pơkâ 171 hâi lơ 13 khế 11 hơnăm 2013 ‘na pơxâu phâk mâu ngế ki pro xôi tung kơvâ troăng prôk [ă troăng rơxế lơtreng.

          Laga, sap ing tơdroăng ki ai khât ‘na tơdroăng ki hdi xo k^ng troăng, pro tíu ki tê mơdró a pơlê kong kơdrâm Kontum, ing rơkong ki tơpui tối dêi hên kuăn pơlê [ă dêi mâu ngế ki hdi xo k^ng troăng ăm hlo, vâ pơkâ tơleăng kơtăng ‘na tơdroăng kố khu kăn pơkuâ [ă kơvâ cheăng ki ai tơdjâk troh kong pơlê kal rah ngăn rêm khu, rêm ngế ki pro xôi. {ă mâu ngế ki hdi xo k^ng troăng, cho mâu ngế kơtiê, ki khât ai tơdroăng ki rơhêng vâ tíu tê mơdró tơniăn vâ rêh kâ ối mê kơ koan ki ai tơdjâk athế pro tơ’lêi hlâu vâ kuăn pơlê ai tíu tê mơdró tơniăn tro luât. {ă mâu ngế ki mơhno\ng pro xôi xêh mê kal athế pơxâu phâk kơtăng, vâ ‘mâi rơnêu tơdroăng ki tơniăn a troăng prôk [ă tơnêi tíu rơtâ tá kơpho#. Khu kăn [ă khu ki ai tơdjâk troh kong pơlê xuân athế rah ngăn nhên tơ rêm kơ k^ng troăng vâ ai túa pơkâ xúa tơtro. Pơtih [ă mâu k^ng troăng ki kân rơdâ, pák^ng tơdroăng ki mum ăm mâu ngế prôk chêng chiâng phêp ăm xúa môi iâ tung mâu tơdroăng ki ê, la athế a kơlo ki châ séa ngăn [ă tơdâng tơ’mô [ă tơdroăng ki ai khât dêi kong pơlê. Pák^ng tơdroăng ki pơxâu phâk vâ mơdêk tơdroăng ki hlê ple\ng pêi pro tiô luât dêi kuăn pơlê, kơ koan ki ai tơdjâk kal ai hên túa tối tơbleăng, mơhnhôk châ tơ-[rê vâ pro hơ’lêh tung tơdroăng ki rơkê ple\ng dêi kuăn pơlê.

Katarina Nga tơplôu [ă tơbleăng