Kong nếo prăng mêi, la a Tôh kơpho# 4, pơlê kân {uôn Trăp, tâ tá Hngêi kơmăi uâ báu Cúc Phi xuân kơlung kơlăng lo to kơtâk, mơnoh. Tung dế kơpong hngêi kơmăi ki uâ báu, mâu mơnoh báu thăm rế ó tâ, klêk a’nâi pro chiâng hbo a tơnêi [ă mâu tâi tâng klo\ng ki mơ’no, rêm tíu, lâp luô kơmăi to kơtâk. Pak^ng mâu ngế ki pêi cheăng akố, ai troh 90 rơpo\ng kuăn pơlê, hngêi ôu kâ, [ă khu mơdró a kơpong kố pơrá tro kơtâk mot kơlung kơlăng.

Môi khu mơdró kâ a tôh kơpho# 4 tối ăm ‘nâi, tâng Cúc Phi xuân ối uâ báu [ă mơ’no kơtâk kơlung kơlăng môi tiah kố, khu mơdró kâ kô athế mơ’no tơ’nôm dêi 400 rơtuh liăn ‘nô vâ khoh chiâng pêi cheăng, mơdró kâ. Tung mê, ai 100 rơtuh liăn vâ krâ tơ’nôm bo ki mơdât kơtâk châ mot, 300 rơtuh liăn vâ krâ kơmăi ki pro rơngiâp, krúa le\m hyôh kong prâi.

Tiô pôa Phan Văn Hiếu, Kăn tôh kơpho# 4, pơlê kân {uôn Trăp tối, ai hngêi mơdró ôu kâ athế pơtê cheăng, hơ’lêh tíu mơdró kâ xua akố lối ó kơtâk mơ’no ing hngêi kơmăi uâ báu, kơlung kơlăng:

‘’Hngêi kơmăi uâ báu Cúc Phi cho hngêi kơmăi ki kân, uâ plâ hâi plâ măng. Drêng uâ ai kế ki pêi kơtâk lo pá kong mê kơtâk kơneăng troh a hngêi kuăn pơlê, krêa tung kơ-[ăng tăng ối, hâi ki lâi kuăn pơlê xuân athế kơpuih, xut dêi hên hdroh. Péa to hngêi achê mê athế tê dêi hngêi lăm rêh ối a tíu ki ê, xua ôh tá kâi [ă kơtâk kơmô akố’’.

Hngêi kơmăi Cúc Phi

Xuân pro ‘mêi môi tiah hngêi kơmăi uâ báu Cúc Phi, la mâu tíu ki tro pro ‘mêi ing hngêi kơmăi uâ báu Bích Điệp (ối a 63 troăng Nơ Trang Gưh, pơlê kân {uôn Trăp ối ai mâu thái cô hngêi trung râ má 3 ăm kuăn ngo rêh kâ ối a tơring Krông Ana.

Hngêi kơmăi kơtăn ing hngêi trung dâng 15 met, mê 160 ngế hok tro [ă mâu thái cô tro hrik xo kơtâk ki kơlung kơlăng ó tiah mê. Thái Lương Đức Thuận, Kăn ngăn hngêi trung tối:

‘’Rơnó tô ai tá kơtâk tơnêi [ă kơtâk lo ing hngêi kơmăi uâ báu kơneăng mot tung hngêi trung pro ‘mêi ó ‘nâng troh hok tro [ă mâu thái cô; mâu vâi o, thai cô akố tro hrik hên kơtâk ki ‘mêi, khoh chiâng kơ-o, pro ‘mêi troh ivá.

Ngin hiăng tối troh a tơring thế mâu kăn mơdât hngêi kơmăi ki kố pêi cheăng, lơ vâ ‘mâi hơ’lêh tíu pêi cheăng dêi hngêi kơmăi, vâ la ngiâ ah rak tơniăn ăm hyôh kong prâi ăm hok tro [ă mâu kăn [o#, thái cô ki rêh ối a hngêi ối pơtê kố’’.

Tơring Krông Ana ai dâng 5.000 ha, rêm hơnăm ai sap ing 180-200 rơpâu ta#n báu. Lâp tơring ai lối 40 toăng hngêi kơmăi ki uâ báu hiăng ai hlá mơ-éa phêp pêi cheăng, tung mê, ai hên hngêi kơmăi ki uâ châ chât ta#n 1 hâi, pơrá pêi cheăng tung dế pơlê pơla rêh ối ki kơdrâm dêi pơlê kân {uôn Trăp. Kơtâk mơnoh ki mơ’no ing mâu tíu ki kố pro ‘mêi ó troh tơdroăng rêh kâ ối dêi kuăn pơlê [ă mâu hngêi mơdró a pơlê kân kố.

Tơdroăng ki ‘ló tơviah, hiăng hên hơnăm hdrối mê hía nah, xuân tá hâi hlo ai khu pơkuâ cheăng, kơ koan ki lâi mơdât lơ pơxâu phak mâu hngêi kơmăi uâ báu kố, xua ga pro ‘mêi ó troh hyôh  kong prâi.

Pôa Trần Đình Chiến, Kăn [ơrô ngăn ‘na tơmeăm khoăng kong prâi dêi tơring Krông Ana tối, tơdroăng ki vâ pơxâu phak mâu hngêi kơmăi kố xiâm chêh tối tung holá mơ-éa:

‘’Hơnăm kố, nếo tơku\m vâ lăm séa ngăn, mâu tíu ki ‘măn kơmăi uâ báu ki ku\n a mâu cheăm ki lâi pro xôi troh hyôh kong prâi kô pơtroh ăm cheăm, vâ cheăm tơleăng.

La a tơring kố, tá hai ai pơxâu phak khu ki lâi. Sap nôkố troh tâi hơnăm, [ơrô ngin xuân hiăng mơjiâng hnoăng cheăng vâ tơno tối ăm Vi [an hnê ngăn tơring vâ tí tăng ngăn, tơleăng phak tro tiô tơdroăng pơkâ 151’’.

Nhat Lisa tơplôu [ă tơbleăng