VOV4.Sêdang - Kơ’nâi 90 hâi ôh tá hlo tâ pơreăng Covid-19 tung kuăn pơlê, hâi lơ 30/11/2020, ai tơ’nôm 4 ngế nếo tâ pơreăng a pơlê kong kân Hồ Chí Minh, tung mê ai 3 ngế mâu ngế ki kân [ă 1 ngế ‘ne\ng. Tơdroăng kố ăm hlo pơreăng Covid-19 xuân u ối rơtâ tá pin, kal thế rêm ngế pin hbrâ rơnáu đi đo, pôi tá tơngôu tung pơla dế ai pơreăng môi tiah nôkố, pêi pro tro tơdroăng hnê dêi kơvâ ngăn pơkeăng pơlât ‘na hbrâ mơdât Covid-19.

Kơ‘nâi hên hâi kâi mơdât pơreăng Covid-19 tung tơnêi têa, xua kuăn pơlê pro ôh tá xâu, hmôu tơngôu ‘na hbrâ mơdât pơreăng mê hiăng hlo tâ tú nếo. Tơdroăng ki vêh po tơku\m ối pú hên, tơku\m xâh hêi ro nếo. A mâu troăng prôk, pá gong, hên ngế hlo ôh tá vâ truâ kên pâng môh rơkong lơ drêng to a rơxế, ta troh drêng hiăng hlo ai ngế tâ tú pơreăng Covid-19 ki nếo, mê nếo ‘nâi xâu pơxiâm pâng rơkong - môh nếo.

{ok thái pơkeăng Trịnh Quang Trí, Ngế pơkuâ Tíu xiâm séa ngăn mơdât pơreăng kong pơlê Dak Lak tối:   

‘’Ki tơ’lêi tro tâ pơreăng Covid-19 a Việt Nam kô ai, xua ai hên ngế lo ing kong têa ê mot a tơnêi têa pin, tung pơla mê pin ai tơchoâm troăng tơkăng kong [ă hên kong têa ê a kơlo séa ngăn mơdât pơreăng dêi tơnêi têa kố hâi teăm tơniăn. Tơdroăng ki pá nếo tung hbrâ mơdât Covid-19 nôkố cho lối 60-70 ngế mâu ngế ki tâ virus ôh tá ‘nâi xiâm ki pro châi ki apoăng. Xua mê hlo hên ngế kuăn pơlê tơngôu oh tá vâ hbrâ rơnáu’’. 

Klêi hlo ai ngế tâ pơreăng Covid-19 nếo a pơlê kong kân Hồ Chí Minh, kơvâ ngăn pơkeăng Dak Lak hiăng thâ tơbleăng tăng vâ ‘nâi mâu ki tơ’lêi tâ F1, F2. Klêi hiăng ‘nâi ai 2 ngế F2 tơdjâk troh ngế ki tâ pơreăng, đo#i cơ động hbrâ mơdât pơreăng dêi Tíu xiâm séa ngăn hbrâ mơdât pơreăng kong pơlê hiăng pêi pro tơdroăng khăm ngăn mơheăm a mâu ngế [ă mâu ngế ki tơdjâk troh, ăm klâ krê rơpo\ng hngêi.

Troh nôkố mâu ngế ki nhôm tơ’lêi tâ tú mê khăm ngăn mơheăm hlo âm tính virus SARS- CoV-2. Tối ‘na tơ’lêi tâ tu pơreăng Covid-19 tung kong pơlê Dak Lak, [ok thái pơkeăng Trịnh Quang Trí, Ngế xiâm pơkuâ séa ngăn hbrâ mơdât pơreăng tối ăm ‘nâi:

‘’Nôkô kong prâi pơxiâm vâ hngíu [ă mâu pơreăng ‘na troăng krôk xua virus pro tơ’lêi tâ tú hên a pơla kố, vâ tối mâ mơngế pin ôh tá hlo pơreăng, pin ôh tá ‘nâi vâ tối ki lâi tơdroăng châi mê cho xiâm tơngê kơ-o kơ-ôk ki hmâ, ki lâi cho kơ-o kơ-ôk xua pơreăng Covid-19. Kong rế hngiú xuân tơ’lêi pro mâu virus ki vâ chiâng pơreăng Covid- 19 u ối pagong ối krêa ton a mâu kế tơmeăm, xua mê kô tơ’lêi tâ pơreăng hên tâ’’.

Tiô mâu ngế rơkê ‘na pơkeăng, nôkố xuân hâi ai tơdroăng pơlât ki lâi xêt khât vâ mơdât pơreăng Covid-19 pôi tâ tú. Lâp plâi tơnêi tá mâu kong têa ki rơkê ‘na cheăng kâ xuân hâi teăm chiâng vâ pro pơkeăng môi tiah kong têa Ănglê, Pơhlăng, Mih [ă hên kong têa ki ê… Mâu ngế nếo tâ pơreăng [ă hlâ xuân pơtối tâk hên rêm hâi, tung pơla mê, vaccine ki vâ pâk hbrâ mơdât pơreăng xuân hâi kâi bê vâ pâk troh lâp lu, xua mê hlê ple\ng tung pêi pro mâu tơdroăng hbrâ mơdât pơreăng xuân cho troăng hơlâ ki tro má môi vâ hbrâ mơdât Covid-19.

Rêm ngế thế hbrâ rơnáu đi đo, pêi pro tro mâu tơdroăng pơkâ mơdât pơreăng thế pêi pro tro mâu pơkâ hbrâ mơdât pơreăng tiô tơdroăng hnê 5K dêi Khu xiâm ngăn pơkeăng pơlât, mê cho:

Má môi- Kên pâng rơkong - môh: Thế truâ kên pâng rơkong - môh ki chêp [ă ché rêm hâi la lâi lo prôk drô troăng, a tíu tơku\m pú hên, truâ kên pâng rơkong - môh pơkeăng a mâu hngêi pơkeăng, a kơpong klâ krê.

Má péa - Xôh pơkeăng kơdê pơreăng:  Đi đo thế xếo ko\ng [ă kơ-[o\ng lơ [ă têa pơkeăng kơdê pơreăng. Xếo ‘na ngiâ ‘na ro\ng tơmeăm ki xúa rêm hâi, môi tiah (ko\ng pê péa, phôn râng ko\ng, kơmăi tính kơ-[ăng, ‘na ngiâ kơ-[ăng, tăng…) Mơgrúa le\m xut xếo [ă thế ăm hngêi bâ phuâng.

Má pái - Ki kơtăn: Thế ối hơngế vâ tơpui [ă mơngế ki ê.

Má pu\n - Ôh tá tơku\m pú hên.

Má pơtăm – Thế chêh inâi hơnăm tíu ối ăm khu ngăn pơkeăng: pêi pro tơdroăng chêh inâi hơnăm tíu ối ăm khu ngăn pơkeăng a App NCOVI; cài đặt ứng dụng BblueZone a tíu chêh https://www.bluezone.gov.vn vâ châ tơbleăng hdrối ăm ‘nâi ki tơ’lêi tâ tú COVID-19.

Tâng tâ tung châ tơngê, kơ o, pá kâi hiâm thế lăm khăm tơdrêng hlối a hngêi pơkeăng vâ châ hnê tối, kơjo kum.

Thu Huế - Quang Nhật chêh

Gương tơplôu [ă tơbleăng